LIRIK LAGU KARO AWALAN “M”

1.    MABA KAMPIL
Djaga Depari

enda gelem temanku simaba kampil
ate kami ngelegi kena
sendah ola kari kami la tampil
nande iting morah ateku 2x

adina ue nina nggo padanta
sipersada arihta duana
sendah tudung arapken bulang-bulang
seh tunggungna adi kita makeca 2x
mama tigan kusayangi
gelah ula kal tersia
gelah ula-ula aku la tampil
adi la tampil keri nge suina  2x

aku pe ue nge ningku sekali enda
ota berkat dage kita duana
gelah metunggung tatapen kalimbubu
gelah ersada arihta kerina 2 x
www.sinabungjaya.com

2.    MAIN BELAKANG

sirang madian sirang
madian sirang kita duana
putus madian putus
hubungenta
adina kena ma karo
adina kena nggo erpemuang
adina kena kaka nggo erpenulak

lanai bo ku morahi
gia aku itadingkendu
lanai bo ku tangisi
gia aku isirangkendu
enggo me padan turang
enggo me padan nde ribundu
enggo me pengindo mama iting
enggo me pengindo nde ribundu

orang tuandu turang uga pape la ia senang
adi aku teman temandu arih
kade-kadendu turang uga pape la ia senang
adina aku itingdu jadi rondongndu
madian sirang madian sirang kita duana
madian putus madian putus hubunganta

mejuah-juah mama iting
mejuah-juah ningku man bandu
sisalamen dage kita ibas akhir perjumpan enda
labo kam kusalahi gia aku itadingkendu
labo kam kutangisi gia aku main belakang kendu
www.sinabungjaya.com

3.    MAIN MATA

cirem ciremindu aku tawa-tawaindu aku
kai nge maksud kena
sereng-sereng kennndu aku
main matakenndu aku nggo kueteh ukurndu
ula bage karo la aku tahan
lakenca senang pagi mama ras mami
ula bage karo la aku tahan
la kenca senang pagi mama ras mami
nggo kin aku tandaindu
ja kin kita pernah jumpa tersungkun ukurku
makana aku rusur i tawa-tawaindu
mbiar kel aku banndu
ula bage karo la aku tampil
mama tiganndu turang kalak mesera
ula bage bayu la aku tampil
mama bere biringndu turang kalak perliah
nde nande karo ula kel aku i rayu kena
la kenca pagi senang bage mama ras mami
arah si e pagi dalanku bene
arah si e pagi dalanta sirang
cirem ciremindu aku tawa-tawaindu aku
kai nge maksudndu ena
sereng-sereng kennndu aku
main matakenndu aku nggo kueteh ukurndu
ula bage karo la aku tahan
lakenca senang pagi mama ras mami
ula bage bayu la aku tahan
la kenca senang pagi mama ras mami
www.sinabungjaya.com

4.    MALAIKAT PAGI IMBANGDU

pindondu sada nande biring
kubereken menda dua
epe kurangsa denga kusayangi
enggo keri sinasana
kubereken man bandu
kai denga kin sikurangna nande biring

kuperimbang nande ras bapa
kubuali kerina kade-kade
gelah erdemu bag eras kena
epe tadingkendu aku nde biring
epe I sirangkendu aku bere bayang

reff
nande biring, nande biringku
bualindu aku agi, tebu-tebundu aku
enca enggo keri sinasana, elokkendu aku  2x

bere bayang bere bayangku
la nge kam mbiar agi, pedah sepuluh turang
malaikat pagi imbangdu bas pengadi-ngadindu  2x

kembali ke reff
www.sinabungjaya.com

5.    MAMPA

ibas terangna wari e kujingkangken nahengku e
erjingkang la ertepeten la jine lit tujunna
erbena-bena perukuren si la erkedungen
tangkelen si lalit ndube duruna
mbiar-mbiar kel aku morah ateku
mampa kel pagi aku ibas perukurenku

perbahan later tampuk ukur si serbut e
sedekah kita lanai ersada duana

emaka mari-mari min dagena
mulih min gelah kena
pepalem ras tambari
ukurku gulut e alemi pusuh e nande biring

gundari agi maka nggo tergejap
kena nge kena kel ngenca
la kepe kam tersambari
alemi pusuhndu e nande biring
www.sinabungjaya.com

6.    MANGGA NGUDA

mangga nguda – mangga nguda adumna sira
ula sura-ula sura kita ngerana
ampar bintang – ampar bintang tengah berngi
ula pandang – ula pandang ateta jadi
bulung si kerah turang banci man tambar
ateku ngena nde karo kuja ku embar
buah kedondong turang buah parira
ate ngerondong nde karo
nggo kena cikal
mangga nguda – mangga nguda adumna sira
ula sura-ula sura kita ngerana
www.sinabungjaya.com

7.    MAJU MUNDUR

uga nge kam nde ribu ngerana pe merulut
atendu mehuli man bangku cakapndu lanai erluhu
perbana kena ngerana munjur maju
si mbegi pe kapsa nggo lucu
terudu ngerana terudu
kai pe belasindu
gundari biang tiknari kucing
mawen mawen kambing sung-sungen lembu
e me rusur banndu ngelebuh gelarku
nukur tempe pe atendu pindondu tahu
lang situhuna kam pe labo erluhu
rusuren lalar cakap si belaskenndu
tempa nge rusur pengeranandu
mbegi-mbegisa pe serbut tangkelenku
o o …. nande ribu …
o o …. nde ribuku
bage gia ningku man bandu
ula sangkut ukurndu
tukurndu dage isapku gelah malem ateku
gelah lanai kam kupandangi nande ribu
lang adi aku kena nge ibas pusuhku
www.sinabungjaya.com

8.    MANIS MANJA

ngena ateku ia anak mama si manis manja
tapi kendalana la senang mama ras mami
perbahan nggo itehna uga cibal geluh ku baba
salah nge ndia aku ngkelengi kalak si meraja
labo lit gunanana adina harta penggurun mata
mesera gia geluhta kekelengen ngenda situhuna
nde ginting oh nande gintingku … aloke aku …
mesayang .. sayang sayang kusayangi ue lah nindu
tuhu udah pepagi sada payung kita agi
tupung kam ngandong pepagi
lalap kumanja kena kutami-tami
mbelang nina juhar simbelang
kota medan inganku erlajang
pala-palana kita erteman
adi banci ulamin kita sirang
www.sinabungjaya.com

9.    MANIS PERKISEN

sayang bage nindu rusur ngelebuh aku
cinta bage jine ningku ngaloi kena
kita nggo bagi layang-layang ras benang
tempa lanai bo lit jine dalanta sirang turang ….
kerina kepe tading kenangen
tading me benang ban layang-layang
meruntuh kite dalanta jumpa
ue kenndu erdemu ras impalndu
gundari aku terbayang-bayang
menahang akapndu mbelasken sayang
la kusangka bage jadina
sia-sia cinta sayangku ndube
sayang nindu bangku tapi lit kang kepe tersayangen
cinta nindu bangku sada kam ngenca nande bayang tuhu cintaku
manis manis cakapndu manis bagi gula rehen perkisna
la gunana amin pe tangis
adi kena nggo lit empuna
kerina kepe tading kenangen
tading me benang ban layang-layang
meruntuh kite dalanta jumpa
ue kenndu erdemu ras impalndu
gundari aku terbayang-bayang
menahang akapndu mbelasken sayang
la kusangka bage jadina
sia-sia cinta sayangku ndube
sayang nindu bangku tapi lit kang kepe tersayangen
cinta nindu bangku sada kam ngenca nande bayang tuhu cintaku
manis manis cakapndu manis bagi gula rehen perkisna
la gunana amin pe tangis
adi kena nggo lit empuna
www.sinabungjaya.com

