LIRIK LAGU KARO AWALAN “R”

1.    RANAN RERE

uruk genting ma bayang ragana keranjang
ku dur-dur pola man pagi sabah
adi anak perana bage e reh genjengna
nde nini nini pe turang labo lit nura

enda kusuan nde tigan tebu megara
turah melingke kukelengi seh kal jilena
pecat-pecatndu kal rusur mama bayangndu
adi la aku kapndu la lit malemna

bayang e kari lo lit
tapi rananndu ari turang nggo leben rere
mela bagena agingku mela bagena
i pandangina kal rusur atena ngena

nde … ah … adi ku kena
asa regen si mencur e pe labo kusura

nggom kusungkun agingku siniktik wari
adi la bangku sahun kena la tersereh
nggom kusungkun agingku siniktik wari
adi la bangku sahun kena la tersereh

nggo i sewai perumahen ingenta tading agi
nggo i angsuri peraboten asa perluna
nangkihi angkot e adi ndeher dalani saja
bagem adi njayo nande karo

amin kujuma ntah kupajak gia dahinta turang
gia latih gia siakap senyumi saja
lit pagi si masana sikelilingi doni enda
eropa australia ku amerika

ue iting ue turang
ue nindu sitik ngaloisa karo
sisuan pagi kentang gara agi
adi sangap situkur pagi motorta

ula morahi silaterjaka agi
litna lah ibaba maka ula latih
pas lah bas kita maka sipake turang
ula sikurangi ula silebihi

kam kutiga aku kujuma agi
terang kari jumpa i rumah
sitik-sitik sipepulungi agi
reh pe pagi tenah banci sidahi
www.sinabungjaya.com

2.    RAJA DISKO

lit ndube sada anak perana
mejile rupana seh kal gantengna
kerina singuda-nguda nggo rate ngena
bage pe aku ndube nandangi ia

gundari ia sekolah i kota Medan
tading me ia oh nake i Padang Bulan
tiap berngi dahinna lalap begadang
piah dagingna nggo kertang nggo tading tulan

oh bibi … ula kam sila
anakndu gundari la sigel-gel e
mbarenda i kuta la nggo ndarat berngi
gundari inemenna pe nggo Wiski
ia gundari nggo jadi pemuda modern
si Raja Disko gundari panggilenna
www.sinabungjaya.com

3.    RAJA SADA WARI

adina banci pagi bagi si kusura
lanai min ateku kita sirang
adi cintanta idungi perjabun
i saksiken kerina sima-simanta

kita duana kundul bas pelaminen
jadi raja sada wari
bali ras raja bali ras permaisuri
bage min pagi ateku kita
seh min pepagi kata sima-simanta
kita jumpa bulan matawari

kita duana rasu sikeleng-kelengen
eme jadi palas perjabunta
nande ginting tetap ukurku ngaloken aku
bere tigan ula nai ukurndu sambar
kita duana nggeluh sikeleng-kelengen
radu si sayang-sayangen
kita duana lanai bo banci sirang
adi la kin dibata si nirangkenca
www.sinabungjaya.com

4.    RASAMKEN SURA-SURA

tengah berngi si mbages e
kuinget sada singuda-nguda
si kutandai mbarenda sanga kerja tahun
tuhu mejile kal kena
nande ginting bage kel ningku
tapi kerina e bayu ibas pusuhku nge ngenca

mbiar kel nge aku agi
lasam pepagi sura-sura ukurku bandu
kerna la senang orang tuandu
nandangi aku ras pe sibiak aku

perban mama karondu agi
la ndube kalak mehaga
perbahan bere biringndu agingku
erpalasken geluh mesera

ersentabi aku man bandu
amin la gia pagi erdemu
bereken min kam kukelengi
ibas pusuhku lah gia
www.sinabungjaya.com

