LIRIK LAGU KARO AWALAN “U”

1.    UGA LITNA

tuhu mbelang nake sabah kebayaken
i deher kuta kutana si enterem
tuhu la sombong nake
ia man perkuanen
gia ia nggeluh terpandang
berneh berneh kel dalinna
ula aku rate morah
sada kam pagi ngenca ateku ngena
gia pepagi la terbabaku
nde ginting gawah gawah ku pulau Bali
ku Berastagi kita pagi
gia pepagi la terban aku
bere Ribu belanja ku Matahari
ku Pajak Melati kita agi
aku labo kalak mehaga
kekelengen ngenca asamku ku kena
adi tuhu kin tulus atendu ngena
kelengi aku uga litna
www.sinabungjaya.com

2.    ULA MIN SIRANG

terang kin pe bulan e
lanai bo lit gunana
ampar ka pe bintang e mama tigan
lanai bo lit ertina
i tadingkenndu nande karondu
tading me aku kukelengi tading rate mesui
mbelin pengarapenku arihta la erbuku
kena nge min ateku bere karo inganku ngadu-ngadu
ingan ergani temanku arih
maka di banci kusayangi ula kita sirang
mama tiganku aloi min nande karona
bere karoku lit denga nge si man timanken
gelah kueteh bayu erban perdalin
gelah kueteh bayu erban perdalin
www.sinabungjaya.com

3.    UEKEN KENA

kubaba nurung ku pancur batu turang
maka terakap gulei tama kembiri
adina surung kena man bangku turang
rasa lalap kam pagi ku kelengi
rasa lalap kam pagi ku kelengi

ue ken kena turang, ueken kena
labo kusuruh mesayang kena kujuma
ue ken kena nde biring, ueken kena
labo kusuruh mesayang kena kujuma

kuta buluh jahen tapin jumana
lembu marige nake pulah tambarna
gia la merupa biringku tuhu jelmana
erkelimbubu nake seh kel hamatna
erkelimbubu nake seh kel hamatna

ueken kena turang, ueken kena
ku tami tami kam pagi asa metua
ue ken kena nde karo ue ken kena
aku kel pagi turang ingandu metua

kutera gia adi kegengken
mesera kita radu si kelengen
la man ayaken merupa ras kalak bayak
kita nami nami kita kang rusur silepak

ue ken kena mama ue ken kena
aku kal pagi mami ingandu metua
ue ken kena mama ue ken kena
aku kal pagi mami ingandu metua
www.sinabungjaya.com

4.    UGA JILENA MAMI

lenga kel pernah aku jumpa adek
diberu bagi kam jilena
di meremang-remang pe wari adek
ciremindu saja salang nge kerina
manis kel kena adek lanai kel terbilasi
la aku bual sayang
asa agnes monika jilen kuakap kena

uga nge jilena mami sayang
uga nge gantengna mama
maka sempat kel bagena jadina sayang
tubuh bagi kam jilena
manis kel kena adek
lanai terturikennku
main gayandu cantek sembaba ras rupandu

adi ciremindu aku
mate kel mis indung suratku
sebelas ribu kin pe isi gajutku
kuakap sada juta senku
maka kubaba kam ku restoran asia
piahna kam dungna nggalarisa
manis kel kena adek lanai kel terbilasi
asa agnes monika jilen kuakap kena
www.sinabungjaya.com

5.    UGALAH KAM E

adi sirang nindu gundari saja
pangen sidungi arih-arihta
erteman ras kena lalit untungna
lalit kenangen manis man arapenken
kesah ras dareh nggo kuborohken
rananndu lalap la erkesehen
ateku tutus e labanci sehken
pinakit sibabandu mata duiten
kijang innova e
mis kal nangkihindu
bicara avanza min ndai gereta lembuku e
mis naring kam bangku satu
reff
enterem kuidah singuda-nguda agi
mbarenda kena lalap ibas pusuhku
gundari enca kueteh uga ukurndu man bangku
mbiar aku bagi si ncep pegu
adi usur-usurndu kin lagundu e
pangen surut terpaksa ginting e
mbiar aku bene bagi jambe la ertangke
seh nari nge ukurndu e,  ugalah kam e ???
seh nari nge ukurndu e,  ugalah kam e ???
www.sinabungjaya.com

