LIRIK LAGU KARO AWALAN “N”

1. NAHE ERJINGKANG

nahe erjingkang ukur mbabai agi
lalit si man tepeten
piah nggo ndauh enda perdalan agi
rukur gulut ndai lalap la ngadi

medem pe aku labo erkimbang agi
medak labo ergulung
payo nge kerina si nuri-nuri man bandu
emaka urak ukurndu nandangi aku

kutandai nge ndube ise kin aku agi
maka nggo tading ma tigan e tading arah lebe turang
kuayaki kin pe atendu la terjingkangken agi
emaka bujur nge turang aku nggo tading
emaka bujur nande biring ma tigan tading
www.sinabungjaya.com

2. NALI KULCAPI

seumpamana nali kulcapi
i andingken aku ras kena
gundari aku tali duana
kam ma bayang tali sadana

kai pe nindu kuikut-ikut
kam nge kubahan jadi melodi
lagu kai pe si ni bahanndu
ras kal nge kita lalap duana

endam turang gelah nggo tehndu
sendah erpadan mutang ras aku
senang mesera gia pepagi
lalap nge kita dua sejoli

kune pepagi i tadingkenndu aku sisada
nde lagu kai pe nggo tama salah
bagi kulcapi adina sada ngenca nalina
ise pe lanai bo nari nura
www.sinabungjaya.com

3. NALUBANI ATE NGENA

adi wari reh ku benna
sundut matawari e
gitar male sinemanisa
ndauh ukurku kuinget kena
cirem ndu nari la banci lupa nd karo
sangana kita gambar duana i uruk gundaling
kupetikken gitarku
rende aku perban tedehku
salam sayang ndube laguna
lagu si tujunna bandu
tanda mata slendang biru nginget si adinta
ngasa gundari langa lit cigatna
banci tungguk nalubani ateku tedeh
reff :
bagi singgule nurung ula tading ura-urana
adi tading lanai melam nanamna
ula terjeng tedeh ngenca jumpa min ateku kita maka malemna
kubereken ateku sada iketen ate ngena
www.sinabungjaya.com

4. NALUBANI ATE TEDEH
Sastrawan Tarigan

adi wari reh ku benna
sundut matawari e
gitar male sinemanisa
ndauh ukurku kuinget kena
cirem manis la banci lupa nde karo
sangana kita gambar duana i uruk gundaling

kupetikken gitarku
rende aku perban tedehku
salam sayang ndube laguna
lagu si tujunna bandu
tanda mata slendang biru nginget janjinta
ngasa gundari langa lit cigatna
banci nalubani ateku tedeh

reff :
bagi singgule nurung ula tading ura-urana
adi tading lanai melam nanamna
ula terjeng tedeh ngenca jumpa min ateku kita maka malemna
kubereken ateku sada ikutken ate ngena
www.sinabungjaya.com

5. NAMBARI PUSUH SI LUKA

nande nangin bas tang-tangna si kita jumpa
ngarap aku banci kita ersada
ban manis kel rusur rananndu bangku
kam kuarapken nambari pusuh si luka

nande nangin dua tahun kine dekahna
kita erteman sirondongen bage duana
sindube memori si man ingeten
memori cinta sangana kita ersada

tapi perbahan aku mesera
dungna luntur atendu ngena
pudun janji sipudun i osarindu
kasih sayangndu kekelengendu
dung beralih bage man bana
perban ia nande ribu kalak mehaga

nande ribu adi kueteh ndube bagenda
labo ku nggit bermain cinta ndube ras kena
si kuarapken kam nambari pusuh si luka
kepe gundari nggo nambahi ersangatna
si kuarapken kam nambari pusuh si luka
kepe gundari nggo nambahi ersangatna
www.sinabungjaya.com

6. NAMBUR – NAMBURI

nambur-namburi aku la merupa
nande iting
kai pe suruhndu labo kutogan
gelah kam man bangku
nambur-namburi aku mesera nande iting
kai pe nindu labo kutogan gelah
kam man bangku

bicara suruhndu kin pe aku
mereh lau lalu man peridinndu
labo kusimbak rananndu gelah
tampIl mama karona

bicara suruhndu kudarami
jarum si ndabuh itengah lawit
bage pe kukenengi kukelengi
gelahna tampil mama karo nandangi kena

bicara nggo surung kena man bangku
adi mbiring nindu mbiring pagi ningku
gia pagi mentar kukelengi rupa situhuna
la kel kap pernah agingku kusimbak ranandu
www.sinabungjaya.com

7. NANDE

lanai kumorahi lanai kutokohi
nggo me padan bage nggo pengindo kel kepe
nande nggeluh bagenda
kukirimkel kuerap-erap nggo kepe
berekenndu bangku la ngadi-ngadi
kusilahken nandengku kuelokken kel bage
ajarindu aku la ngadi-ngandi
emaka ula kal megelut pertendinndu
pasu-pasundu me dage pertotonku
gelah kempundu pupusku
gelah ia lah gia pagi banci jore
nande … nande …
www.sinabungjaya.com

8. NANDE KARO

nande karo kukelengi
uga denga nge ningku melasken kata man bandu
sinasana enggo ku endesken bandu agingku
oh andikoh turang oh andikoh uga nge situhuna

reff:
ase dekahna kita erteman
labo pernah teridah kekelengen ndu si reh arah ukurndu
tempa mela kuidah kena erteman ras aku
oh andikoh turang oh andikoh uga nge ningku

oh agi … perobahi lagu langkah ndu man bangku
mesayang ula lasamken pengarapenku man bandu
ateku keleng e nde karongku ula ula ilasamkenndu
ateku jadi e ceda pagi ukurku turang adi sambar punana
www.sinabungjaya.com

