MBURO ATE TEDEH PERPULUNGEN SITEPU RAS ANAK BERUNA SEJABODETABEK

Ibas wari Rabu tanggal 29 Juni 2011 enggo ilakoken perjumpaan tahunan “Mburo Ate Tedeh Perpulungen Sitepu ras Anak Beruna Sejabodetabek i Gelanggang Olah Raga Tanggerang Provinsi Banten, ibenaken mulai  jam 09.00 wib seh 17.00 wib ras iiringi ketengketeng Jepang . Erkiteken genduari perbapan ras pernanden enggo erbeluhna rende termasuk perninin maka engo ibatasi Panitia tep-tep acara landek i batasi 2 (dua) kalak ngenca rende, tapi kenyataan ibas lapangen lebih ase erkiteken Anak Beru lapang nimbak pemindon kalimbubu Dibata Ni Idah, em….kita kalak Karo mehamatna…emaka aturen sienggo i atur panitia pe ilanggar …..panitia ka deba.

Acara enda i ikuti kerina Perpulungen Sitepu ras Anak Beruna i lima wilayah emkap Tanjung Priok – Jakarta Utara, Bekasi – Jakarta Timur, Depok – Cimanggis , Peninggaran – Jakarta Selatan ras Tanggerang sebagai tuan rumah. Perjumpaan enda i lakoken tep-tep tahun ras inganna pe pindah-pindah sue ras keputusen panitia pelaksana. Tahun 2010 silewat, sebagai tuan rumah Perpulungen Sitepu ras Anak Beruna Peninggaran Jakarta Selatan i lakoken Gedung Cut Nyak Dien Cibubur Jakarta Selatan. Untuk tahun 2012 giliran panitia emkap Perpulungen Sitepu Ras Anak Beruna Tanjung Priok. Emaka ertoto kita gelah tahun sireh pe kita banci pulung ras terbuen sireh, ras ertoto kita man Tuhan Dibata gelah berkenna kesehatan ras rejeki man banta kerina. Man bandu entah lit ka perpulungen sideban silenga masuk ku lima wilayah sidatas ipindokami maka daftarken man perpulungen sindeher ras inganndu tading, gelah tahun sireh erlalana kita banci pulung. Bujur,  rsg – Anak Beru Sitepu