LIRIK LAGU KARO AWALAN “C”

1.       CAKAP LATERARU

adi kin lalap aku memperken bana
mbegi rananndu gedang
uga nge……kubahan bangku
ooo………….

cakap la teraru banndu imanku
suanndu kepe bisa ibas ateta ngena

terung bunga tuhu erduri
lau lawit la terkebuhi

pusuh ceda la tertambari
perban pusuh lolah swari berngi
perban pusuh lolah swari berngi

adi kin enggo lit sambar gantiku
ula darami salah ras lepakku

metur dat rannanndu nangdangi aku
kepe lit turang sura surandu
kepe atendu nadingken aku
www.sinabungjaya.com

2.    CAKAP MANIS

sayang sayang nindu bahasa cinta belasbelasndu
tapi gombal nge kerina nde iting
kam kel ngenca rondongku nindu labo erbagi ukurku nindu
tapi buktina lit nge banndu saingenku
tapi buktina lit nge banndu timbang kayongku
ula aku rayu rayundu la ku percaya cakap manisndu
nggo bias ula nai aku tokohindu
nggo kueteh uga ukurndu bagi sanggar uruk-uruk
lain temanndu lain kel kepe ukurndu
nggo me nande giting perobahi lagundu e
adi teman banci melala atendu ngena bias sada
ula kam ersandiwara erkadiola la lit gunana
www.sinabungjaya.com

3.    CAKAP MANISNDU

la kutangisi di kesirangen ndungi arih-arihta
nggo kulepasken ibas pusuhku
kekelengenku si nggo nungtung ndube keri man bandu
la lit ertina lebe lebendu
nggo kugejapken ma karo sibar ja tanggung jawabndu
cakap manisndu kepe ngenca
nggo ku ukuri metami perbahanenndu man bangku
i tami-tamindu aku ue uendu rananku
cakap manisndu saja nge ngenca
bas perdemunta kerna pemindo ndube si pejumpasa
la terambati bas kegeluhenku
tuhu mesui di bualindu aku segedang wari
keri suina radumken kena
nggo kugejapken ma karo sibar ja tanggung jawabndu
cakap manisndu kepe ngenca
nggo ku ukuri metami perbahanenndu man bangku
i tami-tamindu aku ue uendu rananku
cakap manisndu saja nge ngenca
bas perdemunta kerna pemindo ndube si pejumpasa
la terambati bas kegeluhenku
tuhu mesui di bualindu aku segedang wari
keri suina radumken kena
nggo kugejapken ma karo sibar ja tanggung jawabndu
cakap manisndu kepe ngenca
nggo ku ukuri metami perbahanenndu man bangku
i tami-tamindu aku ue uendu rananku
cakap manisndu saja nge ngenca
adi ku alaken mis kel pudikenndu
adi ku lawesken ayakindu
aku nge metersa ntah kam melebesa
ija salahna …
www.sinabungjaya.com

4.    CANGKUL CAP BUAYA
Sabarta Sitepu

banding bandingken pe turang
aku ras kena morah ate
labo lit dalan-dalanna aku tampil
ipertibangken pe turang, sekali nari kusayangi
enggo me talu aku bas kegeluhen

kena lawes sekolah, aku lawes ku sabah
kena erpulpenken pilot, aku erpulpenken cangkul cap   buaya
eme ndube sebabna, eme dalan-dalanna
mama ras mami la ngaku kela

reff
erdasi min ndai aku ku juma ku sayangi
ngayak-ngayak nge min ndai kena man bangu
erhelikopter min ndai, niram rimoku silima batang ndube
ngaku kela nge min ndai mama ras mami

la ndube mbera kusayangi
la ndube mbera ku kelengi
seratus telu tahun enda mbera nge dungna

la ndube mbera kusayangi
la ndube mbera ku kelengi
meruntuh pagi doni enda tuhu nge dungna
www.sinabungjaya.com