9. NANDE KEKELENGEN
P. Angelo & K. Purba

tedeh … tedeh
tedeh … tedeh
tedeh … ateku
man bandu nande uga nge beritandu
ayondu nggo kerah kurum mekelbuk
nuriken ncidahken turi-turin geluhndu
udan la tampil udan
dingen las la tampil las
kerina i gengkenndu
ngepkep kami anakndu
la kam erleja leja
la kam ermedu medu
nehken ajar ras pedah
kam nge ingan penggurun
sehkel belinna kekelengenndu
la erkeri-keri
kutotoken kam man Tuhan Dibata
cawir kam metua
ula bangger bangger
nande kekelengen
ayondu nggo kerah kurum mekelbuk
nuriken ncidahken turi-turin geluhndu
udan la tampil udan
dingen las la tampil las
kerina i gengkenndu
ngepkep kami anakndu
la kam erleja leja
la kam ermedu medu
nehken ajar ras pedah
kam nge ingan penggurun
sehkel belinna kekelengenndu
la erkeri-keri
kutotoken kam man Tuhan Dibata
cawir kam metua
ula bangger bangger
nande kekelengen
ula bangger bangger
nande kekelengen
www.sinabungjaya.com

10. NANDE MAKA NANDE

ula cemburu ula curiga
gia megati aku melawen mulih
bagem adi ndarami serpi
latih la tampil latih gelahna lit si man tanggeren
page rebi e
labo kuakap sambar dahinku
labo nggo lepak perdalan
kuinget kal kam rusur
buah bara si nggo mbelin e biring nande biring
mari kuatah kena silampas mbelin
ula ukuri si la man ukurenndu
jaga ajari anak-anakta e …
gelahna banci pagi ia termurmur
nande biringku kam nge kepe nande, nande si maka nande
nande biringku kam me dage nande, nande si maka nande
www.sinabungjaya.com

11. NANDE TONGAT

nande tongat adi cuan singgedok
kin lalap si man embahen
lanai bo kuakap lit bage oratna
nande tongat adi tiap karaben kin tanku batu-batun
lanai bo kuakap lit bage oratna

uga nge akapndu nande tongat adina lawes
kita sekali erpajak pagi
entah bage makana jore pergeluhta 2x

bapa tongat adi erjudi kin ngenca lalap dahindu
erpajak pagi pe turang labo lit gunana
bapa tongat adi kujuma pe gia lalap dahinta
jore nge kita mama iting adi tendu tutus

uga nge akapndu bapa tongat adi kam erpola
mama iting
aku ku juma
entah bage makana jore pergeluhta 2x

reff
ade bagekin turang sura-suranta morah ate
ula malas ula dage kisat kita erdahin 2x
www.sinabungjaya.com

12. NANGKA NGUDA (versi I)
Djaman Tarigan

kugule nangka nguda (p)
kubaba ku deli tua
labo man kadeku kam nggo tua-tua
banci nge pagi kudat nguda remaja
bangkukal kena tigan nande tiganku

kugule nangka nguda (w)
kubaba ku deli tua
labo man kadeku bagi kena nggo metua
ndehara kalak rusur atena ngena
lapedah surung mama karo mama karoku

sibayak dalanna ngencuah (p)
kayang-kayang i juma padang
adi ayakndu nande tigan kin aku rusur
e sahun surung mama karondu erdalen mbelang
aku pagi man bandu nindu turang nguda

lawes aku ku kuta cane (w)
singgah aku i berastagi
ula amburndu ranan medate
erbanca sontar nge pagi jabuku
robah gelah kena biring bere biringku

rirang-rirang gumpari ( p + w )
enda rirang meruah-ruah
adina sirang gia kita pepagi sirang gelah mejuah-juah
www.sinabungjaya.com

13. NANGKA NGUDA (versi II)
Djaman Tarigan

kugule nangka nguda, kubaba ku deli tua (p)
labo man kadengku bage ke enggo janda nguda
adi kudat nge mesayang nguda remaja
u…….. la padah surung mesayang ula gia surung 2x

gulendu si nangka nguda, ibabandu ku deli tua (w)
aminna gia aku sijanda nguda
adi jilen nge asa singuda-nguda
ru……..kur gelah kena mama karo mama karona 2x

kuta julu tanjong merawa, pinter dalanna ku tiga lingga (p)
kai pe ningku ola kam minter merawa
aku pe kena nde iting ateku ngena
u……. la kita sirang nde iting ula kita sirang 2X

rirang layuh si mangkok, bulung singkut lalit dahanna (w)
adina sirang pe ningku labo ku ngasup
adina ikut pe ningen lalit dalanna
kuja kam kudarami mama karo mama karoku 2x

nurung gule ras rimbang, baba kena ku suka ndebi (p)
adina surung nde iting si kita sirang
lame bo lolo aku rate mesui
ula kita sirang nande iting, nande itingku 2x
cike lambang bungana, turahna i juma suah (p)
adina tuhu mama karo atendu ngena
ula teralang atendu mekuah
aku pagi bandu mama karo, aku pagi bandu 2x

rirang-rirang gumpari ( p + w )
enda rirang meruah-ruah
adina sirang gia kita pepagi sirang gelah mejuah-juah
www.sinabungjaya.com