5.    RASI LA ARUS
Sastrawan Tarigan

lupaken ningen la terlupakan
enggo mbagessa ateku keleng nandangi kena
sada wari e pe lanai aku ngasup sirang ras kena

ola gia min ndai si kita jumpa
labo min ndai bage sedakna pusuhku enda
singenan kal kita tapi la banci erdemu
enggo ku sungkun simeteh wari
rasi nina kita erdemu
isungkunindu mama ras mami
la kita erjabu nina

kena kalak terpandang
aku cit pe labo pundang
kena kalak mehaga
aku nde karo kalak mesera
ija nge tuhu arus aku ras kena
ija nge tuhu arus aku ras kena
www.sinabungjaya.com

6.    RAWA TEDEH

kudarami kena turang mama nanginna
lalap pusuhku erdilo ngelebuh kena
sada wari timbang setahun dekahna
adi la jumpa tengguli pagit nanamna

bulung sipagit adumna cina kembiri
lesung pipit erbanca la kutunduh berngi
lanai kungasup nginget tawa ciremndu
erbanca reh ku pusuhku rawa tedehku

sada kena kel ateku ngena
gelarndu rusur kusinget sope mata latunduh
sada kena kel ateku jadi
ibas tunduh kena rusur reh ibas nipi

jumpa min ateku kita bas berngi enda
lalap pusuhku erdilo ngelebuh kena
si ku etehna lenga bo sambar rondongndu
ngerana min ateku kita bas berngi enda
www.sinabungjaya.com

7.    REMANG ILUHKU
Djaga Depari

o turang remang iluhku erdire
remang nandangi gelapna               2x
deleng pe lanai tertatap
o turang, bulan kujadiken saksi       2x
sangana kita erjanji
ija gelap je aku erberngi

reff
lanai terturiken, lanai terbelasken aku  2x
ceda ateku, ngukuri geluh kubaba
o turang, turang ateku jadi, uga sibahan arihta
arihta-arihta la ersada, o turang morah ateku

tatap kubulanna nimai masa kita jumpa   2x
je me pepagi sidungi arih-arihta
o turang, o nggo me nindu o turang
lupakenlah min aku, sasapkendu bas pusuhndu
www.sinabungjaya.com

8.    REMBANG BAS PUSUHNDU

enggom kuangka di ate ngena
labo makana pasti ersada
tapi uga kubahan ukurku ngenda
lalap labo nggit ia ngalokensa turang
dalanta sirang e …
tangkas teridah cibal geluhta
labo sepadan labo sembaba
tapi uga kubahan ateku ngena labo kel nenna
ija perturahna iting rembang ibas pusuhndu
la ter persoken cibal geluhku mesera
tapi cuba gar-gari sedekah erteman
pernah kin erta ku ayaki
la termorahi di kerna padan si ngolangi
ula tambari turang salu ranandu nayat pusuhku ergedang
uga kubahan ma iting ateku ngena kel ndube
turahna tem-tem rembang ibas pusuhndu
bas pusuhndu
www.sinabungjaya.com

9.    RENDE JANAH ERGITAR

rende aku janah ergitar
tengah kesain itengah berngi e kukelengi
tengah pe ukurku morah ate ndauh kabang
sempat enggo bagenda ma itingndu tengahen kita sirang

ija-ija kena gundari nde biring ija kam kusului morah ate
eme ndia oratna kukelengi aku nimaisa
ase enggo dekahna biringku kena la erberita

setahun aku timai mama tigan bage ningkena
enggo tande dua tahunna lalap kena la erberita
aloi….aloi…aloi kel aku    2x
www.sinabungjaya.com

10.    RETAK TUBUH
Junaedi Sinuhaji

kubenaken me nggeluh lanai ras kena
kujingkangken me nahe gia sisada
kubentasi gelap berngi la ras kena
kudalani menda rukur sisada

di kugengken pe pepagi terdekahen
kutahanken pe lalap ngamburken iluh
ntah lanai kal pagi kuidah matawari
adi lalap nari ‘teku mesui

masa krina kekelengennddu
siberekenndu man bangku
nggom kueteh lagu langkahndu
kai pe banndu alasenndu

tapi pas persirangentakupindoken man bandu
nggeluh enda la ndekahsa perobahi lagundu
sibar bage me dage turang
ula pagi i daramindu tiganndu