5.      CANGKUL CAP BUAYA  II
Sabarta Sitepu

laterbanding-bandingken aku ras kena turang
aku kalak mesera si la terpandang
segedang wari lawes kujuma

dalan-dalan la senang si biak orangtuandu
adina aku kin ndube teman nggeluhndu
adi aku anak beru bas jabundu agingku

segedang wari ertemanken cangkul cap buaya
dalan-dalan la senang sibiak orangutandu
ia dilaki pilihen orantuandu
nggeluh meraja terpandang i tengah kuta
sinaluken kekelengenku man bandu

lanai mbera ersada aku ras kena turang
timai kin pendube meruhtuh doni
aku tading agiku nggo tadingkenndu sisada
www.sinabungjaya.com

6.    CANTIK MANIS
Sudarto Sitepu

adi jumpa aku ras kena
ulanai min si kita sirang
kena turang ateku ngena
nande karo cantik manisku

sada wari timbang setahun
adi sirang kita duana
gula tualah pagit nanamna
ula min sirang oh cantik manisku

reff
kire kire, kire nande karona
adi cirem tambah jilena
adi tawa tambah manisnya

kire kire, kire nande karona
daging manuk gulaindu ras batu
epe entabeh kuakap manukna.      2x  terakhir
www.sinabungjaya.com

7.      CARI PASAL (versi I)

la kin gelah atendu cari pasal turang
ndaram-ndarami dalanna nirang ken aku
payo kin nge ukurndu enggo me medu ras aku
itambatkenndu kel nali bas kerahungku

lanai nge lit kukekengi..
timbal balikna perukurenndu
bicara kam ka kin sekali arah aku enda
lanai nge kukelengi simehulina ibas ukurndu
cirem kel kena idatas iluhku mambur

gelarna naring’ entebu tengguli kusayangi
adi kuakap nanamna bali ras pegu
gelarna naring’ berngi e.. sambar suari kukelengi
suari berngi lalapnge gelap pusuhku
www.sinabungjaya.com

8.      CARI PASAL (versi II)

cari pasal kam rusur akhir-akhir enda
ndaram-ndarami persoalen bas atendu ngena
balas dendam ibandu gelarna kekelengen
makan hati naring kal aku ibahan kena

sandiwara kal kepe ngenca atendu ngena
bagi kuliki erkabeng mbulu nggurisa
bobok lah kam sayang nindu bobok aku
gelah atendu banci jumpai timbang sayangku

enggom kugengken turang
bagi ndukur i kranjangen
perbahan kena agi
enggom kuakap tulang rang-rangku

tapi kena impal
lalap main-main
sora saja kal rusur
ibaba-babandu

ula kejamsa nande biring kena man aku
ula i bandu mama tigan e korban salah sangka
lupaken saja kita gawah-gawah ku tandem
bulan desember si ndube ke nostalgia.
www.sinabungjaya.com

9.    CAWIR BULUNG

sanga kita danak-danak denga
termama-mama nge rusur bage tendindu
taruhken bibi ras bengkila kam ku rumah bapa
gelahna kita mama iting cawir bulungken

pulung nge ndube sima-simanta
ras mehuli nge ndube bage totona
ulanai magin-magin ras lampas kita mbelin
nggo pagi mbelin ersada kita duana

reff:
tapi gundari kenca kena nggo mbelin
sambar kel kepe teman geluhndu
aku kel ndube temanndu cawir bulungken
jelma si deban kel kepe teman geluhndu
jelma si deban nge kepe ikelengindu

gundari tading si man tatapen
tudung-tudung si ni bereken bibi
cawir bulungken tading si man ingeten
tapi arihta labo pernah si pudunen
www.sinabungjaya.com

10.    CAWIR METUA

tigan pe nggo metua
rukur ola sisada enterem teman arih ola baba sisada
kuidah tutundu belo
puyu-puyundu mbako
tertande bas tiang sapo natap ate megogo
cawir kel kam metua nande
labo la sigegehi bage ka maka banci
kami kerina anakku deba la bagi ukur
pala-palai pagi tukur
kuinget masa mbarenda mulihta juma nari
ranting pe i berkisi kuarakken pudi nari
maler panasndu e rikutken iluh e
ngepkep kami anakndu nande ningku nande
labo lit nampati gia teta mesui bage denga maka banci
mbera si man jilenken lalap la erkedungen
oh nandengku la man morahen
tangis kel aku sisada nginget aku la mbegiken kata
aloi min aku aloi ola tendu mesui
aku pagi inganndu metua ibas susah senangna geluhta
terjeng bage ngenaca ngasupku nande morah ola morahi
www.sinabungjaya.com