14. NANGKELI PADAN

rusur kutangkeli tendi nggeluhku enda
medungo melino aku sisada
adi kenjulu ningen inget kenjahe
lanai kueteh kuja cibalku uga nge pagi pergeluhku
oh nandengku oh bapa-ngku aloi pusuh anakndu
oh nande oh bapa ula teriluh
bage pe gia agi ras kaka
gia kita pedauh-dauh
musim pagi bulan Purnama
ije me pagi mata erdemu
si turiken ateta tedeh kerina
lenga mbelin kami mbarenda oh nande
kam nggo sirang bage ras Bapa
tapi gengkenndu rate mesui nandengku
ngepkep-ngepkep kami anakndu
emaka ula kam sakit-sakit oh nande
pecik ngeskes tendindu ku embang
bagi pengembahndu ndube oh nandeku
kami enda anak-anakndu
oh Tuhan begiken totongku enda
arak-arak-Ndu kami kerina
pasu-pasu kami i doni enda
gelah jumpa si mehulina
nggo me bias simesuina
kunanami kudalani Tuhan alu totongku
www.sinabungjaya.com

15. NANGKIH DELENG SIBAYAK
Djaga Depari

nangkih deleng sibayak turang
ngincuah dalan ku raja berneh bayu
kita nggo ndauh sirang turang
kami i jenda tertima-tima bayu

reff
lawit simbelang kap erbanca kita sirang
lanai banci jumpa
tangis ngandung mambur iluh kuinget kena rusur turang
lanai banci jumpa

nangkih uruk gundaling turang
ganjangen denga deleng sibayak bayu
ban mbiar aku tading turang
makana kena kuayak-ayak bayu

rirang rirang gumpari rudang
adi rirang meruah ruah bayu
sirang kita gundari turang
adi sirang mejuah-juah bayu

mulihi ku reff rst
www.sinabungjaya.com

16. NARAPIDANA
Usman Ginting

narapidana …. narapidana ….

*
kuakuken kel kerina salahku bas persidangen
dalan-dalanna aku tading ibas tahanen
perkara judi ras rubati dahin si la meteh mehuli
e kel dalanan aku tading ibas bui

pusuhku bagi isayat ngaloken selembar surat
lakin kuidan kena nande karo labo terakap
man petugas si erjaga la kin nge banci kami jumpa
mesikel aku tedeh ateku nandangi ia

tenah tedeh narapidana nandangi siatena ngena
reh lah min kena gelah i je keputusenna
isi suratndu nggom kuangka
mberat nge mbaba-mbabasa
erteman ras sada narapidana

kembali ke *
www.sinabungjaya.com

17. NARAPIDANA II

narapidana …. narapidana ….

*
kuakuken kel kerina salahku bas persidangen
dalan-dalanna aku tading ibas tahanen
perkara judi ras rbati dahin si la meteh mehuli
e kel dalanan aku tading ibas bui
pusuhku bagi isayat ngaloken selembar surat
lakin kuidan kena nande karo labo terakap
man petugas si erjaga la kin nge banci kami jumpa
mesih kel aku tedeh ateku nandangi ia
tenah tedeh narapidana nandangi siatena ngena
reh lah min kena gelah i je keputusenna
isi suratndu nggom kuangka
mberat nge mbaba-mbabasa
erteman ras sada narapidana

kembali ke *
www.sinabungjaya.com

18. NARAPIDANA 388
Usman Ginting

sue ndube hakim ras jaksa
makana aku tamaken ku lembaga
lebih telu tahun kurungina
338 ndube pasalna 2x

erkune-kune aku ibas penjara
terbayang aku teman siateku ngena
lakin lah ia nggo njabuken bana
nginget-nginget atena ngena narapidana
wari-wari si kudalani ertekamken pintu besi
perpan pe sibari tunduh rate mesui
nggeluh ibas bui tempa lanai lit teman dame bas doni
wari-wari sikudalani serko tangis rusur kubegi
pusuhku nuri-nuri lanai bo kuulihi
mesui ata kami la obahna teman suari berngi

kutadingken lembaga kota bandung
teman e pe kutadingken tangis ngandung
iba pusuhku bage natapsa entah lanai bo pagi banci jumpa 2x
www.sinabungjaya.com

19. NDIGAN – NDIGAN
Djaga Depari

ndigan, ndigan, ndigan o turang
ndigan, ndigan ndigan jorena
es em a aku nina anakndu e mami
enggo pitu kalak reh sinungkunica
dokter nge, gurunge, perawatnge
em permendu ndai mami

ndigan, ndigan, ndigan o turang
ndigan, ndigan ndigan jorena
ibas sada wari reh sada dilaki
naik motor teksi ras intan bas gajutna
sebulan ia erjabu nggo erkadiola sideberu
pengangguren sidilaki, em kelandu ndai mami

ndigan, ndigan, ndigan o turang
ndigan-ndigan ndigan jorena
www.sinabungjaya.com

20. NDIGAN

ndigan ndigan ndigan nge ndia o.. turang
ndigan ndigan ndigan sidungi arih-arihta
labo labo labo kam pagi mesayang
labo labo labo kam kuelokken agingku
nde biring .. kena
ateku ngena … kena
ateku jadi … kena
tampil bas nipi

reff :
ban ise kin nge aku nggo ngadi minim-minim e
ban ise kin nge aku nggo jera mabuk-mbauk e
dila ban kena-kena nde biring
dila ban kena-kena nde biring

ndigan ndigan ndigan nge ndia o..turang
ndigan ndigan ndigan sidungi arih-arihta
labo labo labo kam pagi mesayang
labo labo labo kam kuelokken agingku
nde biring .. kena
ateku ngena … kena
ateku jadi .. kena
tampil bas nipi
www.sinabungjaya.com