6.    UGA NINGKENA
Usman Ginting

remang-remang ngasa gundari
pengarapen ibas kam nari
perlawesndu la erkata bangku
entah kuja kin kam terudu
beluh kel kena nempatken kata
erbahan si man tagangenku janji gombal saja
puas kel ukurndu agingku
malem kel atendu sayangku
ha ha ha ha ha …
du du du du du ….
er ugapa ndia bas pusuhku e
perban sorandu lanai kubegi
nande karongku kel ateku
tertulih aku lalap nimai
dagingku e nari nge ngenca lenga iresndu
lang sinasana nande karo enggo me bandu
puas kel ukurndu agingku
malem kel atendu sayangku
taneh e nari nge ngenca natang
langit e lalap meganjang
nde karo ndube nggo lawes lajang
nadingken aku erdalan mbelang
kune pepagi aku erjabu
ula min ula sumpahindu
nande karo uga ningkena
gelah kueteh keputusenna
ndekah ertima la kel bo tuhu
asa gundari la lit beritandu
selembar surat lah gia pagi
ikiremkenndu nandangi aku
nande karo kuarapken denga
gelahna kena mulih ku kuta
www.sinabungjaya.com

7.    UGAPE TAMA SALAH
Masem Sembiring

ijakin ateku keleng ndai mabiring
kuidah perbahenendu rikut pengenin matandu
lanai kepe turang, lanai kam mabiringku sigelgel e

kutahanken rate mesui bere karona
gelah ola sangkut kurndu
kuikut kerina ranandu
bagepe tama salah
bageme adi perliah karondu

reff
gundari enggo kuukuri
gundari enggo kutangkeli
labo kam tampil
labo dalinku atan mabiring nandangi kena

gia kita enggo sirang duana….
labo isepe kusalahi… labo isepe kumorahi…
padankue nande tigan ….. pengindokue……
pada pengindongku nge ndube… si kutangisi

kembali ke bait 2 dst
www.sinabungjaya.com

8.    UIS GARA
Djaga Depari

uis gara, uias gara man tanda mata
tadingkenndu uis gara man sambar kena
la terturiken oh turang, pusuhku sehkel cedana
mambur iluhku terisang, nginget kerina lagundu

enggo musim tedeh ateku nde bayang bagem man kena
uis gara naring siman tatapen man sambar kena

oh turang, oh turang…. lanai bo lit malemna
ibas pusuhku nde bayangku, nginget kerina lagundu

enggo musim ateku tedeh impal nandangi kena
uis gara naring siman tatapen, man sambar kena
www.sinabungjaya.com

9.    UKUR PICET
Jusuf Sitepu

andiko picetnari akurku
kuinget katandu o turang
kaikal dalanna kita sirang
kaikal dalanna kutadingkenndu mesayang

suari berngi kuinget o turang
tengah berngi kam tangkel bas nipi
kaikal salahku bandu mesayang
kaikal dalanna kutading turang

reff :
merso kena ibas nipi
gelah sirang ndai bage atendu
mbue dalin-dalinna
nadingken aku atendu

salahkal aku salah o turang
salah la kam tampil nindu
kaikal dalana kita sirang
kaikal dalanna kutading mesayang
www.sinabungjaya.com

10.    ULA BANGGER – BANGGER

ula kam bangger-bangger oh nande maka cawir kam metua
man penggurun kami ras agi-agi ku e
aku pe kuangka nge nande bagi simereh lau lalu
kam rikut ras bapa muat uang sekolahku
sabar kam lebe nande kentisik nari oh nandengku
tembe nge pagi nande sura-suranta
gia megombang kerina kade-kadenta oh nandengku
ula geluti nande ertoto kita
labo aku lupa oh nande pedah sumpah kalak perburu
nina kemali mulih kune la maba ulih
nina kemali mulih kune la maba ulih
sabar kam lebe nande kentisik nari oh nandengku
tembe nge pagi nande sura-suranta
gia megombang kerina kade-kadenta oh nandengku
ula geluti nande ertoto kita
labo aku lupa oh nande pedah sumpah kalak perburu
nina kemali mulih kune la maba ulih
nina kemali mulih kune la maba ulih
www.sinabungjaya.com