11.    CEKALA GARA
Djaga Depari

cekala nguda, cekala nguda
macik tangkena turang
singuda-nguda, singuda-nguda
ngecek bapana nake

kandi-kandindu e palawi
sangkut para tuhur
man aku min anak ndu e o.. mami
ola min ertukur

cekala gara, cekala gara
macik tangkena rudang
anak perana, anak perana
ngecek nandena nake

kandi-kandindu e palawi
sangkut para tuhur
ugakin anakndu e o.. bibi
lalap la rukur
www.sinabungjaya.com

12.    CEKALA PEKEPAR LAU
Dharma P

turang tuhu-tuhu, la kepe kita sahun erdemu
enggo seh me warina
asa enggo sirang kita lenga ngerana

reff
turang bene me aku agi,
kuja ku lawes tadingkendu
mesayang entah lanai bo lit,
kalak sinura kempak aku

jumpa kita enggo jumpa, ngerana kita ngerana
pedempak ayo tapi perjumpanta
bagi cekala pe kepar lau
pedeges daging,
lalap la mbera aku ras kena

lanai …… ke kam ertenah agi
nangdangi aku sienggo lupakendu
lanai mesayang, lanai kel kam kuinget nindu
nenahken aku lako pendungi kerjandu

kembali ke reff

la kam kalak bayak,
la kam kalak merupa mama biring
em dalan-dalanna ateku lahang nangdangi kena
bagem nindu erbuni-buni kempak aku

lanai ke kam ertenah agi, nangdangi aku sienggo lupakendu
lanai mesayang, lanai kel kam kuinget nindu
nenahken aku lako pendungi kerjandu
nenahken aku lako pendungi kerjandu, agiku
www.sinabungjaya.com

13.     CEKALA I TEPI EMBANG

cekala rudang turah i baleng
ise nge ndia punana
sekalak kena siman ayakenku
dua ngenda rate ngena
sukar lalu agi peniwet duri
culiki labo atan jadi peniding
enggo talu agi aku enggo talu
talu ibas ketadingen

kuliki kabang ku wari lego
ngarap sinatap gelah min udan
kuukuri talu ras idongku
temandu erkuan enggo sarjana
bas penampilen agi aku nggo talu
perukuren turang beluhen aku
ate keleng ateku luah ku bandu
i denga matandu ngenehen harta

reff :
si uga turang siatendu ngena
bayak ukur entah bayak harta
kalak bayak lenga lit jaminenna
kena pagi turang lalap silepak

adi aku labo mujiken bandu
ateku keleng labo terjeng bibir ngenca
la kusuruh turang kena kujuma
kutami-tami kena segedang wari
www.sinabungjaya.com

14.    CEMBURU BUTA

kam turang kam kel rusur cari gara-gara
tangkelenndu gelah jore aku pandangindu turang
katekenndu la perkadap man belo janah cikura
ula cemburusa sayang
lit kam turang cakap kami, kami si deberu
labo perlu campuri si dilaki lo kari angkandu turang
gundari denga pe ancam-ancamndu
apai denga ka pagi nggo sahun jadi ndeharandu
lo padah surung turang adina curiga nge kam rusur
darami saja abang si ngasup junguti tiap wari
adi cemburu banci jadi bumbu bumbu cinta
cemburu buta turang madin la padah surung
adi cemburu kena rusur labo lit bukti na
ngelegi pinakit kena ngenca la gia sahun
www.sinabungjaya.com

15.    CENTENG KUTA

lit ka anak perana
keliling kuta enca dahina
asa simbel ras ia
ase i jerleng-jerlengna
adi tandang kalak ku kutana
minter kel i oratina
permabuk-mabukna man bana
la pe sungkun preman aku nina
centeng kuta e me gelarna
adi bas kutana ia tempa si jagona
centeng kuta e me gelarna
adi bas asarna la tanggung rawana
sekali lawes ia ku tiga
nina dalam rangka uji coba
ermacam-macam idahsa jelma
kurang ter akapna mulih kukuta
perban enggo biarna ia
tumburna sekalak tukang beca
merawa perbeca man bana
nderkuhkenna keri asa gangna
centeng kuta e me gelarna
adi bas kutana ia kap harimauna
centeng kuta e me gelarna
adi bas tiga bagi biang anakna
centeng kuta e me gelarna
adi bas kutana ia tempa si merawana
centeng kuta e me gelarna
adi bas tiga ia si melemukna
www.sinabungjaya.com