21. NGADI KITA JOMBLO

[dilaki]
bagi jilendu ena manis mempesona
nggit nge kam man bangku agi
kai kin nge saratna nake

[diberu]
labo min mesera ban penungkunenndu
aku kari njawabsa kaka
kune la terjawabku bandu aku

[dilaki]
udan kuta gugung
ndukur i Batu Mamak
ban kata sorandu bibi

[diberu]
uban enggo ijujung
ukur lalap medanak
em nina maksudndu bengkila

[dilaki]
salak Sidempuan
lekang kota Belarang
ula kel min tehndu turang

[diberu]
pala enggo erkuan
ola min kita sirang
gampang denga ena abang

[dilaki]
kuliki ku kenjulu
pincala kenjahena
tolong sitik aku kuliki

[diberu]
kinipi kam erjabu
kita kap pengantenna
ula putus asa pincala

[dilaki]
empat kali empat
sama dengan enem belas
lenga kin nge jodoh ari
[dilaki]
mulai aku putus asa pe

[diberu]
sempat tidak sempat
mohon agar dibalas
ban sekali nari kaka

[dilaki]
kalo ada sumur di ladang boleh kita menumpang mandi
nuci cigus-gus mompa erduhap tah kai deba
kam gia sekali nungkun yah aku njawabsa
epe la kari kuteh bandu aku, labo dalih karo

[diberu]
ena e ah
adi tehndu kari bandu aku, uga setuju?

[dilaki]
setuju!

[diberu]
galuh sada tandan
i peram pertasakna
aloindu aku turang

[dilaki]
ndauh enggo perdalan
kidaram ate ngena
payo nindu sitik agi

[diberu]
manggis seh tebuna
man belo perlu mbako
aloi dagena kaka

[dilaki]
manis gia kena
di labo lako-lako
ula kam megelut agi

[diberu]
paku tengah juma
lau las i teruh deleng
mulai ateku ngena ma iting

[dilaki]
aku me jelmana
melias ras perkeleng
labo kam kecewa nde karo

[diberu]
empat puluh siwah bagi sepulu telu
uga kata sorandu turang

[dilaki]
berkat kita sendah
sidahi anak beru
em nina ukurku turang

[dilaki] ras [diberu]
iah ota kita berkat
enggo salang ukur mberat
sendah ngadi kita jomblo
minter kita ngembah belo
www.sinabungjaya.com

22. NGARAP JUMPA MULIHI

ndigan denga nge kita jumpa duana
tedehku bandu lanai teralang nande karo
amin gia kita jumpa lanai ngerana
perbahan surat si kirimkenndu la terbalas aku
karo nande karongku

rolih-olih kel aku rukur pengelakoku
kai kel salahku nande karo bage ateku
asa gundari kita duana lanai ngerana

kuturiken min lebe begikenndu min lebe
maka kam lawes karo nande karongku
ula ukurndu pengguruindu ula temanndu banndu hakimndu
tadingkenndu aku sisada mesayang

ndubem kel kena si kuarapken
mulih lah kena singiani pusuhku
ngarap kal aku sura-surangku jumpa mulihi kita duana
www.sinabungjaya.com

23. N J A Y O

nggo i sewai perumahen ingenta tading agi
nggo i angsuri peraboten asa perluna
nangkihi angkot e adi ndeher dalani saja
bagem adi njayo nande karo

amin kujuma ntah kupajak gia dahinta turang
gia latih gia siakap senyumi saja
lit pagi si masana sikelilingi doni enda
eropa australia ku amerika

ue iting ue turang
ue nindu sitik ngaloisa karo
sisuan pagi kentang gara agi
adi sangap situkur pagi motorta

ula morahi silaterjaka agi
litna lah ibaba maka ula latih
pas lah bas kita maka sipake turang
ula sikurangi ula silebihi

kam kutiga aku kujuma agi
terang kari jumpa i rumah
sitik-sitik sipepulungi agi
reh pe pagi tenah banci sidahi
www.sinabungjaya.com

24. NDUHUM RAGI
Andy Rallo Ginting

kukusuri garana api kunimpeti sikugarai
lanai tergegehi bagi simberkisi ranting-ranting erduri
kusuruti ateku jadi ku osari si kurampeti
lalapsa erjanji tapi la nepati nggo puas aku i tokohi
bas pendaringen nge ngenca nande iting atan
tapi tading nge bas perpanganen
terang nge ku kataken lanai bo aku tahan
si kutambatken pangen pulahken
sope lenga gara api enciti pangen kucucuri
asangken i cudui
mbiar aku pagi bagi si nduhum ragi
ateku nambari turang ate mesui
lanai ku meneki lanai bo ku morahi
nggo ku tambati gundari ku pulahi
lanai ku meneki lanai bo ku morahi
nggo me ku tambati gundari ku pulahi
www.sinabungjaya.com