10.    MANTAN RONDONG

sedekah kena lanai ras aku
kinahun kena nirangken aku
lenga lit kuban sambar gantindu
sijadi tawar tambar tedehku
kuarken denga kena iting mulihi erkusur ukurndu bangku
terderh gia mulihi luka sanga kuidah
kam dua-dua seh kel mesrana datas kereta
ras ia sambar si atendu ngena
maka kueteh iting kam tuhu-tuhu lanai rondongku
la erkedungen arih-arihta mama iting sirang bage-bage saja
amin lanai gia tuhu banci ersada jumpa min kita sekali saja
gelah sidungi iting tandana kam enggo lanai rondongku
gelah sidungi turang tandana kam enggo lanai rondongku
la erkedungen arih-arihta mama iting sirang bage-bage saja
amin lanai gia tuhu banci ersada jumpa min kita sekali saja
gelah sidungi iting tandana kam enggo lanai rondongku
gelah sidungi turang tandana kam enggo lanai rondongku
www.sinabungjaya.com

11.    MANUK SABUGAN

ateku ngena man bandu
la tanggung jadina
kekelengen bas pusuhku
la tanggung bagesna

oh nande biringna …
nande biringku …
ija ija sumpahndu bangku
oh nande biringna …
nande biringku …
ija ija sumpahndu bangku

adina sirang ningen
seh kal nge beratna
adina ersada ningen
la kueteh dalanna

oh nande biringna …
nande biringku …
ija ija sumpahndu bangku
oh nande biringna …
nande biringku …
ija ija sumpahndu bangku

oh nande biringna …
nande biringku …
ija ija sumpahndu bangku
oh nande biringna …
nande biringku …
ija ija sumpahndu bangku

terbeligani kin pagi bintang-bintang i langit meganjang
pala lanai pagi tekuak manuk sabugan erpagi-pagi
bagem-bagem la ngasup mama karo e ngelupaken kena
bagem-bagem la ngasup mama karo e sirang ras kena
www.sinabungjaya.com

12.    MANUK SI BARO BARO

bagi manuk simbaru naper
kel i jagai indungna
kawalina teruh kabengna
ndekune man ia i mamahina
ndekune man ia i mamahina
kenca nggo me seh sibarna
tagutina menda anakna
serpuhina ras pelawesna
gelahna sirang bage kepe atena
gelahna sirang bage kepe atena
bagi manuk si baro baro
kin pengindongku padanku
adi ndauh dilo indungna
di kune ndiher mis kel i pelawesna
entah kin bagi buluh si punggur kecibalenku
butar pe labo banci rating penggarai
nggebuh nge pagi
man buluh pancur lah aku ibahan kena
gelahna banci ingan muas ras ngalah-ngalahndu
turang … senina … teman … ku kerina
kai nge kerina si engkelei aku
kam lah sijadi sima-simaku
www.sinabungjaya.com

13.    MASUK ANGIN
Tavip Tri Utomo Sembiring

tupung malam minggu ngenca nde biring
alo-alondu aku mesayang
malam senen seh malam sabtu
enem kalak kepeken rondongnndu
pepituken ras aku

lanai, lanai aku lanai mamak e
enggo kurang aku sorna man bandu
tape e pe rusursa talangi
lanai bo banci pagi ntebu
enggo masuk angin mesayang

perban sie nande biring morah ate
jena kena lebe kudarami sambarndu
oh, oh, oh perban sie kusayangi jadi ate
aku labo enggit man nakan mali – mali

buluh adi la rurat, lanai bo banci gedang
enggeluh la rorat, banci kena terbuang

lanai, lanai aku lanai mamak e
enggo kurang aku sorna man bandu
tape e pe rusursa talangi
lanai bo banci pagi ntebu
enggo masuk angin mesayang
www.sinabungjaya.com

14.    MAS BERLIAN

o turang, bagenda kiat enggo sirang
kuja kel aku, kuja inganku
o turang, bagenda kita enggo sirang
kuja kel aku, kuja inganku
o…… turang……….
dekah ku tadingkendu, lolah kel aku
serbut ukurku

lit pe pah-pah kututu
peltep tande ku labah mama ginting
dahinku. la ertentu
piah peltep nakan ku babah mama ginting

o…… turang…… kenca kita sirang
mampa kel aku ….. bene ukurku……
bereken pe emas berlian man bangku
lanai bo ateku malem turang  nguda….

lit pe jelma sideban sambarndu
lanai bo…. ateku malem kusayangi.
www.sinabungjaya.com

15.    MASAP

ula nai aku ingetndu ula nai aku singetken
nggo bias ateku mesui ula nai min i tambahi
lanai lit gunanana lanai … i arapkenndu kin pe aku mulihi
ranting si nggo i tutung jadi abu lalit gunana
pusuhku si nggo getem erban masap ateku keleng

ula nai padah morahi
ula nai padah tangisi
uga gia pagi si terjadi
bagem me turang si dalani

ningku pe ndube mama tigan
ula matandu lalap turang i penggurui
keri tebuna sampah i benterken
perban nggo lit rudang simbaru
mesui pusuhku karo nindu bandu
erkadiola turang nggo melawensa

tigan pola buahna kelto
atendu ceda gundari em ulihku bekasku noto
tigan ula ndekahsa ndele
lit nge pagi serpang turang dalan si tembe
lit nge pagi kukelengi jumpa nge pagi simeliasna
meriah nge pagi matiganku ibas masana ibas masana
www.sinabungjaya.com

16.    MATANDU PENGGURUNNDU                                                                                                   Malem Kerina Br Tarigan

ula bahanndu matandu penggurunndu
turang mama karona
enggo me kueteh uga isi pusuhndu
nande tigan morah atendu
aminna gia labo lit turikenndu
alu sora katandu
tapi kuidah arah lagu langkahndu
nande tigan jadi atendu
ku kahe ku kolu gia dalanndu
aku lalap bas pusuhndu
ku kenjahe kenjulu gia perlawesndu
aku tetap ingetenndu
atendu ngena nggom kuangka ma karo
bagi si muniken durin tasak
aminna gia sikap pembuninndu
bas sada masa teridah nge dungna
bas sada masa teranggeh nge dungna
www.sinabungjaya.com

17.    MATA TERPILUK

cirem la terciremken
tawa la tertawaken
pitpit la ter pitpitken turang
tarum nginget arih si la surung mama biring

piluk mata terpiluk
iluh mata teriluh
tunduh la tertunduhken turang
tarum nginget arih si la surung mama biring

turah pagi atendu tedeh
singetken gelarku ibas pusuhndu
turah pagi atendu tedeh
singetken gelarku ibas pusuhndu mama biring
www.sinabungjaya.com