11.    ULA CAMPURI
Usman Ginting

lapernah kujumpa bagi kena ulina
tehndu lalit bas aku isampatindu nd biring
kai labagi ukurndu iturikenndu man bangku
tapi bas sada wari tangis kena nuri nuri
nuriken kite kulepar laterbentasi perbahan sontar
nuriken ateta ngena la erkesehen ban orang tua
mama kepe sierbahani bas ate ngena la ukurina pusuhta ceda
mami kepe milih milihi bas ate jadi la ukurina pusuhta mesui
labo dalih nd biring atendu ngena lakupersoken
aminna pusuhta ceda sura surana lah pagi sehken
bekas pilihen orang tua maka kena erjabu ras ia
gundari nggo turah tendu ceda kerina bekas penadingkenna
aku langasup nande biring adina ngaloken iba iba
pangen nge kuakap sisada asangken nambahi pusuh luka
kataken man mama ateku ceda lalit tambarna
kataken man mami ateku jadi ula campuri
www.sinabungjaya.com

12.    ULA GELANGKEN

e maka ola … ola ola aku gelangken
ari turang morah ateku
e maka ola … ola ola aku gelangken
gelangken kena gelah kudatas urukna si meganjang
gelah jenari kam ku tatap kudilo …
gelangken kena gelah kudatas urukna si meganjang
gelah je nari kam ku tatap kudilo …
ula aku tading …
ikut ateku sada …
o … ho … o … tambar malemku
enda kutatap kel ari ku deleng simole
oh rudang-rudang ku deng-dengi
enda kutatap kel ari ku deleng simole
oh rudang-rudang ku deng-dengi
enda tangkas teridah tangkas teridah ku deleng babo
oh rudang-rudang la megogo
adina lalap pagi arih la jore
oh turang-turang kukelengi
morah ateku ari turang adina lalap kin pagi arih la jore
oh turang turang kukelengi
enda sahun me surung sahun me surung aku mehado
oh turang turang la megogo
www.sinabungjaya.com

13.    ULA KATA – KATAKEN

andiko manisna nde bayang ah pernah kuidah ia cirem
kune aku tatapna rempet aku lupa kai merga si kubaba
ras beru kai ndube nande
kai nge panganindu nde bayangku maka bagena kal jilendu
la kin nge pernah pandu jering ras parira
bulung gadung belgang-belgang saja
tutung-tutung ikan kuli
timbas kal dagingndu bagi buah kadiman tasak tamburi bulungna
nd bayang nd bayang
ula kata kataken turang kerna kam ateku ngena
ula kata kataken agi ..i kerna kam ateku jadi
sampati sitik aku impal
apai dalan banci ersada
www.sinabungjaya.com

14.    ULA KAM BANGGER-BANGGER

ula kam bangger-bangger oh nande…
maka cawir kam metua…
man penggurun kami…
ras agi-agi ku e…

aku pe kuangka nge nande…
bagi simereh lau lalu…
kam rikut ras bapa…
muat uang sekolahku…

[reff]
sabar kam lebe nande…
kentisik nari oh nandengku…
tembe nge pagi nande sura-
suranta…
gia megombang kerina…
kade-kadenta oh nandengku…
ula geluti nande ertoto kita…

labo aku lupa oh nande…
pedah sumpah kalak perburu…
nina kemali mulih… Kune la maba ulih…
nina kemali mulih… Kune la maba ulih…
www.sinabungjaya.com