25. NDURU
Datuk Muda Barus

kai kurkurenndu e pedi buluh pe nggo bangkaren

uga nge ukurndu e agi la kel ertempasen
kentang nggo ersuli lalap la isuanken

kertang dagingku e biring nginget arih la erkesehen
udah bas ciger wari lenggur si nenggeti

ulahndu si la mehuli pusuhku rate mesui
ate ngena banci sambari bas seribu banci pilihi
ateku ceda la tertambari pala ersada kita mulihi

gantang-gantang i tengah kuta kuakap tabu kepeken sudu
kalak tandang si mbue gaya em erbansa aku nggo nduru
bulung-bulung kalinjuhang bibi kerah-kerah bulung kelawas
ateku tutus atendu lahang agi ku janari makaro lawes
www.sinabungjaya.com

26. NEPA WARI

adina banci min ndai kunepa wari agi
nggo me kubahan wari si pitu ku sada wari
bagi pe terna tedeh ateku kena agi
segedang wari kam nge singeten ibas pusuhku
nggo ndekahsa kuakap nimai malam minggu e
adina banci lalap min nina jumpa nina ukurku
kubayangken kena malem sembelah pusuhku
adina nggo jumpa malem senembas pusuh karondu
oh nande itingna kam nge ateku ngena
natap cirem tawandu bene me mama karondu
oh nande gintingna tamin pusuh ku baba
turiken ukurndu si lit bas pusuhndu
si ugapa litna bagem kubaba
uga cedana bagem kupekena
gelahna banci kita ersada em si kusura
senang mesera ras kita duana
pagit ras tebuna ras ngenanamisa
labo ku palar pendahin kena gelahna ersada
oh nande gintingna petetap ukur kena
ula nai ndekahsa nari aku tertima
oh nande gintingna kam ngenca si ku sura
ndigan nge warina si dungi arih-arihta
www.sinabungjaya.com

27. NESE EMBUN ERPAGI PAGI
Djaga Depari

nese embun erpagi-pagi turang
ngalur-ngalur lau beringin ergalung-galung
nginget-nginget arih la sahun turang mama nangin
lampas tayang lampas tayang melawen tunduh o turang
mayap-ayap kuliki kabang turang
percinepna uruk gundaling arah kenjahe
nde ngayak-ngayak atendu lahang turang morah ate
la kel kuarap, la kel kuarap bagenda kel nggo jadina

ngalur-ngalur lau beringin ergalung-galung
ngalur-ngalur lau beringin ergalung-galung
nginget-nginget padan la sahun turang mama nangin
piah iluh, piah iluh enggo kel mambur terisang

nese embun erpagi-pagi turang
ngalur-ngalur lau beringin ergalung-galung
nginget-nginget arih la sahun turang kel singuda
em kap erbansa, em kap erbansa mataku lanai tertunduh
www.sinabungjaya.com

28. NGADIKEN KEJAHATEN

masap kekelengen jabu
ise-ise si salah
maka rusur kel nande ikataken la beluh
ia rusur kena rawa
ia tempa maba mara
kejahaten reh man bana
bage pe i gengkenna
terbegi sora tangisen
nande bas jabuna
kesahku la ras dagingku
tempa la kel meherga
bapa lanai bagi bapa
gelap kel perukurenna
pernandenna sakitina
runtuh tiang jabuna
ngadiken kejahanten nge kerina
ngadiken penindasen nge kerina
ngadiken kekerasen e
tulanku ibas tulanndu nari
jukurku ibas jukutndu nari
ula bahan ateku mesui kelengi
www.sinabungjaya.com

29. NGAMPU ATE TEDEH

maka jadi pe lagu kuendeken enda
ban kuinget kena rusur
terbayang sisada kel nde karondu
ngampu ate tedeh
lit nge ndia gejapkenndu mesayang
mama iting ningku erlebuh
mbera kam pe lit min tedehndu
nandangi aku
o … o … mama iting
ndigan sikena mulih …
o … ma itingku
ndigan bahan katandu
bahan katandu man asamku ertima
ula peturut aku ndekah sisada
di sitik-sitik naring beratna bas kena
ula belinken tapi inget karondu
[dilaki]
sabar lah kena nimaisa aku nande karo
lit nge pagi dalanta jumpa duana
ula kam medu nimaisa ma itingndu
mulih pagi aku si sada denga min kena
mulih pagi aku si sada denga min kena
www.sinabungjaya.com

30. NGARAPKEN BUAH TEBU

kudalani menda ateku ceda biring
perbahan kena nindu lawes erlajang

kuja nari pagi kam kudarami
adina aku tigandu la ngasup sirang
seh getemna banndu pusuh tiganndu mabiringku

sikuarapkenndube kena teman geluhku
ngarapken buah kel aku kubatang tebu
enggo pe ia erbunga nimai kerahna
piah enggo seh kel tuana la lit ertina

pusuh si getem ndube tambah suina ma biringku
bahanndu aku barang sampingenndu
sangana tupung tulpak aku i dahindu
cadangen ngenca peran bere karondu
tuhu la jumpa kena aku i dahindu

madian saja aku i tadingkenndu
gelah ula ceda kerna arih arihndu
enggo keri kesabaren nande tigan ndu ma biringku
www.sinabungjaya.com

31. NGARAP JUMPA MULIHI

ndigan denga nge kita jumpa duana
tedehku bandu lanai teralang nande karo
amin gia kita jumpa lanai ngerana
perbahan surat si kirimkenndu la terbalas aku
karo nande karongku

rolih-olih kel aku rukur pengelakoku
kai kel salahku nande karo bage ateku
asa gundari kita duana lanai ngerana

kuturiken min lebe begikenndu min lebe
maka kam lawes karo nande karongku
ula ukurndu pengguruindu ula temanndu banndu hakimndu
tadingkenndu aku sisada mesayang

ndubem kel kena si kuarapken
mulih lah kena singiani pusuhku
ngarap kal aku sura-surangku jumpa mulihi kita duana
www.sinabungjaya.com