18.    MATE ANAK MUDANA

tempa-tempa sayat sembilu
3 nanamna bas pusuhku
tandes tuhu suina getem kel menda cedana
ulah ulahndu nge ndube rikutken lagu langkahndu
dalan-dalanku bene magin pusuh si kubaba
penggaya-gaya honda gara
nduru kel mama mama gintingna
perban serpina ndube terlak kal matandu ena
tading menda mama itingna ndelis ku batang la cina
penggaya-gaya tua-tua mate me anak mudana
lebih-lebih kel suina rikut lebih kal melana
sedak pusuh kubaba ngindet kel ateku ceda
perbahan erta rupiah ngeluk kel ateku ngena
pengelako bapa-bapa tading tewas anak mudana
seumpana la lit penjara ku lembing kena duana
adi la lit hukum pidana kutampu kel kam duana
lepak-lepak kel ukurku la ngasup maba suina
enda di tading mama itingna perbahan honda gara
tading menda mama itingna ndelis ku batang cina
penggaya-gaya tua-tua mate me anak mudana
sedak-sedak kal ukurku la ngasup mbaba suina
perbahan serpina mbue terlak kel matandu ena
tading kal mama itingna ndelis ku batang cina
penggaya gaya tua-tua mate menda anak mudana
www.sinabungjaya.com

19.    MBABA KAMPIL
Djaga Depari

[dilaki]
enda reh temanku si mbaba kampil
ate kami reh ngelegi kena
sendah ula kari kami la tampil
adi la tampil keri nge suina
adi la tampil keri nge suina

[diberu]
adina ue nggo nina padanta
sipersada arihta duana
sendah tudung ngarakken bulang-bulang
seh tunggungna adi kita makesa
seh tunggungna adi kita makesa

turang nguda kukelengi gelah ula kal tersia
gelahna ula ula aku la tampil
adi la tampil keri kel suina
adi la tampil keri kel suina

[dilaki]
aku pe ue ningku sekali enda
ota berkat dage kita duana
gelah metunggung tatapen kalimbubu
adi ersada arihta duana

[diberu]
gelah ersada arihta kerina

[dilaki]
turang nguda kukelengi gelah ola kel tersia
adi la tampil kerikel suina

[dilaki]
enda reh temanku si mbaba kampil
ate kami reh ngelegi kena
sendah ula kari kami la tampil
adi la tampil keri nge suina
adi la tampil keri nge suina

adina ue nggona nina padanta
sipersada arihta duana
sendah tudung ngarakken bulang-bulang

[dilaki+diberu]
seh tunggungna adi kita makesa seh tunggungna adi kita makesa
turang nguda kusayangi gelah ula kal tersia
gelahna ula ula aku la tampil

[dilaki+diberu]
adi la tampil keri kel suina adi la tampil keri kel suina

[dilaki]
aku pe ue ningku sekali enda
ota berkat dage kita duana
gelah metunggung tatapen kalimbubu
adi ersada arihta duana

[dilaki+diberu]
gelah ersada arihta kerina
www.sinabungjaya.com

20.    MBERA ERKUSUR
Noel Pinem

nde risona penadingkenndu
nde lungenna bekas penirangkenndu
tertulih-tulih kel aku kerna arihta si ndube
terbayang-bayang aku lagu langkahta duana

a … a … a …
la … la … la ….

lenga bo sempat tande telu bulanna
penadingkenndu geluhku terjelpa-jelpa
erkadiola kel aku ho …. ngata sirang man bandu
erkune-kune pusuhku ho ….metersa nge rananku
mbera pagi erkusur ukurndu nande tigan
gelah si ulihi arih-arihta si ndube                                                            www.sinabungjaya.com
21.    MBIRING MANGGIS

tangtang jumpa aku ras kena
tangtang ngerana ras mbiring manggisku
bagi nipuko aku senembas
gagap kel aku erbelas bandu
o mbiring manggisku…

perban sangkutna ukurku bandu
bagi lau mbelin mbura ku pusuhku
em dalanna ku lambiar-mbiar
nuriken kata surang-surangku
o mbirin manggisku..

reff
o turang…. o mbiring manggis ku… ooo…
mbiring-mbiring seh kel tebunaa…
mbiring-mbiring tambah jilena
mbiring menggoda cirem tambah ngenana
o mbiring manggisku…

mbiring-mbiring tambah jilena
mbiring menggoda cirem tambah ngenana
o mbiring manggisku..

kembali ke reff
www.sinabungjaya.com

22.    MBUAH PAGE
Djaga Depari

palu me gendang landek kita ras rende
sada pengodak pengole notoken wari mejile
maka mbuah ko page mbuah ko page
maka mbuah ko page mbuah ko page

palu me gendang landek kita ras rende
sada pengodak pengole notoken wari mejile
maka mbuah ko page mbuah ko page
maka mbuah ko page mbuah ko page

payo me nindu dage tuhu me nindu dage
gelah meriah erjujung meriah nutu kulesung
gelahna lit dalinta pulung pulung metunggung
pulung metunggung turang pulung metunggung
www.sinabungjaya.com

23.    MBUESA PANTANGEN

akap kalak aku sombong
ban kerina i larangndu
la banci bagah la banci bage
ula ras ia ula ras si e
ho …. o … serana
ntah man kai lah pe ngerondong
nggo terkurung aku banndu
la banci ku jah la banci ku je
ula pake ah ula pake e
ho … o … latihna
aturenndu e nggo mberatsa
tempa aku nggo terpidana
kam jelmana lalap curiga
la pe terbukti nggo i dakwa
la gia padah ngerondong
adi mbuesa pantangen sori turang oh sori
aku ula nai deher banci dengan pagi kita milihi
ma karo ma iting ma tigan ma nangin mama biringna
keleng pe atendu ula min kerinana i larangndu
ntah man kai lah pe ngerondong
nggo terkurung aku banndu
la banci ku jah la banci ku je
ula pake ah ula pake e
ho … o … latihna
aturenndu e nggo mberatsa
tempa aku nggo terpidana
kam jelmana lalap curiga
la pe terbukti nggo i dakwa
la gia padah ngerondong
adi mbuesa pantangen sori turang oh sori
aku ula nai deher banci dengan pagi kita milihi
ma karo ma iting ma tigan ma nangin mama biringna
keleng pe atendu ula min kerinana i larangndu
www.sinabungjaya.com

24.    MBULAN LA MENTAR
Kristian Milala

simbulan e  pe turang
labo kuakap mentar nande karo
kunekal pagi mesayang arih-arihta mosar
suari pe turang , labo kuakap terang bere ginting
kunekal pagi mesayang pusuhndu erpenulak

reff :
kenange ngenca turang kira-kiraku
kena nge ngenca turang ibas pusuhku
mbiar aku turang atendu lahang
mbiar aku turang arihta sirang

bungke rembang pe turang
melam kuakap nanamna nande karo
kunelah rembang turang kita tumbuk dalanna

simbulen e pe turang, la kuakap bentar turang
kunekal  pagi mesayang arih-arihta  mosar
www.sinabungjaya.com

25.    MBULU MATA

ercermin aku ku kaca
kuidah ndabuh sada mbulu matangku
kubuat kutama kutanku
ise ndia si rate tedeh man bangku
mama iting bre karo
kena nge ndia jelmana
si nderbih tengah berngi
reh kam bas nipi

reff :
mama iting kusayangi, aku pe tedeh ateku
enggo tande bulan, lanai pernah jumpa
ndigan nge ndia warina, kena mulih ku kuta
lanai aku ngasup, nahan-nahan tedehku
adina tuhu itingku, tedeh atendu aku
gugur pe bulu mataku, enggo me malem ateku
www.sinabungjaya.com

