ASAL USUL KUTA SIGARANG-GARANG

NATANAIL MILALA. NAMANTERAN. Kelana Pusungku Ndabuh kali ini tiba di Desa Sigarang-garang (Kec. Namanteran, Kab. Karo); panteken Sitepu mergana, anak beru kuta Perangin-angin, Pandia ras Depari, kalimbubu kuta Milala ras Sinusuka. Penduduk, 350 KK. Penghasilan utama sayur-mayur. Pengulu pertama Sitepu mergana, pengulu sekarang: Syarifuddin Sitepu. Kerja tahun bulan Oktober wari Cukradudu.

Asal usul Desa Sigarang-garang dituturkan oleh Atom Bangun (Bp Budyanto Bangun), salah satu anak beru kuta.

Karaben ndabuh ku gelapna. Udan gembura ras angin meter bagé pé kilap ras lenggur sialo-alon i Kuta Badiken (buah diken), pusung ndabuh Sitepu mergana i turé-turé Deleng Sinabung.

Kenca dung perang ras Sukanalu, Kuta Badiken enggo marpar mérap kerina. Rumah-rumah pé enggo sontaren perbahan meganjangna kinigurun Guru Pakpak Pitu Sendalanen. Kutu mbiang enggo asa babi piah anak kuta enggo mbiar. Baba pengulu me anak kuta miser ku barung-barung anak beru.

Émaka pengulu ngerana man anak kuta: “Adi bagénda rumah-rumahta enggo sontar, sinuan mbako pé enggo getem dedehi kutu mbiang siasa babi belinna, kuakap madin me kita miser kita lebé kuta énda nari. Uga akapndu kerina?”

“Uga akapndu mejilé bagém dalanken kami. Kami lanai bo beluh ngukurisa perbahan kami enggo mbiar,”nina piga-piga anak kuta ngaloi penguluna Sitepu mergana.

“Adi bagé nindu anak kutangku kerina, miser kita ku barung-barung anak beruta. Labo ndauh kutanta nari.”

“La banci lang nggarang ku barung-barung é perbahan enggo suani anak berunta batang serit (sejenis tanaman perdu). Manjar-anjar kita ku bas gelah ula kita kena durina.”

“Uga maka suanina batang serit é, pengulu?” nina ka anak kuta.

“Gelah mesera akap musuh nerang kita,” nina ka pengulu.

Pengulu mbaba anak kutana ku barung anak beruna. Nggarang me ia kerina ku barung é. Jé nari igelari me barung é Singgarang-nggarang perbahan nggarang ku bas.
sumber : http://www.sorasirulo.net

This entry was posted in Berita dan Informasi Utk Takasima, Cerita (Turi - Turin), Informasi Untuk Kab. Karo. Bookmark the permalink.

2 Responses to ASAL USUL KUTA SIGARANG-GARANG

  1. muksin sitepu says:

    Ijenda nungkun ateku sitek, uga nge turin turin pengulu sitepu mergana ras ndeharana br ginting munte?Sebab turin2 br ginting munte enda la terlepas perbahan GURU PAKPAK PITU SENDALANEN!

    Sitek cerita ku begi br ginting munte enda i ulihken pengulu sitepu mergana erkiteken guru pakpak pitu sendalanen nina : O pengulu , bagi kam ena bayakna, engkai kin maka ia bandu jadi ndeharandu?Emaka lawes br ginting munte enda ndai…..
    tolong adi lit turin2na i postndu yah…Bujur melala

Leave a Reply

Your email address will not be published. Required fields are marked *