32. NGARAPKEN GESTUNG API BAS LAU
Lamindo Silalahi

enggo me bias kena kutami-tami turang
lanai kungasup jadi ayam-ayamndu
ngue-ngue sura-surandu amin gia kuakap payo

terjeng je ngenca kengasupen biringndu turang
alang-alagi turang ateku ngena
mama biring nge ndube liah
ngayak-ngayak perik sipulah

reff
sinasana……. , sinasana enggo ku kena bayu
tanda ateku ngena
kuakap ndube rakutna agi
bage gia ……, bagem-bagem kugengken turang
giah tading risona,
lanai ateku morah bayu

aku nge liah ngarap gestung api bas lau
bias me gelah sirang ndai kita bayu
aku nge liah ngarap gestung api bas lau 2x
terjeng je ngenca kengasupen tigandu agi
aleng-alengi turang ateku ngena
bere karo nge ndube liah
ngayak-ngayak perik si pulah
www.sinabungjaya.com

33. NGARAPKEN PARIMBALANG ERPUDUN

adi kuinget tantangna kita jumpa turang
sangana kita sitatapen bage duana
ralo alo ibas pusuhta agi
sikelengen bage kita duana

*
adi kuinget sangana kita erjanji turang
petungko tungko idatas ture itengah berngi
bulan ras bintang bage saksina agi
aku pagi sirukat nakanndu nindu

tapi gundari nde ribu
ibualindu kepeken aku
alu la kueteh kai nge lepakku

kepe ukurndu nandangi aku
bali bahanndu aku ras page lumpat
bali nge lit bali nge ras lahang

mulihi ku * rst

nggo me turang aku lawes
erbaba baba ateku mesu
nggo me turang aku nge liah
nimai-nimai parimbalang pagi erpudun
nggo me turang aku lawes
nggo me turang aku nge liah
nggo me turang
www.sinabungjaya.com

34. NGELAJANG BANA
Stasion Tarigan

aku pagi man bandu nindu
nggo rutang bage ranandu bangku
perbahan seh serana pergeluhku
lakepe senang orang tuandu

dage tading melebe, dage tading kena
lawas lebe, erlajang bana
ola morah nake, ola tangis ola meneksa
jumpa denga pagi kita duana

njujurilah min pagi dibata
maka seh kel pagi bagi ni sura
emaka ngayuhlah pertendinta
berkat aku dage erlajang bana

dage olakal kam lupa, notokensa man Dibata
gelah banci pergeluh erjorena
adi nggolah pepagi jore pergelu ni baba
mulih aku ku kuta ndungi cakapta
www.sinabungjaya.com

35. NGELINGKE – LINGKE

biring nande biringku
sope denga kita erbarung
enggom kuturiken kerna mesera
ngasup nge aku mama iting nindu man bangku

biring nande biringku
kerna la selpat kuakap arihta
pas kel bagi perulih serruh
iba tuhu turang tapi la dem

reff :
kulingke – lingke kelbung simbages e nde biring nulu – nulu kena
kulebuh kudilo ngo nindu ngenca ngaloi morah ate ngejapken kena
ngombak ngombakken sienggo tapi la terombakken ateku megogo
ola pedah babandu ikan belang mata nde biringku
gelahna kena mulih gundari bangku
www.sinabungjaya.com

36. NGEPKEP ATE JADI

labo terpersoken turang ateku ngena
lakin i gejapndu tambar malem pusuhku erkusik kukelengi
piga-piga kali turang reh kam bas nipi
nambah-nambahi mama bayang mesui meriso pusuh kubaba

kinahun kita ndauh turang
ertindang-tindang ate mesui
lanai kal aku ngasup turang
mbaba tedeh ibas pusuhku
emaka reh menda aku timai kel kerehenku
alo-alo kel aku mesayang
ula min tersia janji singgo ipudun
ersada min ateku kita turang bage duana
www.sinabungjaya.com

37. NGERONDONG

kai sebabna kam la tek bangku
la lit sideban turang kena kel kap ngenca
uga makana kam la percaya
lalit sideban turang kena kel kap ngenca

ola erbual enggo me kueteh turang
ise rondonggndu selain aku
ola erbual enggo me kueteh turang
ise rondongndu selain aku

ise kal nge ndia temandu si ndube
kuidah kena turang erdalan dua-dua

oh ia turang la me turang impalku
ula nai ukurndu dua ari turang
sangkut ukurndu

mari dagena turang silupaken saja
ula nari si inget turang ula nari ukuri
mari dagena turang silupaken saja
ula nari si inget turang ula nari ukuri
www.sinabungjaya.com

38. NIMBANG – NIMBANG SORA PUSUH
Rosmawaty br Ginting

adi kuinget masa erteman masa meriah erguro-guro
segedang wari ras kel kita tawa
mbiar kel min aku si kita sirang
pantang kel kuakap melasken sirang
tapi gundari sikugejapken
perbahanendu nandangi aku
sedekah kita ma bayang nggo ersada
pangen me gundari si kita sirang
pangen me gundari si kita sirang

bagem-bagem rusur erbilang-bilang ibas ukurku
nimbang-nimbang sora pusuhku
iluh ras tangis nge lalap sinaruhken ukur tunduh
sirang ntah la sirang labo erkedungen
piah daging kertang tading tulan tarum nginget-nginget perbahanendu
piah pinakit e nambah parahna
tarum nimbang-nimbang sora pusuhku
www.sinabungjaya.com