16.     CINCIN KENANGAN

tamakenndu sada cincin ku bas jari manisku
sada cincin perpadanen aku bandu kam man bangku
enda me ndube tandana maka kita nggo erjabu

genduari mama nangin tading kenndu nande karondu
lawes kam mama ukurndu lasam kenndu kekelengenku
tapi cincin enda ndube lalap kel nge kupake
ntah kai kel gia ndube erban gelap ukurndu turang
makana seh gundari lanai lit beritandu nangin
erpadan kita ndube ersada ngayak mate
ngobah kel ukurndu katandu erbahan murde

tantangi turang tantangi cincin tunangen
kam kel kap ndube make kensa
gelah ula pagi aku tempa menaken kita sirang
reh gelah kam sekali nari

salah aku mesayang nggo lepak dahin ku dadap kukelengi
lanai lit dalin mulihken man bandu
ula morah kukelengi kudalani hukumenna morah ate
jadiken cincin kenangen
www.sinabungjaya.com

17.    CIGER NTAH NGGO BEN

karo …. nggo seh katandu ndube
kita erdemuimpal disempat kin arihta mosar
bibi me pagi ras bapa lanai erturang
* ija kin akapndu si kurangna
maka kam dekahen lanai mulih kurumah
banci nge pagi kupekena manjar-anjar
ertunduh janah ku kundul nimai kam
ntah mulih kel karo age ateku
lanai kuetenh nggo terang ciger ntah nggo ben
nggeluh ningen nggo tanemken
nde e pengindoku
nde e .. ari
mulih kam turang
mulih ere iting
aku ula kal i ulihkenndu
tek nge aku rikut perotonku
reh nge pagi kam engkelengi aku
www.sinabungjaya.com

18.     CINCIN KONCOKU

koncoku anak aseng
kalak cina si ling lung
kalah judi cekileng
koncang bajuna lumai

cin cin si mata kucing
dayakenna man si akong
senna dat bakso capcai
sen gocap gopek goceng

maila maila maila maila kalah judi
maila maila maila
maila kalah malu

maila maila maila
maila kalah judi
maila maila maila
maila kalah malu

cincin si cinep babo seng
cuci tong juma lingling
cincin si anak aseng
enggo selang lalit tading
www.sinabungjaya.com

19.    CINCIN TANDA MATA

[dilaki]
uga kin ukurndu turiken man bangku nde ribu bere itingkna
nande ribu morah ke ateku

[diberu]
ranan si belaskenndu bual kepe kerina mama tiganna bere biringna
mama tigan jadi kel ateku

[dilaki]
adi tuhu kin atendu ngena
tantang cincin man tanda mata

[diberu]
si turikenndu bual kerna
erbahan nande ribundu terdaya

[dilaki ras diberu]
mari-mari ras kita duana
sipersada arih-arihta duana
mari-mari ras kita duana
sipersada arih-arihta duana
www.sinabungjaya.com

20.    CINTA NOKIA

tuhu melenget adi pedauh erlajang bana
tapi lengeten kuakap pedauh ras ate ngena
nde tuhu kel ate tedeh ate udan musim perlego
tapi tedehen ateku usur man kena
nde karo nd karo nde karongku
oh cinta ningku erlebuh

nde tuhu mbacar si perik jalak erpagi-2
tapi mbacaren kena ngerana man bangku
tuhu metami perengge-rengge nguraki erga
tapi beluhen kam nami2 man bangku
nde karo nde karo nde karongku
tedehku e sikalang tindihen man bandu

teran rupa kel aku rusur
muas aku megi sorandu
mesi kel aku pedempa ayo
uga ndia rupa babandu

kita ngerana la tatap mata
erkelangken hp nokia
adi ngerana pedauh kata
mbacar megani kena man bangku
nde karo nde karo nde karongku
oh cinta nokia me ate ngena
www.sinabungjaya.com