15.    ULA LOLAH

ula lolah .. ula kam menek nande ginting
gia aku lawes ku kahe kolu
telu wari telu berngi bage ngenca dekahna
jenari minter kel aku mulih
mulih kurumah turang
mulih ndahisa kena siateku ngena
gia ndauh … ndauh perdalan mama karondu
ngalur-ngaluri pasarna si gedang
bagekin lebe nande ginting adi nandangi beras segantang
kita sidauhen la kari gejapndu turang
nggo pinter aku kurumah pinter ndahi kena
sabar kam ertima sabar kam irumah
lit nge  kari nande ginting upah ertima
ula rusur tertulih ku kawes ntah ku kemuhen
salih penatap salih perukuren mberat kari mulihi
entah melwaen kari aku mulih ula kel kari atendu mamang
adi perdalan seh dauhna lit nge rusur alangna
entah melwaen kari aku ulih ula kel kari atendu mamang
kekelengenku nandangi kena lanai bo banci luntur
www.sinabungjaya.com

16.    ULA PERMAINKEN

nindu man bangku tamat min lebe sekolahndu e …
nindu man bangku gelah sabar aku nimaisa kena turang
nindu man bangku timai lah pagi aku nindu man bangku agi
tertima-tima tertima-tima
adi kusungkuni kam nande tigan kerna arihta e
iluh mambur terisak ngenca banndu jababna
kai denga kin singerongketi ibas pusuhndu turang
makana lalap la kal erbuku kata sorandu
ula ersandiwara turang
ula ku bualindu agi
adi la nai atendu aku
turiken kai kin nge sebabna
ula permainkenndu aku …
ula permainkenndu aku …
adi kusungkuni kam nande tigan kerna arihta e
iluh mambur terisak ngenca banndu jababna
kai denga kin singerongketi ibas pusuhndu turang
makana lalap la kal erbuku kata sorandu
ula ersandiwara turang
ula ku bualindu agi
adi la nai atendu aku
turiken kai kin nge sebabna
ula permainkenndu aku …
ula permainkenndu aku …
www.sinabungjaya.com

17.    ULA SALAHI SI LA ERSALAH

ula salahi .. i sila ersalah nande biring
salahi gelah…h ise kin si salah
suruhndu nari aku ngelupaken kena
enggom tehndu mama tigan e la banci lupa
kuja kuban ingan katandu e nande biring
ma enggo sempat igejap kendu uga suina
sirang ras sienggo arapken kena
adina banci ula pedua kalindu
ula nai min sirang ras ateku jadi
cedang nari ateku perbahanendu nande biringku
reff :
kuja naring pagi kam kudarami biringku
lanai lit seri bali ras kena mesayang
entah lanai bo pagi aku ngasup nggeluh terdekahen
adi la kin kena turang la lit malemna kusayangi
sedeban ndube si salah
mama tigandu maba suina
enggo me keri nande biringku
kata kubelas mesayang
adina banci ula pedua kalindu
ula nai min sirang ras ateku jadi
ceda naring ateku penading kendu e nande biringku
www.sinabungjaya.com

18.    ULA RUSUR LOLAH

ula rusur lolah, dahilah dahindu
gia kita sirang, ula bangger bangger
ula lolah lolah, jagalah dagingndu
petetap ukurndu nimai kerehenku

lanai bo ndekahsa turang
mulih nge aku sayang
ije pepagi gelah sidungi arih arihta

gia biasana tiap malam minggu
kita enggo ndekah i jambur namaken
petetap ukurndu turang
ula tergoda sayang
lanai bo ndekahsa nde karoku mulih me aku

paksa terang bulan berngina simbages
ras kita duana mesayang
cirem tawa ke nde karoku malem mkel ateku

gundari kita pedauh aku lalap terbayang
tigandu nge sisada mesayang
awih dagingkue nde karo kuakap dagingdu

ula lolah – loha
ula lebe morah
gia genduari
kita sirang lebe
www.sinabungjaya.com

19.    ULA TANGISI
Irwan Sitepu

lanai gunana pagi daramindu mama karona
ula tangisi perlawesku enda lanai mulih
aku pagi lawes biring nandangi kena
aku pagi lawes turang sehkal dauhna

iluhku mambur ngarapken aku bas perdalanen
iluhku ndube sinuri-nuri nandangi aku
kepe ngena denga biring atendu aku

reff :
mulih ma karo silabo tuhu
dilenga tande page tahunna
ukurku bandu turang la ersibar
lamesikel suari berngi

adi tedeh atendu aku tatap bulanna
kusikken arah angin sirembus tenahken aku
mbera mulih pagi biring mama karona
mbera mulih pago turang bere gintinggna
www.sinabungjaya.com