26.    MECEK PUSUH

la kurang sabar aku radumken kena agi
kugengken kel rusur mecek pusuh
ngidahngidah lagundu e puas kel aku tebu tebundu
tapi bage aku ka nge si kena ling
ranting meratah pe agi
adi rusursa i sagani
merara nge pagi dungna nande biring
melemuk medate pe aku
adina lalap i tokohindu
sekali merawa pagi aku sengget kel kena
adi makan hati kel aku segedang wari biring
piga wari nari la retap sarapku e
teriluh kel aku suari berngi agi
piga wari nari nge la ersibar kesahku e
emaka gar-gari lah pusuhndu kacai peratenndu
lit denga nge ndia si mehulina
terus terang saja nande biring
mama gintingndu labo ngasup
adina la perobahindu lagundu e
www.sinabungjaya.com

27.    MEDAN BANDUNG

medan nari nge ndube ku kota bandung
inganta ndube jumpa duana
cirem-cirem kel kita bage duana
nde tawa-tawa meriah ibas ukurta

*
kusungkuni nge ndube beru babanndu
isungkunindu kel turang merga kubaba
sibetehen nge dungna aku ras kena
labo erturang agingku orat tuturta

bis karona oh agi nde jadi saksi
sangana kita duana ndube erjanji
enggo setahun dekahna kita la jumpa
nde japa ndia agingku kena gundari

ku *  dst

nande karo nande karo ateku ngena
bere ribu bere ribu ateku jadi
nande karo nande karo ateku ngena
bere ribu bere ribu ateku jadi
www.sinabungjaya.com

28.    MEDAN JAKARTA BANDUNG

kenca sirang kin ndube ras nande biring
lanai bo lit kuidah diberu bali ras ia
enggo ser-ser kota medan jakarta bandung kusiar  2x
lalit kujumpa bagi ia perkelengna

tah lanai bo lit sinambari pusuhku luka
ntah lanai bo pagi lit singalemi ateku ceda
nande bayang nande biring bagepe ras nande nangin  2x
ntah labo banci bagi ia metamina

ooo angin sirembus kusikken dage man bana
man nande biring sienggo ngobah bas aku nari
mama iting ijenda rate mesui
ngamburken iluh suari ras berngi

enggo gia kam erpunalak nangdangi aku situdalkenndu
enggo gia kena lawes njabuken bana ngelokken janji
mulih kam kukuta baba dage sambarndu  2x
beru apaipe enggo kuakap kam nande biring
www.sinabungjaya.com

29.    MEDU

ula tambur-tamburindu turang
ukurndu medu nandangi aku
bas penatapndu ras kin pe rananndu agingku
payo tuhu nggo me kuangka

ula tempah-tempahkenndu turang
atendu keleng nandangi aku
tambah-tambah kepe kuakap suina agingku
rindih-indih kepe menda ateku ceda

belasken turang kata pusuhndu
ula perturah-turah
turiken turang atendu lahang
ula erbuni-buni

nggo lolo dahin kudahi
nggo murde geluh kubaba agi
perban arih-arihta lanai bo tembe
nggo arih-arihta lanai bo tembe
www.sinabungjaya.com

30.    MEDU SISADA

medu medu aku medu kena merawa
medu medu aku medu kita rubat lalap
pediat pedia aku sisada
ketimbang aku ndengkehken kena merawa

medu medu aku medu kena kuidah ngerondong
medu medu aku medu kena rido sisada
pediat pediat aku sisada
ulakari lemas lemas daging kuenda

riahen sisada ah…..
darami rondong m…..
sibanci metehsa isi pusuhku  2x

terjanji terjanji saja ma biring
kita lakap jodoh duana
ula ula ula paksandu nangindu
gundari aku lanai rondongndu

nande nangindu enggo medu medu ras kena
bere itingndu nggo medu medu sisada
nggo jadi medu medu gundari
www.sinabungjaya.com

31.    MEGEMIT                                                                                                                        Cipt. Sinar Ginting

lit sada anak perana adi rupana seh kel tampanna
mbiring mbiring manisna
cirem cirem menggoda erbahan tigan terdaya
adi jelma bali ras artis India
oh andiko seh kel jilena
sitik kel pe lanai bo lit man pandangenna
pas kel bagi benang-benang raca
pas kel bagi benang-benang raca
oh andiko ma iting enda
banci nge nura aku man kena
atan atan nge ndia
tampil tampil nge aku nandangi mama itingku
ih andiko di la surung aku man bana
lanai kueteh uga man bangku
bagi megemit kuakap penggejapennku
suari berngi aku terbayang
kuakap kin pe tampil nge aku
la gia aku bas pusuhndu
gia tiganndu la diatendu
lalap nge kena bas pusuhku
kataku e nggo kata tuhu
ku ukurken nge durma dagingku
gelah aku man bandu
kai pe nindu man bangku lanai bo kena ku togan
singetar e kin pe entebu ngenda ningku
adi bekasndu mbere bangku
perban jadina ateku
malem ate nde tiganndu
oh andiko ma iting enda
banci nge nura aku man kena
atan atan nge ndia
tampil tampil nge aku nandangi mama itingku
ih andiko di la surung aku man bana
lanai kueteh uga man bangku
bagi megemit kuakap penggejapennku
suari berngi aku terbayang
kuakap kin pe tampil nge aku
la gia aku bas pusuhndu
gia tiganndu la diatendu
lalap nge kena bas pusuhku
kataku e nggo kata tuhu
ku ukurken nge durma dagingku
gelah aku man bandu
kai pe nindu man bangku lanai bo kena ku togan
singetar e kin pe entebu ngenda ningku
adi bekasndu mbere bangku
perban jadina ateku
malem ate nde tiganndu
www.sinabungjaya.com

32.    MEJUAH- JUAH
Djaga Depari

mejuah-juah kita  kerian nande bapa mulia
rikut ken tuah sangap karina nangtang singalah-ngalah
rikutken tuah sangap kerina nangtang

ibas kita pulung pulung metunggung arihta pe ola rayung
singuda denga ras simetua nangtang kerina rogana
singuda-nguda ras anak perana lampas jumpa atena ngena

nampe rejeki bage kini malemen bage
nese mesui ate ras kitik ukur bage
ngayo tendinta njujuri Dibata berena sangap man banta
ngayo tendinta njujuri Dibata berena sangap man banta
www.sinabungjaya.com

33.     MEJUAH – JUAH TANEH KARO SIMALEM

taneh isuan mbuah page peranin
si ngiani ras si erlajang njuah-juahen
em toto kami oh taneh karo kekelengen

*
mburo pusuh meteh rayatndu jumpa tuah
rikutken sangap ras dolat rejeki pe tambah
em sura-sura oh taneh karo taman pusuh

gia kai kin si bentasindu pagi
mis gelah mara nilah biak siliah
nese sinipi gulut kerina
mirpirilah bulung simalem-malem
gelah jumpa ate malem
nandangi kerina si ni i gem-gem
taneh karo simalem
ooo taneh karo ooo taneh simalem
mejuah-juah … mejuah juah …

kembali  * dst
www.sinabungjaya.com

34.    MEKATEP DOR RUSUR

putusken saja mama karondu nangin
adina lalap kel aku sakitindu
la sekali la duakali sayangku
mekatep dor rusur aku bualindu
mekatep dor rusur karo bahanndu
adi hpndu pe dua banndu nomorna
lit ka simpati lit ka banndu mentari
si e kerina agi banndu nebu-nebu dilaki
ceda kam kari dekku lanai terpehuli
sakit kam kari sayang lanai tertambari
marpar merap bintang bas langit meganjang
pangen nge serap asangken makaro terbuang
adi kin asamndu rupa mejile saja
sahun kam pagi lasam terbuang
adi rupandu dekku sitik pe la kupandangi
agnes monica pe jilen kuakap kena
salahna sitik dekku lagundu ena sayangku
mekatep dor rusur aku bualindu sayang
mekatep dor rusur mama karo sakit bahanndu
www.sinabungjaya.com