enggo kerah iluhku mambur
enggo me retak tubuhku
www.sinabungjaya.com

11.    RIMBANGKEN KINITEKEN

terbayang aku janah ku cikep gambarndu mama biring
kuinget kel ndube masa erteman ho … masa erteman

adi kutatap bas gambar enda lalap nge kita ersada
gia meruntuh kel pagi taneh sidedeh ho…. mama biring

lang si tuhuna endam jadina turang kerna arihnta
nggo kel masap kerina sumpah janjinta
ban kiniteken kel ndube nina bibi jadi sukaten
rikut ken cakap kerina anak berundu
nggo sia-sia kita erjanji ndube
erkadiola kel aku jumpa ras kena
talu kel aku rimbangken kinitekenta
endam me bena pulahna rakut arihta
www.sinabungjaya.com

12.    RIMBANGKEN PUSUH PERATEN

la kusangka karongku engkai makana kita jumpa
engkai maka i alokenndu kekelengen ibas aku
salah nge ndia aku
adina kena ku kena turang ateku ngena

la tertogan agingku kai kata pusuhku
sirimbangen enggo ukurku rimbangken pusuh peratenku
piahna lepak me perdalanku
perbahan kena ku kena turang ateku ngena

sikelengen rikut ras singenan labo makana harus erdemu
adi gelarndu bayangku ibas pusuhku lanai bo pagi tersasapken
kerna uga kubahan banndu agi labo lit ndube ukurku ilat
emaka kel pagi turang lit menek-menek ukurndu

enggo me agingku ulanai simorah-morah gia lanai kita jumpa
enggo me mesayang bageme ninta duana enggome mejuah
www.sinabungjaya.com

13.    RIMO LA APEL

nimai daging simengel-ngel
sada menit saja kin pe medanggel
pusuh bagi si tondel lit lalap dongkel
pusuh bagi si tondel lit lalap akap dongkel
rimo la seri ras buah apel
si gundari la bali ras si gel-gel
rukur aku ertangkel kai pe labo enda gel-gel
rukur aku ertangkel kai pe labo enda gel-gel
oh perburu sabut i sampul
enda gergo tambar megatel
sada kata terbelas simpel
tambarindu pusuh mesikel
tambari pusuhku biring alu pusuhndu si kelengna kel
tambari pusuhku biring alu pusuhndu si kelengna kel
www.sinabungjaya.com

14.    ROBAH AKU NANDE

mberat menda nahengku
erjingkang nandingken kuta
sedekah kugejap kekelengen bas nande bagepe bapa
latih ndube akapndu ngukur-ngukuri aku anakndu
si ndube usur ajar pedahndu bagem arih nindu nande

aminna latih gia kapndu bapa
aminna litap nggo perakasndu ibahan iluhndu nande
rulih nge pagi nindu nande nindu nge bapa

mberat menda nahengku
erjingkang nandingken kuta
sedekah kugejap kekelengen bas nande bagepe bapa
latih ndube akapndu ngukur-ngukuri aku anakndu
si ndube usur ajar pedahndu bagem arih nindu nande

gundari berkat aku nande ngalur-ngaluri pasar si nggedang
ertoto lah kita man dibata
gelah are pagi dalanna aku robah … robah …

aminna latih gia kapndu bapa
aminna litap nggo perakasndu ibahan iluhndu nande
rulih nge pagi nindu nande nindu nge bapa
www.sinabungjaya.com

