BUDAYA BATAK KARO RAS SAMPAH

Oleh: Imelda Novita Brahmana (Kabanjahe)

Budaya ibas kegeluhenta sigenduari menam-menam bene. Padahal, budaya seh kel perluna bas kegeluhen. Anak-anak sigenduari mbue mela ngatakacenca ia kalak Karo entah pe mela ia ercakap Karo. Pengakapna, cakap Karo cakap kuta-kuta.
Paksa genduari enda, mulai i daerah Berastagi seh Kabanjahe ras sekitarna, mbue kel siidah sampah. La lit singangkutsa. Kusungkun piga-piga pihak terkait, nina, la lit upahna ngemo ei.

Persoalen enda banci saja siakap kitik, tapina, seh kel mbagesna adi siangka uga ertina e. Lit min kiniersadaan, kekelengen, bage pe ukur si mehuli gelah budayanta la luntur. Adi zaman sidekkah nininta mbarenda labo perlu kel ia ngambekken sampah. Sampah rumah ei itamaken kubas dapur entah pei api ingan erdakan. Labo isurukken ku teruh karang rumah. Sampah rumah ei la lit jelma sideban ngidahsa entah pe nganggehsa. Em budaya sidekkah.

Zaman genduari biak sibage menam-menam lanai lit ibas kalak Karo perbahan mbuesa siman ukuren. Jelma lanai merhat latih rukur entah pei ndahiken dahin ei. Sampah rumah enggo lit singangkutsa. Lanai perlu latih nutungsa. Lang pe minak lampu merga ka genduari. Tapi, amin gia bage, perlu kang nge siukuri kai nge sidalanken gelah nampati pemerintahta kerna sampah enda.

Piga-piga, adi sinen, sampah ei merap-merap la lit singangkutsa. Uga nge banci siban guna kinersadaanta ibas ermasyarakat? Adi mbarenda nini-nininta ipepulungna sampah jabu ei kenca bage itutungna i dapur. Adi genduari, adi lit sampah ei enggo lit singangkutsa, bage pei adi lit persoalen ibas jabu, ei kerina jelma enggo ngetehsa. Menam-menam dahin anakberu ei lanai ibereken man bana. Kai pei ibas zaman genduari enggo terbuka. Lanai lit mehangkena.

Emaka, enggo me perlu siukurken mulihi budayanta sidekkah, uga nge sibahan ngatasisa sampah enda ndai sebagai kita kalak Karo erbudaya?
sumber : http://www.sorasirulo.net

This entry was posted in Adat Istiadat Karo, Berita dan Informasi Utk Takasima, Informasi Untuk Kab. Karo. Bookmark the permalink.

2 Responses to BUDAYA BATAK KARO RAS SAMPAH

  1. Pingback: cvv fullz shop

  2. Pingback: Bilad Alrafidain University |Bilad |Alrafidain |college students

Leave a Reply

Your email address will not be published. Required fields are marked *