20.    ULA TERGODA
Ismail Ginting

hati-hati kita jaman gundari
nandangi rayuan gombal dilaki
manis di bibir lain dihati
ula kita salah prediksi au au au au
kita terpusuh ia terbiber ngenca
atena ngena labo arah pusuhna
gelahna seh sura-surana
si ugapana pe i dalanina au … au … au …
ula tergoda ula, ula, ula, ula tergoda
ernehen paras rupana
adina kena kari kita bisana
erkadiola pe lanai lit gunana
sik-sik lah lebe
sik-sik sik-sik lah lebe
uga kekelengenna banta
ula min pagi salah pilihenta
baban geluhta ngadi metua
www.sinabungjaya.com

21.    ULA TERULANG

labo la ateku ngena
labo la ateku jadi
ukuri lebe gundari nari
sope lenga aku tegu-tegundu

ula kam pagi erkadiola
nandangi aku nande biringna

la tuhu metunggung kam jumpaken aku
perban geluhku seh serana
bagem kusayangi perumpamaanna

sekolah pe jine aku la tamat
rupa dingen bias-bias kenca

gundari katandu kutimai
adi kin nggo tutus atendu

mari ma tigan mari ku jenda
labo lepak adikin atendu aku
labo salah adi muat si mehuli

sebulan gia dekahna aku keteng-ketengindu
labo ma tigan kam ku tembehi
sada ngenca kebiarenku
pernah kel sekali kunanami
ula min terulang dua kali
www.sinabungjaya.com

22.    ULA UDAN WARI

ula udan wari … lego kena sitik ari
gelah reh min pagi nande karo jantung hati

nggo seminggu nake kami erjanji
jumpa tugu kami i berastagi
reh lah kena pepagi nangkih-nangkihna matawari
reh lah kena pepagi nangkih-nangkihna matawari

ula udah wari … lego kena sitik ari
gelah reh min pagi nande karo jantung hati

nderbi nai nake aku ernipi jumpa aku ras turang jantung hati
mata la tertunduhken nari nimai-nimai wari si pepagi
www.sinabungjaya.com

23.    ULAR KEPALA DUA

tergoda aku nggo tergoda
natapsa cirem manisndu
kawit2ina kuakap pusuhku
lanai kel kueteh cibal geluhku
terdaya aku nggo terdaya
penggaya cakap lumatndu
beluh kel kena encibalken kata
mbages peniarna ibas pusuhku
la kel kusangka la kel kuarap
cirem manisndu cakap lumatndu erbuat kepe
bagi si nutu pagena si lapung lapung kepe
sorana mecih erbuah ningen makana lahang
gedang kepe ular kena
ular kepala dua ular kepala dua
www.sinabungjaya.com

24.    ULIH ATE CEDA

nerapken bana kerbo si jalang luka
perban mesui tena i … bahan kena
serko bas pusuhna ngaloken padanna
iluh mambur ndermes ndermes ku pusuh

asa ndigan kel pagi aku ngasup mbabasa
ntah lalap ngepagi aku mbaba cedana
sampati aku tendingku gia nggo talu pengindoku
kelengi aku asa gedang geluhku

ula tangis tendingku gia bage reh padanku
kualoken me dage gia nggo ceda ate
kawali aku tendiku gelah ula mampa cibalku
amin nggo tading ma karo e ban iting e
www.sinabungjaya.com

25.    ULIHKEN AKU

tang-tangna erjabu
tang-tangna man bandu
bujur tempa kena o turang
gundari ukur ndu
sambar kel man bangku
keduaindu nande nangindu
mulih aku mulih aku mulih aku mulih aku
ulihkenlah aku oh turang
ulihkenlah aku oh turang
www.sinabungjaya.com