15.    ROBAH NAMBAH BERATNA

ndauh aku nggo mapak kudalani dalan si gelap
salah apai si lepak agi e dekahen usur si kudahi
mabuk-mabuk ras erjudi em dahinku suari ras berngi
lanai kueteh mehuli nake sinasana keri kudayai

nde nande karo bage ka pe kena setia
nde nande karo sabar kam ngalo-ngalosa

piahna nggo kuukuri pengkebetku si la kel terpuji
lanai kam pagi kutogan agi jera aku ma ginting robah
nuan-nuan me kujuma ras kudungi dahin i sabah
lalap kam kutami-tami agi asa tasak nakan i rumah

nde nande karo si nggo lewat ula tangisi
nde totoken gelah kita lampas jumpa rejeki

nde nande karo aku nggo robah
kuikutken kerina turang ajar ras pedah
nde nande karo bas aku robah
i je ka kukelengi kena selingkuh
i je ka kusayangi kam erpengobah

nde nande karo batang ropah idah uratna
nde nande karo aku robah nambah beratna
www.sinabungjaya.com

16.    RONDONG BAYANGEN

tantangna ngerana ras mama karona
labo lit ateku ngena biasa-biasa saja
tapi genduari kenca rusur jumpa
sibiasa – biasa saja dungna luar biasa
sada wari kita la jumpa mama karo keben nande tiganndu
ertenah ningen lalit dalanna mesayang
gengken pe lanai tertahan

du du sangana man pe kuinget rusur rupana
sangana ridi kuinget ciremndu
muat ku tunduh kusinget rusur gelarndu
ngarapken kena banci reh bas nipiku

du du ya ya ya mama karona
du du ya ya ya rondong bayangen

cakapindu kenca diberu sideban
dag dig dug ser nina jantungku cemburu nande tiganndu
www.sinabungjaya.com

17.    RONDONG KEYBOARD

ndubem kel aku i seringkenndu
tempa lit nge ukurndu bangku
enggom kueteh ise kin kena
ula usursa aku sering seringkenndu

enterem jelma si ngatakenca
teman temanndu pegancih saja
petempa tempa atendu ngena
i temanindu tupung gendang keyboard saja

daramindu rondong keyboard
teman ngerana tupung keyboard
cinta kena la erbobot
mama biring pecandu keyboard

ho … o mama biring
ula pebalindu nander karo ras sideban
o … ho .. kusayangi aku la terkena jadi barang permainen saja
rupandu meparas la terasamken
adi atendu nggombali saja

daramindu rondong keyboard
teman ngerana tupung keyboard
cinta kena la erbobot
mama biring pecandu keyboard
www.sinabungjaya.com

18.    RONDONG LUAR BIASA

lit sada rondongku anak perana
tuhu mejile rupana seh kel gantengna
senyum ia matangku la banci tunduh
cirem ia andiko bene kel aku

jelmana nake la kel megogo
nembeh atena pe ndube i tawaina
ma itingku enda metami seh kal liahna
rondongku enda rondong luar biasa

oh andiko jilena
oh andiko gantengna
nde turang mama iting
ula nai aku tading
lanai ku ngasup sirang
kena rondong luar biasa
www.sinabungjaya.com

19.    ROTI MANIS
Djaga Depari

arah binjai dalan ku berandan ari turang
enda kerangen nina ingan kiranting keleng ateku
arah apai dalanna aku atan man bandu turang
belangen denga dalan kena tanding
nande karo nindu turang

reff
roti manis adumna serikaya,
kopi pagit adi la tama   susu
ranandu manis erbanca nande karo terdaya
cakapndu manis sada pe la tuhu mama
biring la megogo
kujakal aku turang

enda de nurung pagi i babo paya o turang
aku labeluh rukur dalanna aku terdaya
morahkal ateku

dikuala pia persabahan lau tengguli,
sibaba cuan jadi pen camet
ula pagi tersia asakai toto mehuli
uga ni sura   bagelah min ni dapet

morahkal ateku turang lapernah kutembehi
www.sinabungjaya.com

20.    RUDANG ERKUBANG

si enggo lewat agi ula morahi
ngamburken iluh pe lanai mbera mulihi
ciremlah kena turang gundari nari
tataplah ku wari si pagi

andingken ngeluh turang em sada rudang
turah i reba jilena lanai teralang
warina mentas agi ngayak tahunna
seh masana melus kedungenna

maka ula dadap kubang agi
enggom tehndu melket naring
edalin ula jurgaksa agi
gelah ula tersantau duri

adi terudu,.erkadiola reh nge ndapeti
ngamburken iluh labo nasapken dosa siadi

enggo gia agi kena terbuang
i kegeluhen si dem bas penungkunen
bias me enggo ula nari tangisi
ciremlah turang jadi ateku
www.sinabungjaya.com