21.     CINTA 100%

rumah bale ku juma rih,
uruk gumbelin punana perumah kerbo
bage dekahna kita enggo arih-arih
adina enggo mbelin mama iting banci me empo

mama itingku……… aku pagi man bandu
bere karoku …… ija cinta ndu ndai

buluh cina juma jahen, lit kuan-kuan
pengarih-ngarih suka julu
soal cinta nindu seratus persen,
uga ku bahan adi kena pagi man bangku

nande tiganku ….. lenga lit pencarinku
bere karona ……… aku pagi man bandu

adi mbiring nindu mbiring nge ningku mama iting
gelah ersada pagi arih-arihta
adi mbentar nindu mbentar nge ningku bere karoku
kena pagi singumban nande

meruah-ruah jera si rebi-rebi
mejuah-juah sangap kita encari
www.sinabungjaya.com

22.     CINTA TERBAGI DUA
Sudarto Sitepu

ngena atendu nindu,
tapi bas bibir ngenca
ukurku ngatakenca
serpiku e ngenca atendu

ku akui aku tergoda,
tapi si e mbarenda
gundari nggo kuanggka
cintandu terbagi dua

tukur baju nindu bangku
tukur parfum nindu bangku
e pe nggo kutukur
seh warina malam minggu
lawes kena ras sideban

sayang gia nindu bangku
lanai aku percaya
ise pe labo ngasup
ma biring e perombang-ombang

terus terang aku man bandu
madin kuakap kita sirang
ulanai aku ingetndu
sambari gelah sideban

tukurndu isapku nindu  bangku
tukur bajuku nindu  bangku
e pe nggo kutukur
seh warina malam minggu
sedeban i apelindu
www.sinabungjaya.com

23.     CINTA TERLARANG

mula mulana kita jumpa
minter kena ateku ngena
natap cirem ras pe tawandu
minter kel aku jatuh cinta

nggo ngena ateku kena
ndabuhna ku ate keleng
ersura aku maka kam teman geluhku

kenca tande piga bulanna
kita si rondongen duana
maka kubegi beritana
nggo kepe kena njabuken bana

rambung kepe jabundu
janda nindu la resmi
perban lenga lit nande biring surat ceraindu
nde nande biring uga nge ndia maka tengteng

adi sirang ningen nggo turah ateku keleng
adina terusken ningen kena kalak punana
e maka la gunana enda terlibat aku cinta terlarang

sada kel ngenca maka tengteng
sada kel ngenca maka payo
urusndu surat ceraindu maka resmi kena janda
nggo pe kam janda labo luntur ateku ngena 2x
www.sinabungjaya.com

24.     CINTA TERTUNDA

aku sekolah denga
aku sma denga
ula gia lebe turang
rayu rayundu karo

labo labo kam salah
ngena atendu aku
tapi tunda lebe turang
sabar kam lebe abang

asangken sanga erlajar
tapina kam ibas ukurku
asangken sanga ujian
tapina kam nge kubayangken

gara-gara cinta
lalap nilai lima
nerangken guru kubayangken senyumndu
hancur kel aku
keri sen buku gara-gara pulsaku

adi nggo pagi tamat
nggo ka lit dahin tetap
jeme kulajuntken turang
cinta tertunda abang

lanai padah pagi lamarndu
lanai padah i sungkunindu
kita erdemu bayu
www.sinabungjaya.com

25.     CIO CIO TERUH BULUH DURI

baba aku ma biring nindu
baba ndauh bandu aku turang nguda nindu
mama ras mami singolangi lanai bo banci kita ersada
kuterusken menda sura-sura
amin erkabeng min ndai aku
kabang ndauh, kabang meganjang nande nangin
kubaba kena lawes ndauh amin pitu deleng gia man mentasen
gelah ula sirang kita duana bage ateku
mehaga kel min ndai kegeluhenku
mehuli pengalo mama ras mami
geluh mesera agi dalanta sirang
ulan min ndai kita jumpa labo bagenda keri getemna
tersapu ten ten e ngandung pusuh e
bagi si cio-cio teruh buluh duri
kuakap erngaruh tangkel ate mesui turang nguda
aloi aku aloi aku
la kepe bias asamken lagu mehuli
talu sura-sura ibahan pemindo aloi aloi aku
www.sinabungjaya.com