39. NINI KARO Deli Savero Sitepu

tekuak kenca manuk erpagi-pagi ibas lipo
me tinggel nini lampas medak
ngampeken kudin penganggeren
lau ras beras panganna
elah kenca man lawes ku juma erdahin
mutputi kahwa si megara mulih ku rumah
mbaba ranting semberkis telu bangkarna
oh nini oh nini karongku
kuinget ku tutu belondu
ban tading dua ipenndu
kam si ngiani aku asum kitik denga
oh nini oh nini karongku
nggo mbelin gedang kempu
bekasndu rembah ndube
ertuah sangap jumpa pencarin kempundu e
ku embahken belo cawir
ras rudang rudang mejile
gelah cawir pagi nggeluhku
mejuah juah kam niningku
bas ingan pengadi-ngadinndu
www.sinabungjaya.com

40. NIPIN – NIPIN

sebulan dekahna aku la erduit
ku ja pe ateku la banci muit
tunduh kin pe aku mata lanai pit-pit
piahna aku ertemanken rengit

ibas sada berngi entabeh mataku tunduh
piah medak pe nggo jam sepuluh

kunipi aku nangkih kapal terbang
rukur aku janah ukurku kabang-kabang

mis kutukur kupon sdsb
sekali enda lanai banci la jore
kupasang nomor kapal terbang
ukurku ndauh kabang-kabang

tapina si ndarat nomor kupu-kupu
rempet kel aku bagi si motu
nipi kin pe kap labo erluhu
www.sinabungjaya.com

41. NONGAT

kuturiken sitik kerna si nongat
anak gaul jaman gundari
tampangna keren gayana beken
la ketadingen sembelah cupingna

labo aku nembah kerna si nongat
ser-ser nge diberu terpesona
wajahna pitu jago ngerayu
tempas daging pe inget-ingeten diberu

melala nggo diberu bene penggaya lagundu
terpesona perbahan rayuan mautndu
wajah memang ganteng sayang lagundu la erluhu
rupa ipakendu engkeriken serpi singuda-nguda
engkeriken serpi singuda-nguda
o … ooo …. singuda-nguda

nongat rubahlah kena ula pagi sempat tersia
sip-sip ken kami nge enda bagi sinuing cipera
ula pagi sempat imbang kena sada kuta
www.sinabungjaya.com

42. NUAN ATE CEDA

mbarenda aku tami-tamindu
tapina gundari aku perimbangndu
la kuarap kusuan ate ngena
kepe si turah ateku ceda
la kuarap ku bere permata
i pilihndu kaca
erban pusuh luka
bas matandu aku bas pusuhndu ia
sampingndu aku si singetndu ia
asa ndinga nge aku ngasup mbabasa
ukurndu si nggo ndube terbagi dua
adi bulan sambar rupana
nipi gulut pe tande dungna
sekali ku turiken ateku ngena
ise pe la banci sambar gancihna
kam pe tehndu uga ukur nde tiganndu
bas matandu aku bas pusuhndu ia
sampingndu aku si singetndu ia
asa ndinga nge aku ngasup mbabasa
ukurndu si nggo ndube terbagi dua
ukurndu si nggo ndube terbagi dua www.sinabungjaya.com

43. NUAN LA RANI
Sudarto Sitepu

situhu-tuhuna sungkundu, ise ia sinuan
lange pe pagi kedungenna siperanisa
aku ndube lampas kusuan
ateku ngena man bandu
tapi kedungenna jelma sideban siperanisa

mama biringku aku kel ndube singkelengisa
tapi genduari jelma sideban singkelengindu ku sayangi
kerina jelma meteh ma biring e rondongku
kai sirulah, kai rebansa nde nangin tading
e labo salah ma biring
tupung aku sisada, kucabinken uis gara siberekenndu

mama biringku mejuah-juah kam duana
totondu ngenca si kuarapken
gelah jumpa ras ateku ngena
www.sinabungjaya.com

44. NUKTUKI
Disel Ginting

juma la erbaleng arah ja menda sukina
rupa lenga ersembung kucidahken ndube man kena
pandangi bekas roka enca nggo turah menda page
mandangi kam pudi wari cakap ndu e lanai i pake
rupa bagi kacunggi biakna mbiring la terburihi
rupa babanku nggeluh biak pertubuh la terpandangi

kena mandang-mandangi berngi e kuakap suari
turah me enda emosi piah kena kudarami
berngi aku nuktuki ngerawai mama ras mami
kuakap jaman si adi nggo salih kepe gundari

suari ku naki-naki kubahan ganjalna serpi
berngi aku nuktuki la kuarap mami dungna ngaloi
bagem kepe jaman gundari cakap la merga dilalit serpi
bagem kepe jaman gundari cakap la merga dilalit serpi
www.sinabungjaya.com