21.    RUDANG GELUHKU

kena nge ateku man rudang nggeluhku
o … o … mama tiganna
kena nge ateku man teman nggeluhku
o … o … bere ribuna

ula sempat melus kena rudang geluhku
ula sempat monce ukurndu bangku

la lit sideban kena teman geluhku
kena ngenca teku ngena

ula ula mela kena nandangi aku
ula ula mela kena njumpai aku
www.sinabungjaya.com

22.    RUDANG KEGELUHEN

Lit nge pagi malemna oh nande
erlayas nge pagi dung na oh bapa
gia genduari mesui kel atendu
gia genduari mesui kel atendu

labo man ukuren oh nande
labo man tangkelen oh bapa
gia kami anakndu la meteh mehuli
gia kami anakndu la meteh mehuli

kam nge nande kam nge ngenca oh bapa
rudang-rudang kegeluhen kami anakndu
labo min ate kami nimbak ajarndu
labo min ate kami nogan katandu
perban la beluh na nge ndube kami anakndu

payo anakku nindu min nande
payo anakku nindu min bapa
hu..hu… tangis kel aku nande
hu..hu… ngandung kel aku bapa
www.sinabungjaya.com

23.    RUDANG TANDA MATA

enda kubereken tanda mata
tanda kena ateku ngena
turang ula i pandang kena
gia la mejile rupana

rudang si seh kel hagana
labo rudang i tengah kuta
tapi rudang man tanda mata
bunga ncole mbentar bungana
cintaku-cintaku kena ngenca ma tigan
sayangku-sayangku kena saja

cintaku-cintaku kena ngenca tigan ku
sayangku-sayangku kena saja

gia pagi melus bungana
turang ula sambari kena
tulus ukurku man bandu
oh tigan mama tiganku
www.sinabungjaya.com

24.    RUDANG MAYANG
Djaga Depari

o rudang mayang jilena la teralang
batangna melendang la terpandang

o rudang mayang jilena la teralang
buahna megara la terjaka

reff
oh rudang mayangku la nggo melus
salsali matawari
oh nande tiganku la nggo meruntus
ija kena gundari

oh rudang mayang jilena la teralang
batangna melendang la terpandang
o rudang mayang, ise natapsa jengang
kita erturang bayu, jumpa sumbang         2x
www.sinabungjaya.com

25.    RUDANG – RUDANG MEJILE
Djaga Depari

adina enggo mbelin bage
mbelin daging ibaba nake
mbelin bekas pendidong doah
nande bapa perkuah
ras ikuning kuningi mami
bibi mbacar metami

reff
mehuli kel ajarna ndube
rikut bage toto ras pasu-pasuna
ula kelmacik tangke tangke rudang
rudang-rudang mejile
rudang-rudang mejile nake
tuah nu kade-kade

maka ersinal gelah babah nande bapata sumekah
payo me ateta tuhu me dagena
sipake me pedahna

kembali ke reff s/d akhir
www.sinabungjaya.com

26.    RUDANG I TEPI EMBANG
Sabarta Sitepu

tigan oh nande tiganku
iting oh bere itingku
nggo teridah atendu lahang man bangku
perbahan kena lawes turang nadingken aku

la senang ndube orang tuandu
perbahan aku ngube kalak mesera
lakepe tampil kekelengen ibas jabundu
pangkat nge kepe iayaki orang tuandu

kujadiken kena turang bagi rudang-rudang mejile
rudang mejile siperturahna ndube agi i tepi embang
tuhu melala ndube sinura mutikkenca nde tiganku
tapina mbiar ndube turang ndabuh ku embang
erpala-pala ndube karondu mutikken rudang-rudang mejile
la ku ukuri banci kel selpat aging ingan erdideh
piah erturban ndube turang inganku erdideh
piahna selpat ndabuh ku embang kesirangen

morahi lanai bo termorahi
tangisi lanai bo tertangisi
padan nge ndube pengindo bagem kubaba
mejuah-juah nde tiganku sirang me kita
www.sinabungjaya.com

