“JABATAN GEREJAWI BUKAN SOAL POSISI KEKUASAAN TAPI FUNGSI PELAYANAN”

Minggu tgl 23 Juli 2023. GBKP Njayo
Kotbah : Epesus 4 : 7-16
Tema : Ndahiken Dahin Pelayanen

Epesus ibas masa kekaisaran Romawi merupaken kota metropolitan kedua terbesar kenca Roma alu jumlah penduduk tupung sie sekitar 250 ribu jiwa. Terletak isebelah barat pesisir Asia kitik (gundari Turki) kota Epesus megati pe igelari “Pintu Gerbang Asia”. Epesus pe menjadi sada kota ingan Paulus Erberita Si Meriah sindekahna ije ia tading, eme sekitar dua tahun. Catatan sejarah gereja lit isngatakensa maka ijenda me Rasul Johanes ras Maria Nande Jesus menghabiskan masa tuana seh asa matena. Sope kekristenan berkembang, kota enda menjadi pusat penyembahan Dewi Artemis kalak Yunani si sangat ihamati enterem jelma. Kota enda pe merupakan kota kelahiran sekalak filsuf Yunani si terkenal sitergelar Heraclitus, emaka labo heran adi ibas kota enda pe melala berkembang erbage pengajaran ras filsafat si la sendalanen ras kekristenan.

Kata kunci kitab Epesus eme “Ibas Persadanta Ras Kristus (En Kristou). Garis garis besarna eme :

1. Perbahanen Dibata ibas Kristus : e me milih kita jadi sikerajangenNa sope doni ijadiken (#predestinasi; pasal 1)

2. Perbahanen Kristus man banta : e me mere Keselamaten erpalasken perkuah ateNa. La erkiten bujurta (#Sola #Gratia; pasal 2)

3. Perbahanen Kristus ibas persadanta ras kalak sideban : e me Mperdamaiken permusuhen (#Reconciliation; Pasal 3)

4. Praktikna ibas kegeluhenta :

a. Encidahken kiniersadan ibas persadan ras pelayanen alu make pemere Dibata si pelain-lain (pasal 4 : 1-16)
b. Nggeluhken geluh simbaru (4 : 17- pasal 5)
c. Kesah Si badia jadi gegeh simbaru (6)

Emaka teks wari enda eme mpeturah kiniersadan ibas Kristus alu menjagai kiniersadan ibas persadanta ras temanta manusia ibas perpulungen Tuhan. Model persadan sinigambarken Paulus eme desken Kiniersadan Kula, ija Kristus jadi kepala, kita kerina ring-ring si pelain lain (4: 16).

#TAFSIRAN

1. Alu bage dungna ersada kinitekenta ras penandaita kerina nandangi Anak Dibata, kita dewasa, janah dungna seh kita ku tingkat kedewasaan Kristus si serta e (:13). Alu cara uga ? eme sehubungen ras ayat siarah datasna, eme nggeluh sue ras kecibal si niaturken Dibata, meteruk ukur, saber, lemah lembut, la pergelut, njagai kiniersadan ibas Kesah Si Badia (4: 1-4), makeken kerina pemere Dibata si pelain-lain (:7), secara jabaten gerejawi deba ibahanNa jadi rasul, nabi, perberita si meriah (penginjil) , permakan (gembala) ras guru (pengajar).

Tujun kerina pemere sipelain-lain ras jabaten gereja si pelain lain labo guna kemegahen doni tapi gelah kerina anak-anak Dibata sikap ndahiken dahin pelayanen majekken Kula Ni Kristus. Alu kata sideban, banci ersada kiniteken ras penandaita kerna Kristus janah seh ku tingkat kedewasaan Kristus adi selaku perpulungen kita nggeluhken geluhta ibas pengajaren kata Dibata, mabai bana kita njagai kiniersadanta ras Kristus alu encidahken kiniersadanta ibas gereja, emaka kerina talenta perpulungen bagepe kerina jabaten gerejawi sidahiken bagi arusna, desken Kula si melala ring-ring, la siganjang teruken, la pentingen mata asa tan entah cuping, kerina lit fungsina masing-masing. Jabaten kepengurusen gereja pe labo soal kekuasan tapi fungsi pelayanan.

2. Alu bage kita lanai bagi anak-anak iombang-ambingken galumbang dingen ijole-joleken kujah kuje alu angina pengajaren kalak penipu (:14). Istilah iombang ambingken enda mesunah iangkai kalak Epesus sebab kota e kota Pelabuhan si mbelin ija melala kapal si berlabuh ije. Emaka kalak si la dewasa ibas erkiniteken desken kapal si iombang-ambingken galumbang pengajaren si papak.

Pengajaren-pengajaren e megati desken galumbang, kenca lewat galumbang sindekah minter reh ka galumbang si mbaru, pengajaren-pengajaren e pe megati lit rusur trend, bagi uis, ganti-ganti model, seh maka bingung me kita kerna apai si benar adi lalit cikepen si enteguh.

#Kalak #Penipu ibas teks aslina sinipake eme “#Pemain #dadu”, ija ibas kota Epesus megati lit permainan dadu sinimainken kalak dewasa, tapi alu kebeluhenna megati anak-anak si lenga dewasa kena tipu. Kepolosan anak-anak e megati isalahgunaken kepentaren kalak dewasa si penipu. Bage pe ibas dunia pengajaren agama, jemaat si tulus polos, maslahna eme lenga dewasa pengangkanna, megati mudah ipengaruhi erbage pengajaren, si la ietehna e benar ntah salah, seh maka banci imanfaatken pengajar-pengajar palsu e guna kepentingen pribadina.