35.    MELAWENSA
Jusuf Sitepu

enggo melawensa kam mulih nandangi aku
aku lanai sigel-gel e nande nangin
enca ndube tadingkendu aku mbarenda turang
kudarami sideban sambarndu

*
kai nge ndube si erbahan maka bagenda
ateku mesui kel ngenca i tadingkendu
gundari aloken aku mulihi karo nindu
enggo melawensa kam erkata angingku

labo ndube salahku
labo ndube lepakdu
pengindo nge erbanca
maka sempat jadi bagenda

kembali ke *
www.sinabungjaya.com

36.    M E L D U S

la kel kena agingku
nadingken mama biringndu
mehuli kel ndube janjinta
kena kel pagi bangku teman nggeluhku

tapi gundari oh turang
nggo sontar kerina arihta
kena singosari rakutna
erbanca enggo meldu janjinta

oh … agi … kai kel salahku
mesayang … kai kel lepakku
i bualindu kerina janjindu
alu rananndu nande karongku
bisa ranandu enggo lese ibas pusuh peratenku

mulih mulih gelah kena
kutimai kel rusur agingku
i ja kin ndi inganndu
makana banci kam ku jumpai
www.sinabungjaya.com

37.    MELKET SIMECIHONA

mulih mulih kam turang
mulih nge kaka simehulina
ukur ise dilaki siapai nge nake
la getem ngukuri lagundu ena
morah nge min ateku persirangen enda
ngukur-ngukuri anak nggo mbelin ia mbabasa
bicara pegedang kin pe kuakap nambah getemna
piah mate rukur pepagi aku ngukuri kena
enggo teranggeh si bunikenndu
gia telu ciket i tanemkenndu
enggo teridah si tamburindu
gundari nggo lebe-lebengku
nggo melket si meciho ndube nde karo
erbuni-buni gelemi sedekah enda
sirang-sirang madin sirang
maka lanai kam erbuni nokohi aku
www.sinabungjaya.com

38.    MEMBAS – EMBAS
Djaga Depari

kuidah kenca kena ngodak membas-embas turang
lanai kel siat pusuhku natap sinembas
natap-natap daging kena enggo mbelin timbas turang
la kuukuri ari turang aku la atan
nangdangi kena o impal beru singumban

reff.
entah salahkin gia kena adi kusungkun
kena nge min ari turang adina sahun
ula min nembeh turang adi kusungkun
adina nembeh madin la sahun, madin la sahun

e kunangkihi kel bage deleng simole turang
tangkas teridah kel bage sikuta male
jadi ateku man bandu lanai bo teralang
kena nge min o impal man permen nande
ue min nindu o turang makana jore

kembali ke reff  s/d akhir…. terakhir ke reff saja.
www.sinabungjaya.com

39.     MEMORI DANAU TOBA

terbayang kal aku rusur nande iting
sangana kita gawah-gawah ku danau toba
si boncengen kel ndube kita duana agingku
ngalur-ngalur tekongen pasar si gedang

terpaksa kita erberngi teruh cemara
perbahan mogok kerentanta la terpekena
sitatapen kel ndube kita duana agingku
mbayangken merawa pagi mama ras mami

la kal ndube kusangka minter kel kena lupa
lawes kel ndube kena njabuken bana
lenga tande bulanna kita mulih i danau nari
erjabu kam ras pilihen orang tuandu

piahna tading me aku termampa-mapa nanginndu
bagi nurung pulahi i tengah mbal-mbal
gundari ma nanginndu berkat erlajang
kutatap tare turang lawit simbelang
mulih-ulih kel kuinget kenangen masa erteman
sada berngi kita duana i danau toba
www.sinabungjaya.com

40.    MEMORI PAJAK SINGA

adi kuinget sanga erdahin i Pajak Singa
seh kel tutusna la ban riah ndube ateku
perban cedana ndube ateku penadingken mama biring ndube siateku jadi
perban sangkutna kal pusuhku pengelokken mama biring ndube si ateku ngena
reh sekalak nunggah ukurku si mama ginting
i turikenna atena ngena nandangi aku
labo dalih bage ateku … mbera keleng aku atena bage ateku
mbelin kel ndube pengarapenku
mbelinen denga kisahku ras sangap encari
endam kepe endam jadina
adi ngayak-ayak ateku ngena ndai
kugengken rate mesui biring
kugengken aku sirang iting
lanai aku erdahin bas Pajak Singa ndai
emaka mari mama tigan mari mama karo
apai nge ndia kena si rutang pusuh
tambari dage pepalem pusuh nande nangin enda
kena nari ngenca tambarna
maka nggo malem pusuhku si nggo ceda
si nggo ceda ndube adina banci ula nai i cedakenndu
si nggo ceda ndube adina banci ula nai i cedakenndu
www.sinabungjaya.com

41.    MEMORI SAMPRI

tigan berkat aku nindu ku pulau batam ndarami asamta nggeluh
tutus erlajar bage me ningku rikut iluhndu mambur
tunduh kel kena nande karoku bas ampunku e …
3 tahun nggo dekahna aku tadingkenndu jadi supir sampri
i kirimkenndu surat erdemu bayu
si kualoken arah supir raunku
lesung pipitndu e naring si kubayangken mate me aku
la bias wari terang e …
kita si tatapen
la bias wari gelap e …
kita si rondongen …
endam jadina kekelengenndu
adi la surung kena man bangku
kuinem scoth e ku sapu tentenku e ngelupaken kena
gambarndu e naring nande karongku jadi kenangen
www.sinabungjaya.com

42.    MEMORI TERMANIS

mbue kel memori man inget ingeten
ras mama karo siateku keleng
tapi kenangen si la terlupaken
kune kuinget gagap ku pusuhku
sanga kita ku pantai Biru mbarenda
ras kita ridi-ridi
mulihna Sembahe nari mbarenda
kena udan kita datas kereta
tapi genduari kita sirang ndauh
perban la senang ndube bibi bengkila
suruhna kena erlajang ndauh
gelahna kita lanai banci jumpa
kam tading i pulau Batam karongku
aku tading i kuta
uga nge siban arihta mesayang
tertimai nge ndia kemulihenndu
mama karo adina banci kenang ateku
jadi teman nggeluhku
bere iting adi la banci si kupindoken
terang min bahan katandu
gelah kueteh erbahan perdalanku ho … o …
asa gegehku kam kuarapken suari berngi
kenang man timanku
adi la padan nina pengindo
labo ku pindo arih-arih lolo
kerina memori antara kita
em kujadiken memori termanis
www.sinabungjaya.com

43.    MENEK- MENEK TENDINGKU

bulanna januari e me bulan kesirangenta
pasu-pasundu ras erdemu bayu
em tandana kita nggo sirang
lanai banci ersada

bulan na januari
bulan terang gelap man bangku
siang ayondu ras perbulangenndu
tangis aku mamburken iluh natapsa kena

gundari turang nggo mbelin anakndu sada
tapi ma itingndu lalap ngenda sisada denga
kuinget kenca kena nanginku
minter kel kumat pinakitna pusuhku
asa gundari lalap la masap menek menekna tendingku
asa gundari lalap la masap menek menekna tendingku
www.sinabungjaya.com