27.    RUDANG SIENGGO MELUS

man ise naring agingku ku turiken
adina tedeh aku kena
man ise naring agingku ku kusikken
adina sikep aku ku kena ari turang
rudang-rudang si mejile pe nggo melus agingku
natapsa aku nggo tangis teriluh
wari si terang pe jine nggo bene mesayang
tempa-tempa tehna teku mesui
nggo me bagenda lanai bo termorahi
padan nge ndube si erbahansa
arihta mombang
labo kena lepak labo kam kusalahi
padanta nge ndube
labo kena salah labo kel kena lepak
letakta nge ndube
ula kam tangis agi
ula nai atendu morah hu … hu …
www.sinabungjaya.com

28.    RUMAH CEDA TANGGANA

kuinget sanga kita mbaru ersada
rumahta pe kontraken denga
pendahin pe lenga tentu kujah kuje
cari pagi gelah lit nakanta berngi
i tanggerndu bulung gadung ela pe santani nande karo
ersada nge turang arihta mansa
i belgangndu supermi e la lit telorna metami
ersada nge tuhu arihta mansa
ulih megenggeng dungna jumpa rejeki
nggo lit ulih bekas encari ndai
rumahta kin pe jine lanai bo newai
nggom itehndu belanja ku matahari
kutukur bajundu mode gundari nande karo
gelah mejile bere nangin ndai bage ateku
kutuku hapendu si mehergana metami
gelah ben enda pe kena banci ku hubungi
gundari nande ginting kena lanai sayangku ndube
ibas sinasana kena lanai sigel gel e
aku berkat erpagi pagi mulih pe tengah berngi
tunduh kam tengah berngi medak ka pe ciger wari
ma nangin e nge dungna masak sendiri
bere karo e nge dungna cuci sendiri
ulih megenggeng dungna jumpa rejeki
nggo lit ulih bekas encari ndai
rumahta kin pe jine lanai bo newai
nggom itehndu belanja ku matahari
kutukur bajundu mode gundari nande tigan
gelah mejile bere nangin ndai bage ateku
kutuku hapendu hp 3 kusayangi
gelah ija pe kena banci ku hubungi
gundari nande tigan kena lanai sayangku ndube
ibas sinasana kena lanai sigel gel e
aku berkat erpagi pagi mulih pe tengah berngi
tunduh kam tengah berngi medak ka pe ciger wari
ma nangin e nge dungna cuci sendiri
bere karo e nge dungna gosok sendiri
gundari nggo me ku ukuri seh dengana kutukur ate mesui ndai
kesirangen kin pe lanai bo terolangi adi ukurndu man bangku nggo me erbagi
ise pe pagi perbulangenndu nande karo
kelengi lah turang rumah tanggandu
sada ola kel pagi i lupakenndu metami
sengawan tinambaten kena ras aku
sengawan tinambaten kena ras aku
www.sinabungjaya.com

29.    RUMAH LIANG

nangkeng-nangkeng ku rumah liang ari turang
kincuah dalanna ku penen
nangkeng-nangkeng ku rumah liang ari turang
kincuah dalanna ku penen

ugapape ningen nggo me arihta sirang ari turang
adi ukuri mama karo aku la atan
ugapape ningen nggo me arihta sirang ari turang
adi ukuri mama karo aku la atan

angko-angko embun deleng babo
sidahi dahinta ula nai lit lolo
angko-angko embun deleng babo
sidahi dahinta ula nai lit lolo

ue nande nangin ningkena min gelah erpengue tendiku
gelah malem-malem sembelah pusuhku
ue bere tigan ningkena min gelah erpengue tendindu
gelah malem-malem sembelah pusuhku
www.sinabungjaya.com
up26122011

This entry was posted in Lirik Lagu Karo. Bookmark the permalink.