26.    ULIHNA SIRANG
Sinar Ginting

meketket melam kuakap nanamna
bagi cimpa beras pulut tepungna
kena nge ngenca ateku ngena
labo erbual tebu tuhu entebu nanamna

senyumndu ena manis tuhu iting … mama iting
tawa ciremndu kawitna kuakap pusuh … ku pusuhku
mejile tuhu buah kayang kayang
tamburi bulung batang tualah

kelengku man bandu la teralang
suari berngi aku lalap terbayang

betah pagi tumba
leben terpiluh maka terkeben
turah arih-arihta leben teriluh nde karo e maka terpedem

cuan la ersengkil
lolo juma terulang
lasam arih-arihta endam ulihne mesayang kepeken sirang
suina e … risona e ..
suina e … getemna e …
www.sinabungjaya.com

27.    ULIHKEN TANDA MATA

kai kel nge salahku
i ja lepakku bandu nande biring
maka genduari
elokkenndu mama tiganna
nindu mbarenda
kena ngenca rondongku kusayangi
tapina gundari
tadingkenndu bere biringna
suari bas tedeh
berngi reh bas nipi
oh andiko ku ja kel aku
perik kabang-kabang
enggo nokohi aku
bulung-bulung megombang-gombang
reff:
ku ja lah pagi aku
adi kena nggo lawes ndauh
adina kin lanai
lanai-lanai atendu tigan
ulihken dage pagi
kampuh molana tanda mata
e me pagi ku bahan
man tare-tare iluh mambur
www.sinabungjaya.com

28.    UNDANG – UNDANG ATE NGENA

salah ise si salah nande iting
kena lawes nadingken aku
aku nge si la beluh nami-nami kena
kena lawes la erberita

adi rupa kin ayakindu
talu me aku nande itingku
adi erta kin daramindu
tading me aku

adi lit undang-undangna ate ngena
lit hakim ras pengacarana
sisalah e lalap nge salah nd itingku
hukumenna penjara ate ngena
adi aku pagi sisalah

aku kel pagi maba beratna
adi kena pagi sisalah uga nge ningku
www.sinabungjaya.com

29.    URATNA RONGGANA

urat – urat sibuluh belin
em si ngeroga tubisna
gelah jadi buluh
ranggasna i babo benanana
em pepagi si jadi bide – bidena

urat – urat ateku ngena
em singolangi ukurku
kempa sideban
janji si enggo sipudun ndube
em ingetenku suari berngi nde karo

gundari nde karo lupaken aku nindu
uga kel nge kubahan ngelupaken kena

palana sundut matawari
ku kepultaken makana banci
morah ate kam ku lupaken
gelah enggo tehndu nande karoku
nde sirang nindu labo ku ngasup
gelah enggo tehndu bere ginting
nde sirang nindu labo ku ngasup.
www.sinabungjaya.com

30.    URUK KENDI MEMORI

bagenda terang bulan rikut ampar bintang
nambah riahna, ngerana ras ate ngena
angin si rembus mata latunduh natap ku ndauh

tangkas teridah kutana, pulo-pulona
lau nabar simalem kuta buluh penampen inganta
ngadi-ngadi ndube duana, uruk kendi memori

*
aronta si kujuma terangkenca wari ndahi dahinta
gelah ola lolo tegunta
iah dagena mari ku jenda siban arihta
ula min mela ersada lit nge upahna
ukur si la mehuli ula min siasuhi
adi kin nggeluh kin biakna kin pegancih mbue nge erbagena

reff
nanamna entebu manis gula batu
si ndarami mbue perkis ngakapi
la ermedu-medu ukurku man bandu
la erbosan kusingetken gelarndu
riahna ras kena adi jumpa ngerana ras ate ngena
upahna em ia ukur serbut lupaken ibas arihta
mama nangin nge ateku ngena
ula lupaken janjinta
bere karo nge ateku jadi
inget kerina arihta

ku * dan reff
www.sinabungjaya.com
up26122011

This entry was posted in Lirik Lagu Karo. Bookmark the permalink.

Leave a Reply

Your email address will not be published. Required fields are marked *