44.     MERAH JAMBU

oh .. jilena tawa kenca ia
tambah manis lesung pipitna
oh .. timbasna hitam manis kulitna
baju biru seh kel tunggungna hoo…

la medu-medu aku natapsa cirem tawana
ise nge ndia seringkena kujenda la kutahan pejumpa mata
oh tergoda la kugejap piah kudeherikuperkuanken ia
sihitam manis nd tiganna kepeken ia

terbayang-bayang kel aku rusur
terbayang oh adik sayang
terarap arap ibas pusuhku ndigan denga kita jumpa
pedempa ngerana kerna jilena uruk gundaling
gelah banci kutatap asa puasku cirem tawandu

manisna seperti gula gulanya si gula merah
merah nasi merah jambu .. jambunya si jambu air
si air mata, matanya si nande tigan
nande tigan pande main mata
www.sinabungjaya.com

45.    MERAP SI MARPARNA

tebu tengguli e karo sitik pe lanai nambari
pagit pusuhku e bayu mbegi rampekna cakap bibi
sitik pe la kusura padanku nge ndube nggeluh mesera
e labo bujur ari adi mesera geluh lanai banci aku rate ngena

cike sea bayu nari cingke sea baling baling
erdire iluhku mamburen karo nggo me surung nde ribu tading
merap me si marparna bagi cingkeru i paspasken
la terjingkangken nambah gedang tuhu labo terjaka langit meganjang

kena si kuarapken nambari luka sedak pusuhku
uga makana gundari kena nambahi pusuhku ceda
bekasta arih nge ndube maka sidahi bibi bengkila
i kapitindu cakap bibi i pebelangndu kepe dalanku tading

ah nggo mena karo uga nge ukurndu ena
anjar anjari sitik nggetemi pusuhku enda
ah bias mena karo uga nge ukurndu ena
nahang nahangi sitik bayu tangkelen ribundu enda
www.sinabungjaya.com

46.    MERDANG MERDEM

berkat kam ndube mama karo
berkat kena ngepari lawitna simbelang
ula sangsiken nande tiganndu
tetap setia kutimai asa kam mulih
ja pagi musim ateta tedeh
tupung tunduh pagi kita jumpa bas nipi
ula kel turang mata teriluh
adi nggo jodoh jumpa kang kita mulihi
merdang merdem kutanta
pusuhku seh kal lungenna
je min ndai ma karo ndai nina ukurku
aron singuda-nguda krina anak perana
mehamat pengodakna erlayas perlandekna
ndigan nge turang si kena mulih
nggo telu kali kerja tahun i kutanta
tedehku enggo tertindih tindih
ibas pusuhku kena nge maka malemna
mulih kam mama karo mulihlah
begiken nde tiganndu ertenah
o . o . o mama karo tedehna
o . o . o bas pusuhku lungenna
www.sinabungjaya.com

47.    MERPATI DUA SEJOLI
Sudarto Sitepu

kita duana sayang, lanai bo banci sirang
pas bagi kerbo, sada nioga
aku ras kena sayang, lanai bo banci sirang
bagi merpati dua sejoli

ya.. ya.. ya.. ya.. ya..
la lalalalalala
sayang aku pagi sayang
metami la aku merawa

kune muas kam pagi, aku sinunggahisa
adi melihe, aku nulangisa
adi latih akapndu, aku singalunisa
muatndu tunduh pagi, ku nina bobokken

ya..ya..ya..ya..ya
la lalalalalala
sayang aku pagi sayang
melias, beluh kunami nami

kembali ke awal sampai terakhir
www.sinabungjaya.com

48.    MESERA PE LA DEM

lanai tergar-gari ise si salah
ibas arih-arihta nggo pulah
bage kel percikna kuban rakutna
tapi sibiakndu ngosarisa
lanai bo kurang-kurang ma gintingndu berjuang
tapi endam ulihna gundari aku nggo sahun terbuang
lanai terbelinken ateku tutus
nandangi kena nande biringku
teridah kel ndube aku la beluh
perban la jore babanku nggeluh
siarapken mama ras mami kalak terpandang kelana
ija nge mbera tudu jumpaken aku mesera pe labo dem
lang adi aku kenang ateku agi
jadi pematang bas geluhku
la lit sideban selain kena agi
ateku ngena bas pusuhku
tapi lalit dalanku atan
perban mesera pergeluhku
ibelinkenndu atendu lahang
perban mesera pergeluhku
perban itingndu mesera pe labo dem
perban itingndu mesera pe labo dem
www.sinabungjaya.com

49.    MESERA TAPI MESRA

[diberu]
karondu labo mata duiten nanginku
nuan ate morah salu rupiah
kini bayaken banci icari mesayang
emas ras permata banci sukati

sikuarapken bas kena kekelengen nanginku
teman senang ras susah
gia geluhta mesera asal mesra

ukurku labo bagi emas imitasi
sepuh luntur kadang tading kawat
asal kam tetap pagi setia nanginku
tiap berngi kam ku kuning-kuningi
ngasup nge aku ku juma ntah peerpajak pagi
gelah ersada arih-arihta
gia geluhta mesera pasti mesra

lapedah seh kutimur tengah
dalanndu gawah gawah
kuta tengah pe ukurku nggo meriah
lapadah seh ku cina kita turis nanginku
nuan cina pe ngasup nge karondu
uga nge kata sorandu aloi aku nanginku
sada kel ngenca pemindonku
gia geluhta mesera asal mesra

[dilaki]
aku pe labo ngayaki harga nande karo
nande ras bapa pe perjuma-juma
cirem manisndu hancur kel aku sayangku
baban si mberat jadi menahang
asa geluhku pagi kam kutami-tami
asal kita saling setia gia geluhta mesera pasti mesra

[diberu]
lapedah seh ku timur tengah babandu gawah-gawah
kuta tengah pe nggo ukurku meriah
la padah seh ku belawan babandu dalan-dalan
bukit lawang pe nggo ateku malem
uga nge kata sorandu aloi aku nanginku
sada kel ngenca pindonku gia geluhta mesera asa mesra
sada kel ngenca pindonku gia geluhta mesera asa mesra
www.sinabungjaya.com

50.    MILASI LUBANG TABU

lanai terukurkenku kai harusna bage ku belas
cibalken kata guna pepalem ateku ceda nde tigan
sebab kueteh turang apai pe kita labo ersalah
bas perjumpanta agi tantang ndabuh ku kesirangen bre biring

kuinget nge kerina lagundu mehuli nandangi aku
e kel erbanca maka lanai ku ngasup ngelupaken kena
sebab kugejap turang situhuna kam pe atendu morah
kelbung simbages agi kel nge kepe kerina dalan-dalanna

gundari kita nggo sirang turang meldus kel nge kerina pudun janjinta
ateku ceda e kukelengi ntah lanai bo terpilasi mesayang
gia terpilasi agiku bagi milasi bayu si lubang tabu
kune pilasi bere biring nambah cedana tigan nande tiganku
www.sinabungjaya.com

51.    MILIHI RUPA

kututuri singuda-nguda tuhu meganjang matawarina
kuturiken ateku ngena tapi ia milihi denga
perbahan mejile rupana meciho pengenen matana
lanai ukurina metua daging babana

tuhu merim si bulung pandan
tapi terjeng man perhiasen tuhu mejile
rupandu ena tai terjeng mantatapen
bagi bunga pelaminen bagi bunga pelaminen
kepeken kena ngayaki harta milihi rupa
adi pegawai tami-tami ndu
kalak bayak ayakindu

adi permakan si nungkun kena
la kita sebanding bage kel nindu
ula kam pagi nande iting bagi ndurung karaben
kai ibas durung e tamaken kerina ku taduken
milihndu e ula pagi bagi milih-milih tebu
ukurndu e nge pagi erbansa atendu mesui 2x
www.sinabungjaya.com