3. Tapi alu nuriken situhu-tuhu alu dem ate keleng, reh belinna kita jenari seh ku tingkat kesempurnaan Kristus. Ia kap takal (:15). Nuriken situhu-tuhu e jadi penting sebab ibas kota Epesus melala pengajar palsu sinuriken si la tuhu, labo erpalasken keleng ate tapi erpalasken sura-sura doni. Kai sinibahan Paulus man perpulungen Epesus eme nuriken kebenaren kerna Kristus alu dem keleng ate.

Terjemahen bahasa Indonesiana eme “Dengan teguh berpegang pada kebenaran di dalam kasih, kita bertumbuh dalam segala hal kearah Dia, Kristus, yang adalah Kepala”. Kebenaran membuat kita mengasihi setiap orang dalam porsi seharusnya, kasih membuat kebenaran bisa dirasakan dan bukan sekedar kata-kata.

Ibas jaman sigundari, lit kalak nina nggeluh saling mengasihi tapi la bas kebenaren nari, sebab erkiteken saling mengasihi, kerina si lit ibas ia iras-raskenna termasuk hubungan perbulangen ras ndehara pe jadi perkongsian.

Deba kalak si nina tutus Erdibata nggeluh ibas kebenaren, lalit pandangen ibas pengerana ras perbahanen, kecuali sada, ise pe labo lit jelma si nisampatina. Nggeluh iakapna ibas kebenaren tapi lalit ibas ia kekelengen.

Desken kedewasaan Kula, kula e dewasa adi kerina organ tubuhna erfungsi bagi arusna, bagepe ibas kiniersadan kinitekenta selaku Kula ni Kristus, adi sieteh ija inganta ras kai fungsinta janah erguna kita ije, labo asal celna asal cinep.

Adi sekedar celnat saja, bareh ntah kurap pe celnat ka nge ibas kulanta tapi jadi pinakit, labo maba sierguna, emaka ku gereja kita labo gelah enggo ku gereja saja, pulung labo sekedar pulung saja, tapi ija kita ringan, ije kita erguna man sidebanna, mata erguna nampati tan erdahin nampati nahe erdalan. Cuping erguna erpemegi nampati babah guna ngerana sesuai kai si man jabapen, labo asal ngeranai la erpemegi sibanci peturah perubaten.

Bagepe kepengurusen gereja, la siganjang teruken, ketua labo panglima perang, a harus a, b harus b, keputusen gereja e erpalasken arih ras, sebab ibas arih arih e tek kita ikut ije Kesah SiBadia. Kerina jabaten e eme pembagian tugas siberbeda. Tapi sada nge kerina tujunna eme “gelah kita radu dewasa ibas persadanta ras Kristus, teridah ibas persadanta ibas gereja bagepe nggeluhken geluh simbaru itengah jelma sienterem”.

“Jabaten gerejawi bukan soal posisi kekuasan tapi fungsi pelayanan ”

Catatan Tambahan :

Ada tiga tempat dimana Paulus berbicara tentang “karunia-karunia yang berbeda (pemere si pelain-lain) yaitu pertama, secara umum di dalam gereja, dalam Roma 12: 6-8 menurut Paulus ada 8 karunia, yaitu bernubuat, melayani, mengajar, menasehati, mengajar, membagi-bagikan (memberi), memimpin, murah hati.

Kedua, dengan lebih terperinci, dalam 1 Korintus 12-14 ada karunia hikmat, karunia pengetahuan, karunia iman, karunia kesembuhan, karunia mujijat, bernubuat, membedakan bermacam-macam roh, karunia bahasa roh, karunia menafsirkan bahasa roh.

Ketiga adalah pada Epesus 4: 11, secara khusus mengenai jabatan gerejawi yaitu ada rasul-rasul, nabi-nabi, penginjil, gembala dan pengajar.

Ibarat gereja sebagai sebuah Rumah besar, rasul-rasul, yaitu murid-murid historis Tuhan Jesus, dan juga nabi-nabi, baik dalam PL maupun PB, kedua jabatan ini sudah menjadi pondasi dasar bangunan gereja. Itu sebabnya sekarang tidak ada lagi jabatan rasul dan nabi di dalam gereja. Namun gereja tetap melayani berdasarkan prinsip kerasulan (apostolik) dan kenabian (profetik) yaitu diutus dan mengutus, dan kritis terhadap perkembangan jaman.

Yang tersisa ketiganya lah yang diakui jaman sekarang dlam gereja yaitu penginjil, gembala (pendeta, pertua diaken), dan pengajar (teolog-teolog yang memproduksi dan membina penginjil dan gembala.

#Fungsi karunia-karunia ini yaitu untuk ‘memperlengkapi orang-orang kudus bagi pekerjaan pelayanan (:12) sebagaimana tema kotbah hari ini.#Tujuannya yaitu untuk mencapai kesatuan iman, pengetahuan yang benar ttg Anak Allah dan kedewasaan yang penuh spt Kristus (:13) supaya tidak lagi diombang-ambingkan rupa-rupa pengajaran palsu dan bertumbuh dalam segala hal kearah Dia (:14).

GBKP Rg Kandis, Klasis Riau Sumbar. #MingguPerdana
#MasihmerinduKuala
fb Joseph Sianturi

This entry was posted in Berita. Bookmark the permalink.