LIRIK LAGU KARO AWALAN “J”

1.    JAGA KELENGI TANEH KARO

nggo menda mbelang nahe jingkang dingen natap
pernah aku jumpa kuta bage taneh karo
kerangen si mbelang ras delengna meratah
ingan rubia cigagat ras perik cinep

penading nai-nai nari nggo mbar kel beritana
kuta tane karo eda deh kap jilena
jelmana mekacar erpendebi merari
la lit si sombong-sombong mehuli metami
o taneh karo karo kuta mejile

ula rabi kerangen kutatanta inganku mesantan
ula melketi mata lauta em uluna geluhta
si jaga si kelengi kutatanta enda
www.sinabungjaya.com

2.    JAMAN MELAYANG
Samudra Ginting

singuda nguda gundari
gendek kerina bukna
adina lit kerja kerja
ndarami bulang ku tiga

reff
endam laguna anak perana
erjile-jile suari berngi
suruh ku juma lawes ku tiga
bedak ras gincu ikapalina

lain ka anak perana
gedang kerina bukna
adi lit kerja  kerja
ndarami bulang ku tiga

reff
endam laguna anak perana
erjile-jile suari berngi
suruh sekolah lawes erjudi
nande ras bapa itokohi

kalak lawes ku bulan
kita lawes erlajang
endam jaman melayang
daging kertang terutang  2 x
www.sinabungjaya.com

3.    JANJI AKU

tuhu-tuhu kal ateku ngena
payo nge ateku jadi bandu biring
la ku buali la ku persoken
ibas pusuhku kena inget-ingetenku
suari ras berngi

tersungkun-sungkun nge lalap pusuh
ise nge ndia nde biring punana
tandes tatapen mata natapsa
tawa ciremndu seh kel nge manisna
ngena ateku kena

tuhu berngi kenca nde biring
mata la mbera tunduh
uga nge kubahan mbuat ukurndu
gelah alokenndu aku
jadi rondongndu
jadi temanndu aku … teman nggeluhndu

janji aku bandu nde biring
la nggo kam pagi ku rawai
kusayang kumanja tep-tep wari
em perban kelengna ateku kena
em perban jadina ateku kena
www.sinabungjaya.com

4.    JANJI LUKA
Usman Ginting

begi la begi sorandu kusungkuni
kai kel nge sebabna kutadingkendu agiku
kai nge kel dalanna la tendu aku aginku
ku baba radumken getem-getem  ateku jadi
kubaba kerina ranandu si rutang
bagi si erdalan aku ibas bagesna kubang
teridah kepe gundari sibunikenndu mbarenda

nangdangi ia nande biring
sada timbang karoku talu kel, aku
padanku tuhu padan
si kegeleuhenku la kel bagi siarapkenndu
janjindu tuhu janji

suina suina
melana melana
suina suina melana-melana
www.sinabungjaya.com

5.    JANJI MATAWARI

mejuah juah pemena kata suratndu
mulihlah kena nande nangin bage kel nindu
la itehndu uga kecibalenku
mambur iluh sedak pusuk ngoge suratndu

reff
dua bulan la kubalas suratndu
labo erkusur ukurna bage ateku
la kueteh kena nggo erjabu
ras impalndu pilihen orang tuandu

rudang-rudang i bas geluhku nggo
ngobah janji  bas aku nari
la ndube lit si nepati janji adi la kin matawari

i pasu-pasu ndube kena mama iting
mehaga tuhu kerja adatndu kusayangi
kalak terpandang iting ndeharandu
la kel bali ras aku nande nanginndu
www.sinabungjaya.com

6.    JANJI – JANJI PALSU

men kai nge ndube
ranan ndu manis Tiganku
adi isina bali ras pegu

mehuli kel tuhu
rusur janji ndu Tiganku
tapi janji-janji palsu

aku nge ndube tempa rondong ndu Tiganku
tapi sideban ingan nehenndu
medate gia rusur ranan ndu man bangku
adi date date sembilu

aku i tokohi ndu
aku i buali ndu
aku i permainken ndu

i ue ue ndu
la i ikut ken ndu
mesui-mesui ibas pusuhku

dareh gia iluh ku mambur Tiganku
tapi totongku mehuli bandu
sangaplah kena njabuken bana Tiganku
mbera akupe kudat sambar ndu

la gia merupa mesera gia geluhna
gelah kelang pagi atena
si beluh nami-nami melias metami
mbera malem teku mesui
www.sinabungjaya.com

7.    JANTUNG HATI
Sudarto Sitepu

seh riahna ukurku
adi nggo jumpa ras kena
ndubem kena kudarami
turang nande karona, jantung hatiku

pertawandu perciremdu
oh andiko seh jilena
bene kal aku nde karo
adi lakin man bandu mama biringna

cirem min kena
adi cirem kena tambah jilena
cirem, cirem, cirem min kena
nande karoku   buah baraku

senyum min kena
adi senyum kena tambah manisna
senyum, senyum , senyum min kena
bere gintingna, jantung hatiku
www.sinabungjaya.com

