PUISI NANCY MEININTHA BRAHMANA: BRAHMANA

enggo terbegi gung si malem ate
enggo sue kata erdemu
tenah sinitenahken nggo niar-niar
ku pusuh pertendin sirulo

gelah sada arih, sada kekelengen
Brahmana ras anak beru siikelengi
kerina sada sikawal-kawalen
sintua megermet
sintengah mehamat
singuda mehimat
sirakut sinikeleng si mehangke
gung erbolo-bolo
ula sitendengen, mejemat sipakeken
ula erbelas jongat, meruntus, mejogar
gelah ngalkal pertendin
em jadi sinalsal
kesusuren si enggeluh
ngergaken kuta si malem
mehaga kata nicibalken

Kabanjahe, 9.00,1 oktober 2013,
untuk Brahmana Mergana ras anak beruna
sumber : sorasirulo

This entry was posted in Puisi. Bookmark the permalink.

Leave a Reply

Your email address will not be published. Required fields are marked *