PANTUN KARO

Adi menganjang babah ngerana
Erbelas kata La ngangkar bana
Kata soranta siakapo sipayona
La kapken ngasup kalak megissa
Piah tuah me atena gila
Bene pe dungna sikelna jumpa
Dungna kita rukur sisada

=====

Asar ndukur Asamkumbang
Namopunti mbue bungana
Ersada ukur raduken numbang
Rikut nampati mbelin gunana

=====

Baba cekala ku Tigajumpa
Gelah situkur minak mentega
Sepala nggo me kita jumpa
Ersada ukur mantek gereja

=====

Bulung birah bulung parira
Rimo mungkur mbelah itaka
Pulung me sendah kita kerina
Meriah ukur ersada

=====

Enda itaka si rimo mungkur
Bunga rampe man perpangiren
Belasken kata turiken ukur
Bapa nande ole ketadingen

=====

Ersadalah arih ibas mbangun
Ola mbiar mereken silitna
Sebab bagi putiken terbangun
Iputika maka tambah bulungna

=====

Ersuli tualah mumbang
Bunga melati ibas galahna
Ukur mehuli rikut numbang
Ate nampati lalit salahna

=====

Ipakena baju er-renda
Ertumba-tumba beras babana
Kataken arena belasken arenda
Erlumba-lumba pepulung dana

=====

kata i kuit keroncong embus terompet
ntabeh sorna man beginken
cekoh koncang gargari dompet
ongkos mulih saja tadingken

=====

Kabang ndukur Kulau terue
Ibas bernehna isuan lacina
Ola min ukur ermbue-mbue
Nuriken gegeh asa bancina

=====

Keleng ate nandangi teman
Mehamat kata ntabeh ranan
Lagu mehuli gelah ibahan
Ibas pertingkah sejaga-jagan
Ibas silitna siela-elan
Radu irasken maba baban
Nggeluh arus sipehaga-hagan
Arus terbeluh kita erteman
Pekena-kena ncibalken ranan
Langkah pandangan olah ibahan
Ibas pusuh arus kap siangkan
Sipersingeten ibas kelupan
Jumpa simberat sikata-katan
Di pangan ntabeh radu ipanNggeluh sisada tentu melungun
Lalit teman sikeleng-kelengen
Kerina kalak siakap pandangen
Kita saja siakap jadi ikutenKune kita nggo erban salah
Ola teridah biak pekulah-kulah
Pertingkah olah mbuesa ulah
Pengkebet pe ola bagi singulah
Terus terang akuken me gelah
Pusuh jadi salang ukur pe meriah
Rezeki pe tentu ertambah-tambah
Ate malem pe nandangi turah

=====

Mantek kuta mbelin gunana
Inganta jumpa Dibata Bapa
Rende ertoto megi pedah Na
Rikut pe mindo pasu-pasu Na

=====

Meratah nina bulung cekala
Nipe sore iteruh uratna
Pepulung dana erpala-pala
Tentu me jore bagi oratna

=====

Ola peturah ate kalak mamang
Lagu langkah rusur La nembang
Rikut pengkebet Ia tersuriang
Gelah sempat kita terbuang
Ate kalak nembeh segedang-gedang

=====

Perbahanenta ngenca man usihen
Ibas pengerana ia ersukaten
La ngeranaken ia ersukaten
Bagi rubia itengah kerangen
Radu ia pe kap sitendengen
Tapi jelma ibas kegeluhen
Arus kapen sitalang-tatangen

=====

Saringkulit taneh tenggiring
Baba durian nukur kemeja
Ola min lit sitading-tading
Muat bagin mbangun kuta

=====

Tadingken gelah ukur meganjang
Biak mekarus ola penjangjang
Ngerana nigen ola megombang
Ibas salahta nggit min ipandang

=====

Tabeh tabeh kaperas
Tande kupucuk kaciwer
Ntabeh kata nibelas
Tapi terjeng tampuk biber
Kutare batang galiman
Tanggak talang si asar ndukur
Ise pe labo lit teman
Adi kita meganjang rukurKandi kandi buluh la riket
Batang buluh tabah man titi
La erngadi ngadi kena kuinget
Adi tunduh pe kena bas nipi
sumber : http://www.karo.or.id

This entry was posted in Pantun Karo and tagged . Bookmark the permalink.

Leave a Reply

Your email address will not be published. Required fields are marked *