26.    CIREM CIREM IA

bagendam kepe nanamna
dabuhi ate ngena
mela mela lapang ngerana
ersura sura lalap min jumpa

lit sada mama nanginna
mejile tuhu rupana
mbestang ia manis jelmana
mbacarka mehuli ia

cirem-cirem ia andiko seh kel manisna
tawa-tawa ia andiko bene kel aku
tergoda aku 2x
tergoda aku 2x

cirem ndu mama nanginku
cirem menggoda babandu aku
terbayang-bayang suari berngi

manis ndu bere karoku
semanis madu
babandu aku
melayang layang ku langit meganjang

bagem kepe jatuh cinta
nanam sira rasa gula
www.sinabungjaya.com

27.     CIREMNDU NGANDUNGKU

cirem-cirem kel kena turang
ngandung ibas pusuhku
tawa-tawa kel kena sayang
tengis ibas pusuhku

reff
kutatap kena ma iting
la terbanku ukurku
perbahan kena mesayang
singobah janji ma iting

morah ngemin teku morah
perban kena teku ngena
lakepe seri ukurku u…….
ras ukur kena ma iting

cirem-cirem kel kena turang
tangis ibas pusuhku
tawa-tawa kel kena sayang
tangis ibas pusuhku
www.sinabungjaya.com

28.     CIREM SI PERTAMA

cirem sipertama em dalan – dalanna
turah ateku ngena man turang nd biringna
tapi mbiar aku nuriken atekungena
perbahan la sibarina uga bages ateku ngena

*
ise nge banci ndia sipeseh aku ersura
gelah enggo ibanna gelarku i bas pusuhna
uga nge ningku bana nuriken pusuhku enda
entah pangen ngendia aku surut erpala – pala

page tukur bas juma terulang tading belopo
bageme ateku ngena entah labo ralo
sar – sari dukut isulu gundera adum cipera
gar – gari pe seh ku pusuh kena nge teku ngena
mulihken ku *
www.sinabungjaya.com

29.     CIRI – CIRI KHUSUS

terang bulan bas tengah berngi
nuri-nuri bage man bangku
lalap matawari erpagi-pagi
tersinget-singet tambah warina kita sirang
nande iting bere karona anak singuda
gedang bage bukna

ciri-ciri khususnya lesung pipitna
adi tawa senyum ia makaro tergoda

adi jumpa kena ras ia
peseh salam sayang ku bana
lalap lalap nge ia ku timai
amin na gia lenga pasti kuarapken
nande itingna bere karona anak singuda
manis ciremna

ciri-ciri khususna lesung pipitna
adi senyum ia hancur kel aku

nde oh nande itingku
begindu kin sora ngku rende
nde nande iting
dengkehken min soraku ngelebuh kena
ula pediat pusuh makaro tambah cedana
ula pediat pusuh makaro tambah getemna

tambari impal ateku tedeh
tambari nde iting ateku tedeh

nde oh nande biringku begindu kin soraku janah rende
nde nande nangin dengkehken min soraku ngelebuh kena
ula pediat pusuh makaro tambah cedana
ula pediat pusuh makaro nambah getemna
www.sinabungjaya.com
updt05012012

This entry was posted in Lirik Lagu Karo. Bookmark the permalink.

3 Responses to LIRIK LAGU KARO AWALAN “C”

  1. I LOVE this information! I have been researching this topic and I appreciate the hard work that went into this blog. I will be back very soon for more incredible information. Thanks again! Awesome Job!

    http://investorsedgeuniversity.com/blog

  2. Many thanks for your energy to have had these things together on this blog. Robin and that i very much loved your suggestions through your articles in certain things. I realize that you have a variety of demands with your program hence the fact that an individual like you took as much time as you did to guide people just like us by this article is also highly appreciated.

  3. rani says:

    apakah ada cord untuk lagu ini?

Leave a Reply to floridahomeinsurancequotes.com Cancel reply

Your email address will not be published. Required fields are marked *