NIKTIK WARI (PENJADWALEN) PENGIRIMEN RIMO KU JAWA

Mulia Sembiring (Jakarta); Aku termasuk nge si labo pernah nukur Jeruk Medan i swalayan, labo perban kai, mergasa. Lang, é denga nge buah favorit kami. Adi merhat kel, itukur kami i perbinaga/kios buah. Lit si khusus rimo, lit ka campur. Ije murahen, banci dat Rp. 15-18 ribu/ kg. Tapi, gundari arah sekitar kami, enggo hampir “punah” perbahan la lako.

Adi daerah Cililitan, Pasar Minggu (Jakarta), lit denga si khusus pakai gerobak/ warung berjalan. Temanku lit sekitar 5 kalak si pernah/ mantan perbinaga rimo ijah. Lit si langsung mesan barang ku Kabanjahe, lit si nimai i Pasar Induk, lit si nimai i kios (taruhken kalak) alu penggalaren perhitungan minggu sireh asakai silako.

Bagi kata R.K. Meliala i facebook Gebu Karo, mbué denga peminat rimo énda, tapi kuidah sierbinaga la lit kontrol pasarna. Pernah kubegi berita i Bandung, buang 2 truk fuso rimo Berastagi perban macik i truk. La ipenusur pemesan perbahan la lako ras mbuésa stock. 1 minggu i truk tambah perdalanen hampir 1 minggu ka Kabanjahe  nari. Sanga sié, 2 X 12 ton (24 ton) iambengken.

Jadi, nina ukurku, perlu ibahan management siratur ibas Pemkab Karo nari gelah ola sempat over i Jawa énda sanga mbué rimo janah ula ka sempat mesera ndaramisa sanga la mbué rimo. Rembang lit sada silihta erdahin ibas ekspedisi Tiga Saudara Kabanjahe. Sesekali ia ndat order mbaba rimo ku Jakarta/ Cibitung ntah pé Bandung. Pas sekali paksa tujuan émekap Pasar Induk Keramat Jati, tapi ternyata gudang penuh. Jadi, truk nahan i Merak. 3 wari enca sié lanjut ku Keramat Jati, tapi la surung bongkar perbahan la lit sinukur (stock mbué). Mulihken truck ku Merak. Nahan 2 wari émaka ibongkar i Merak. Enca Merak nari ka pagina drop ku Cibitung tah Keramat Jati.

Uga akapndu perhitungan sewa truckna énda? Tokeh la banci lang mpedarat uang makan Rp. 50 ribu/ wari man tambahen uang makan ku supir tambah kru. Adi sikap min ndai jadwal pendistribusian i Medan nari, kuakap la terjadi bagi si énda. Janah pé kubegi info, adi i juma erga rimo Rp. 4.000/ kg lah gia terangkat, enggo cirem simada rimo. Sedangken i Jakarta (swalayan/ toko buah segar) banci seh Rp. 20 – 25 ribu/ kg na. Tapi, engkai maka mbué pedagang jeruk i Jakarta gulung tikar?

Adi pedagang kios-kios tah gerobak, ia rata-rata enggo idrop pedagang agak besar teptep 2 wari. Lit simborong per keranjang (all grade), lit ia siniperhitungen si lako saja galarina. Resiko mbelin man pendrop bagé pé man singedrop ku swalayan. Galar kuota pertama pé banci seh Rp. 50 juta. Erga banci meganjang bobo Rp. 15 ribu. Tapi, adi la lako, ulihkenna man pendrop. Sada nari erbahanca la lako, perbahan kwalitas enggo menurun. Mejilé man tatapen, tapi la entabeh (la ntebu), hambar nanamna. Éndam sitik sikuidah mengenai Jeruk Medan énda.
sumber : sorasirulo

This entry was posted in Berita dan Informasi Utk Takasima, Informasi Untuk Kab. Karo, Momo Man Banta. Bookmark the permalink.

Leave a Reply

Your email address will not be published. Required fields are marked *