52.    MINAK AIR MATA DUYUNG

ngayak2 ateku ngena keri me sinasa litna
lolo dahin kudahi gelah jumpa ras kena, nd biringku                                                                gia perik lalap mburoi tapi aku lalap merdu medang
nuanken ateku ngena mbera turah atendu keleng man bangku

merampek ranan si enterem ibas tedeh ateku kena la kudiate pe
meganjang bide-bidena kurumah mama e pe ku tingkahi
minak air mata duyung adumna sada rimo mukur
kusebut gelarndu erkelangken guru si baso

gelahna ue bage ningkena
gelahna tudu arih-arihta
aloken aku nande biring si bage aku
uga si litna bas aku bage me bandu
www.sinabungjaya.com

53.    MISTIK TENDA BIRU

singuda-nguda mejile sada
kuasna bukna rupa megara
adi suari akap merara tupung berngi bali ras nona
ipakena bajuna erwarna-warni

lima inchi kapal bedak lipstikna
selebritis kepen kurang tunggungna
bagi boncis la lit ajek-ajekna
wari jumat tiga jumpa mbaba tomat nde sada raga

perengge-perengge metitiksa sitawarena man soal erga
parang belin anak mudana nina buganna
ngodak-nodak kusimpang tatapen juma
lalit angkena nandangi sangkep nggeluhna

serpi melumang sukaten sada pertama
tuak sada teko tama raru laterturiken uga nanamana
mistik si tenda biru angke-angke perban riahna la ernina-nina
tambah reh nina kalak sila ngukuri
mbar beritana segedang-gedang wari
je ringan dayang-dayang pengobral cinta
www.sinabungjaya.com

54.    MONCE

nggo gia kena monce
ningen sumpah si ndube
kutimai kam ngayak mate
perbahan kena nge jine

lape-lape tendingku e
ku timai kam ngayak mate
kutatap deleng meratah
kutulih page megersing

enggo gia pagi ndekah
ukur tigandu tetap mesikel
nggo gia kena monce nginget sumpah si ndube
kutimai kam ngayak mate
www.sinabungjaya.com

55.    MORAH

morah tuhu-tuhu nge morah
bage ateku nandangi kena
tedeh lalap pusuh metedeh
enggo terpaku gelarndu bas pusuhku
tersinget singet teman sada kutanta
nambah getemna ibas pusuh kubaba
nginget arihta bagi sawit linggarung
lanai-lanai terjabab aku
kai nge ndube rongketna ibas arihta
lanai-lanai terturihi aku
bagi nurihi nenang si nggo serbut
deleng sinabung ras sibayak eme sijadi balengna
amoi bandar baru em sijadi klelbungna
em kelang batang dagingta
pangkat harta doni em singolahi arihta
rupangku si la meparas
dalanku tading agingku tading bas kekelengenndu
oh nande biringku dengkehken sorangku
lanai ku ngasup bagi layam bahanndu
oh bere karongku tinggelken sorangku
lanai ku ngasup bagi layam bahnndu agi
lanai-lanai terjabab aku
kai nge ndube rongketna ibas arihta
lanai-lanai terturihi aku
bagi nurihi nenang si nggo serbut
deleng sinabung ras sibayak eme sijadi balengna
amoi bandar baru em sijadi klelbungna
em kelang batang dagingta
pangkat harta doni em singolahi arihta
rupangku si la meparas
dalanku tading agingku tading bas kekelengenndu
oh nande biringku dengkehken sorangku
lanai ku ngasup bagi layam bahanndu
oh bere karongku tinggelken sorangku
lanai ku ngasup bagi layam bahnndu agi
oh nande biringku dengkehken sorangku
lanai ku ngasup bagi layam bahanndu
oh bere karongku tinggelken sorangku
lanai ku ngasup bagi layam bahnndu agi
www.sinabungjaya.com

56.    MORAHKU

tergejap pengkelengindu aku bas geluhku
bagi sentaktak lau siberi kenndu bangku
ibas pusuhku

arih ersada tiganku
padanta pagi nge nindu
adina padan la termorahi

aku la erkadiola jumpa ras kena
tapi banci kin kutangisi bekas pengelokendu
nande tigandu
adi padanta kin nge la ersada kita
piah lanai bo termorahi

kam bayu bagi rudang rudang ibas geluhku
rudang jile-jile ibas pusuhku
adi jumpa ras kena ma karonngku
tapi la sempat denga erbunga rudang-rudang sikusuan
kena nggo lawes bre biring nadingken aku
mesui pusuhku ras morah ateku penadingkendu
mesui pusuhku ras morah ateku pengelokkendu
www.sinabungjaya.com

57.    MOSAR REMPUNA
Satrawan Tarigan

gia aku gundari ibuangkenndu
gia aku gundari itunggalkenndu
nggo seh sura-sura orangtuandu
siatena ndube agi nirangken kita
nggo seh sura-sura kade-kadendu
siatena ndube agi ngosari rakut arihta

*
la kubegiken makaroku kerina katana
siatena ndube kaka nirangken kita
[ bage nge nindu agingku bage man bangku
mbelasken janji dingen ersumpah ] 2x

tapi gundari la kal kusangka agiku
rakut arihta mosar rempuna kusayangi
si ngosarisa erta doni
kurang metami nge tempa aku man bandu
perban serpi lalit bas aku nde itingku
geluhku tempa la ersima-sima penadingkenndu

bage gia turi-turin kegeluhennku
bage gia padan erta tubuhku
la kulasamken nande pendidongkenndu
la ku persoken bapa kam bapaku

mulihken ku *
www.sinabungjaya.com

58.     MOTOR GIRING GIRING

enggo rulut serbut motor giring-giringku
ukurku bandu oh nande karongku
lawes kukahe ceda busina
lawes kukolo ceda rodana
mbiar kel aku agi tading arah lebe

enggo kuangka oh..nande gintingku
ukurndu bangku oh meget-megetku

sikalak bayak ngena atendu
kalak perpangkat ayak-ayakndu
adi direktur ari aron tami-tamindu
di kalak bayak ari turang man ras meden
kam ibahandu
kalak perpangket ari bayu
ibas gelar pujiken kalak
adi direktur turang itami-tamina
itami-tamina

matawari ndabuh ari turang
bulan purnama si nerangisa
di bulan ndabuh agi
bintang simelep si nerangisa
ise pe beluh ari turang
ise pe banci
ise pe beluh

mesera nggeluh kubaba ate mesui
la erngadi-ngadi
melenget meriso turang sikita sirang

enggo rulut serbut motor giring-giringku
ukurndu bangku oh nande karongku
sikalak bayak ngena atendu
kalak perpangkat ayak-ayakndu
adi direktur ari turang tami-tamindu
www.sinabungjaya.com