45. NUKUR BAJU

kutiga kena nukur bajundu
bage nina bapa man nande ras aku
perbahan idahna nilai raportku
lalit si merahna siwah nge kerina

la la la meriah ukurku
la la la tukurndu bajuku
siapai siapai siapai … nge ku pilih
[nande] siapai atendu ?
ngena ateku kerina mejile kel rupana
siapa lit megara, mentar, meratah, megersing saja yah
ya mak ya

ku tiga kena nukur bajundu
bage nina bapa man nande ras aku
bujur nande ningku man banndu
nggo kel tambah baju mbarungku

jenda nari ku pudi rajin aku nampati
gelah bas tahun pagi dua hadiah bas kam nari

nande : ih … dua nindu sada pe la terkutur, kai nge deba?
anak : 1 hadiah ulang tahun mak, 1 hadiah juara kelas
nande : emaka jenda nari kupudi rajin kam sekolah
anak : ue mak

kutiga kena nukur bajundu
bage nina bapa man nande ras aku
perbahan idahna nilai raportku
lalit si merahna siwah nge kerina

la la la meriah ukurku
la la la tukurndu bajuku
siapai siapai siapai … nge ku pilih
[nande] siapai atendu ?
ngena ateku kerina
mejile kel kerina
siapa lit megara, mentar, meratah, megersing saja ya
ya mak ya

ku tiga kena nukur bajundu
bage nina bapa man nande ras aku
bujur bapa ningku man banndu
nggo kel tambah baju mbarungku

jenda nari ku pudi
rajin aku nampati
gelah bas tahun pagi
dua hadiah bas kam nari

bujur bapa ningku man banndu
nggo kel tambah baju mbarungku

jenda nari ku pudi
rajin aku nampati
gelah bas tahun pagi
dua hadiah bas kam nari
dua hadiah bas kam nari
www.sinabungjaya.com

46. NUKUR MANDUR

cantik tuhu cantik kena nande ginting
manis tuhu manis kena kusayangi
sitik kel salahna sitik kel lepakna
pangkasndu ena kusayangi kuakap gendeksa
pangkasndu ena kusayangi kuakap gendeksa
cantik tuhu cantik kena kusayangi
manis tuhu manis kena morah ate
sitik kel salahna sitik kel lepakna
dagingndu ena kusayangi kuakap kitiksa
dagingndu ena turang nguda kuakap kitiksa
cantik tuhu cantik kena nande ginting
manis tuhu manis kena kusayangi
sitik kel salahna sitik kel lepakna
pangkasndu ena turang nguda kuakap modelsa
pangkasndu ena turang nguda kuakap modelsa
adi rupandu mesayang seh kel manisna
adi empoi bagi si nukur manggis
adi rupandu mesayang seh kel manisna
adi empoi bagi si nukur manggis
www.sinabungjaya.com

47. NUKUR RAWA

senen ku sabtuna minggu warinta jumpa
mesikel pusuhku kita ngerana
berngi jadi nipi suari lalap terbayang
nggo sampur tedehku lanai terbaba

sundutna wari meter ko ku pultakna
gelahna danci jumpa ngerana ras kena nde karona

juma salit pinter dalin ku kuta
gia dareh la lit bagem ku tukur rawa
ku baba pagi kam karo ku jabu bapa
gelah nggo lit man runggunken dalin ersada
gia medalit ku jingkangken erpala-pala
gelah nggo sampit aku pagi si latih mama

lanai bo ngasup biringndu ndekah ertima
mbelgai wari si mentas aku si sada

karo nde karongku ateku ngena
karo ue ma biring bage gelah ning kena
www.sinabungjaya.com

48. NUMPAH PADAN

gelahna ula numpah padan pagi aku
kirim suratndu sekali nari
gelahna ula balas dendam pagi aku
tenahken aku sekali nari

bagem nina ukurku nande nangin
bagem me ibas pusuhku
bagem kata sorangku kusayangi
bagem me nina ukurku

lang adi aku nde nangin
kena ateku temanku arih
lang adi aku kusayangi
lanai bo kam tersambari aku

gelahna ula pagi teriluh aku sisada
kirim gambarndu sekali nari
gelahna ula pagi ngerana aku sisada
tenahken aku sekali nari

bagem nina ukurku nande nangin
bagem me kelengi aku
bagem ibas pusuhku nde nangin
bageme sampati aku
www.sinabungjaya.com

49. NURUNG BAS LAU

enggo me tandes agi turah ate tedeh
mengel-ngel naring nge rusuren lolah sisada
ndigan nge ndia ribu si kena mulih
seh kel dungona turang malam minggu e
kalak ngerondong aku terlolah lolah
bagem ku gengken agi adi la kam je

berngi e aku terbayang
muatku tunduh lalap ku kenang
mama tigan e setia nimaisa kena
ula min tading ma tigan e nande ribu
gia kita pedauh-dauh
ingetndu min janjinta ndube turang
la terpesirang nurung ras lau
nande ribu bagem janji terbelas
tedehku bandu bagelah min tedehndu
www.sinabungjaya.com

50. NURUNG KERAH

lawit simbelang banci kusibar
gelah lit dalanku atan nandangi kena
nesei sinalsalna silit ibas geluhku
nggo keri kuborohken kerina man bandu
tapi piher kel ukurndu lanai o terturuti
lanai gia alokenndu kekelenganku

pangir si pitu rupa nggo kupangirken
gelah teridah bas matandu durma dagingku
la kurang sabar aku la kurang metami
tapi lasam nge agi ateku keleng
tapi piher kel ukurndu lanai bo terturuti
lanai teralokenndu kekelengenku

siayaki atendu ngena la kepe silit bas aku
pangkat ras harta serpi melumbar
segedang wari kira-kira ndu
sirang-sirang nindu e pendungi arihta lanai nande tigan terambati
ukurndu man bangku nggo bagi nurung kerah
medak la erpengidah mata pusuhndu
www.sinabungjaya.com
updt14012012

This entry was posted in Lirik Lagu Karo. Bookmark the permalink.