59.     MOTOR SINABUNG JAYA

enda de pasar malam oh nande karoku
kel nge i  pancur batu, o turang metami
la enggo nembeh
enda de terusenna kel ndube agi,
enda terusenna ku berastagi

aku pe enggo mamang o bere gintingku
mamang kal ateku bangku turang
nande karo bere ginting
sada kena ngenca, turang mesayang
sada kena ngenca tambatten pusuh

bage gia, timaikal aku oo sinabung jayaku
ikutkel ateku sada, ikut ras kena bere gintingku
kota medan nari ku kabanjahe  2x

bage gia ola tadingken nande karongku
ikut  kel ateku sada, iku ras kena morah ate
adi kune tadingkendu mama biringndu,
kuja dengan pagi bere karondu.
www.sinabungjaya.com

60.      MUAS TERUH SAMPUREN

muas gia aku teruh pancur siwah e
bage pe labo dalih turang gelah ras kena
ayak-ayakndu jam 12 berngi ku meja bola e
taruhken aku ku rumah abang sayang nindu man bangku

ayak-ayakndu aku tengah berngi e
ras kita ku rumah kaka nguda nindu man bangku

adi la ku rumah mbiar aku ceda
adi ku rumah mbiar aku mami
uga kal nge ku bahan bangku
talang labah e nande ginting alo-alo aku

tenah kenndu aku rusur tiap malam jumat e
i Medan bapa mama karo nindu man bangku
ayak-ayakndu aku rusur reh ku meja bola
ras kita ku rumah mama karo nindu man bangku
mombak gia pagi aku bas namur pagi-pagi e
bage pe labo dalih turang gelah tami-tamindu

adi kurumah arah ture njulu
bonggal kepe ture kenjahe
uga pe la tengteng nande ginting

suruhndu aku ku rumah malam jumat e
i Medan bapa abang sayang nindu man bangku
ayak-ayakndu aku jam 12 berngi ku meja bola e
taruhken aku ku rumah mama karo nindu man bangku
muas gia pagi aku bas pancur siwah e
bage pe labo dalih turang gelah tami-tamindu
www.sinabungjaya.com

61.    MULIH KAM SAYANG

mulih kam abang sayang,
mulih kam mama nangin
bage me ndube nina isi suratndu
nuruhsa si aku mulih

mulih bage ku kuta,
bage maka ku mulih nande biring
bage maka ku mulih bere bayang

ngarap kal aku mbarenda,
tedeh atendu man bangku
maka suruhndu, suruhndu aku
mulih ku kuta

de picet kin pe dahinku,
lanai kal ku ranaken
gelah jumpa kal aku ras kena, bage ateku

reff
sehkal aku senggetna
enca enggo seh aku i kuta
megi berita teman-temanta
kena enggo njabuken bana

ras ersada dilaki eme timbang layangku
em naluken aku nande biring
em naluken aku kusayangi

pusuhku si ceda e, iluhku si mambur e
eme luahku reh ndahi kerjandu
tatap dagena aku, sisalamen dage kita
sekali nari muat sirang e nande biring
sekali nari muat sirang e kusayangi
www.sinabungjaya.com

62.     MULIH MALAYSIA NARI

enggo ndekah kita la jumpa
tande tahunna kam nadingken kuta
lawes ku malaysia

tertima-tima nande ribundu
ndigan nge ndia mulihna ku kuta
malaysia nari

terarap-arap tertulih-tulih
terbayang- bayang man mama biringku

mulih dage kena mulih kam kukuta
aku labo ngasup ndekah ertima
mulih dage kena mulih kam kukuta
aku labo ngasup sirang ras kena

terarap-arap tertulih-tulih
terbayang- bayang man mama biringku

tertima-tima nande ribundu
ndigan nge ndia mulihna ku kuta
malaysia nari

terarap-arap tertulih-tulih
terbayang- bayang man mama biringku

mulih dage kena mulih kam kukuta
aku labo ngasup ndekah ertima
mulih dage kena mulih kam kukuta
aku labo ngasup sirang ras kena

terarap-arap tertulih-tulih
terbayang- bayang man mama biringku
www.sinabungjaya.com

63.     MUNDUR OPE ERTEMPUR

gundari nggom ku oratken
kam lalap la terarapken
man jadi teman
dingen sirukat nakan

si enda labo perbahan
aku erpemuang
tapi perbahan
orang tua ndu la senang

reff:
tanggung gia nggo tanggung
nggo me ola kam ngandung
arihta sirang
lanai bo terpegedang

makana aku mundur
ope lenga ertempur
maka bage
perban aku rukur

siapul-apuli pusuhta si enggo ceda
sisempul-sempuli pusuhta si enggo gara
ragi-agi ragi-agi ragi-agi gia ate mesui
lanai bo ndalihi lanai bo ndalihi segelah kena bahagia
www.sinabungjaya.com

64.     MURAHENSA

erpagi-pagi sikita jumpa
ije ndube kita ngerana kenalen duana
pengeranandu cirem tawandu
minter erbenget bagi kita nggo ndeher erteman duana
e bagi tempa jodoh tupung berngina
i pasar kaget salu la sengaja jumpa mulihi

jumpa bualta kikik tawata
erbahan cian akap jelma kerina
kita lanai perduli
sada cakapta tudu janjinta
pepagina si bahan me janjinta
jumpa i plaza
uga benana lanai kuingetsa
tapi ijem me ndube iturikenndu atendu ngena

tuhu kel turang sengget pusuhku
mbegi kerina rayuan mautndu si belaskenndu
dua wari denga turang telu kali jumpa
nindu sama dengan turang ate ngena
lange murahsa nge ena

sya la … la … la …
sya la … la … la …
www.sinabungjaya.com

65.    MURO PERIK

[dilaki]
Deleng sinabung babo mardingding…
Pulo-pulona page megersing…
Singuda-nguda kel ndube si peranisa…
Anak perana kel nina singangkatisa…
Wayah-wayahe nina sorana…
Wayah-wayahe turang sorana muro…~

[diberu]
Di kuta payung mama ture-turena…
Mbue tomatna nina nggo terberita…
Kena anak perana kel ndube singangkatisa…
Kami singuda-nguda mbarenda simutikisa…
Ha..ha..ha..ha..ha,nina sorana…
Ha..ha..ha..ha..ha,turang sorana tawa…~

[dilaki]
Tiga binanga turang singalor lau…
Tualah sirulo pulo-pulona…
Kami anak perana sinangkihisa…
Kena singuda-nguda kal ndube simumahisa…
Tek..kesar..ketum,nina sorana…
Tek..kesar..ketum,turang sorana ndabuh…~

[diberu]
Ije melala mesayang batang bengkuang…
Banci jadiken man amak mbelang…
Anak perana nge ndube simuatisa…
Kami singuda-nguda mesayang simbayuisa…
Ser..ketikeser,nina sorana…
Ser..ketikeser,turang sorana mbayu…
www.sinabungjaya.com

66.    MURTA IBAS KARMA

gelah pagi nggo tehndu biring nde biringku
lit pagi masana pegancih kita tawa
gia genduari bangku banndu mamburna cuka
ula kam pagi murta ibas kerehen karma

tempahndu ateku mesui sontarkenndu si nggo jadi
la i gejapkenndu tangisku e pe lanai terbegi
tading aku nggo tadi si tatap nge kita pagi
ula kam pagi murta ibas kerehen karma

gia lupakenndu janji-janjita mbarena sanga i duru kuta nde biringku
dalani lah dalanndu lanai bo ku usur-usuri
sikuarapken siding perliah maka lanai kel kam kuidah
lanai bo ateku morah labo tersepuh besi si matah
lalit gunana ku entur lingling aminna gia aku nggo tading
www.sinabungjaya.com
up26122011

This entry was posted in Lirik Lagu Karo. Bookmark the permalink.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>