8.    JANUARI I PADANG BULAN

sanga aku sisada
kuinget mama iting si ateku tedeh
taruhkenna kel ndube
muat ku lawes berkat ku perlajangen
januari, januari i padang bulan   2x

enggo tande tahunna
nande tiganndu tading i perlajangen
la sekali, la dua kali
kukirimken surat ateku tedeh
suratku…… suratku…. la ibalasndu   2x

reff
la ………kin nge ingetndu
muas kita tukurndu kelapa muda
cirem…..kita duana ulanai sirang
bage ndube arihta
januari……. Januari….. i padang bulan   2x

mama iting gia ningku
lit denga kin nge siman arapen
bere karo gia ningku
entah lanai bo begindu sora pusuhku
aloi……. aloi…… nande tiganndu           2X
www.sinabungjaya.com

9.    JATUH CINTA

lit anak perana hitam manis jelmana
mbestang ka ia nambah jilena
kusungkun kel ia kai merga sibabana
mama biring kel nina bere itingna

em erbansa nande tigan enda
nggo tergoda nandangi kena ma biringku
la kinlah aku nggo melebesa
nggo melebesa bagi tanduk belkih aku ku kena

lit nge ndia turang ukurndu bangku
adi pusuhndu mesayang kam nge metehsa
tampil nge aku nandangi kena

bagendam nanamna adina nggo jatuh cinta
lape tawar mesayang tertuktuk denga
melabo salah nde tigan enda
me labo dosa turang teku ngena
www.sinabungjaya.com

10.    JILE – JILE KOBE
Kem Ginting

jile-jile anak perana
seluarna ngeskes, gelarna seluar jengki
atena kundul mimter suak kupudi
kuakap tabunna minter ia kuperidi

mela tuhu gundari maga-magana
ermama ermami lanai lit kehangkena
adi i lebe-lebe bapa ras nandena
lanaikal bo jagana standingna    2 x

reff :
jile-jilendu e turang, jile-jile kobe
tarun erjile-jile, piah dahindu nggo  murdai
jile-jilendu e turang, jile-jile kobe
tarum erjile , piah dalanna kam tading.
www.sinabungjaya.com

11.    JODOHE

kirim salam nindu man bangku
ipesehndu biring arah temanndu
malem pusuhku nde biringku
kuakap kin pe kena jodohku

tande dungna seh lima minggu
reh kena biringku reh ndahi aku
malem pusuhku itatapndu
ngarap tuhu kena man bangku

kualoken kena biring
kualoken kam sayang
nde tutus ate agi
uga kin pe tudu

bandu aku nande biringku kenaka bangku
bandu aku nannde biringku kenaka bangku
www.sinabungjaya.com

12.    JODOHNDU ENGGO IJENDA
Cipt. Junaedi Sinuhaji

[dilaki]
bicara aku ndai moran enda
kuikut-ikut kuja perlawesna nurung enda

[diberu]
bicara aku … ndai nurung enda …
nggo kuikutken kuja pe i baba moran ena

[dilaki]
bicara aku min ndai kawilna
nggo kusungkuni nurungna
kai nge umpanna maka panna

[diberu]
bicara aku ndai nurung enda
la pe umpani nggo me aku kena kawilina

[dilaki]
ndube nari kupernehen
terlolah-lolah kena rukur sisada
kai nge ndia tangkelenndu
entahna banci kari kusampati …

[diberu]
ndekah me aku tertima
ise ndia pagi teman ngerana
ceda ateku ceda
i tadingken turang ateku ngena

[dilaki]
ula atendu cedasa
ula atendu meneksa
lenga nge ndube jodohndu i bereken dibata
nurung si nggo kawili, e pe banci pulah ndega
jodohndu e banci ka nggo ndeher ijenda

[diberu]
mbera kari katandu ena bagelah pagi jadina
tunduh pe kari lanai bo matangku teriluh
tapina nina ukurku
bas lau pe kawilindu
i darat nge kari makana rulih kawilndu

[dilaki]
la mi re mi re do do la
la re do re do si si sol

[diberu]
sol re do re do si si sol
ho … ho …
ho … ho …

[dilaki]
la mi re mi re do do la
la re do re do si si sol

[diberu]
sol re do re do si si sol
www.sinabungjaya.com

13.    JOMBLO

ku ugur batang galiman kupilihi ndube buahna
simeratah sehnge piherena si megersing enggo erbernga
nggo rusur erteman-teman lalap la jumpa ateku ngena
nande nangin seh jegirna nde biring mbue rondongna
jomblo oh jomblo pangen aku jomblo
asangken lolo arih arih lalap lolo

sigik2 beras piari buah caba i paladuhur
ersuli tualah pirang kusuanken iteruh buluh
nggo keri bekas encari lalap la dat si bagi ukur
nande karo si mindo sirang nde tigan pe selingkuh
jomblo oh jomblo pangen aku jomblo asangken lolo arih lalap lolo

mbelang taneh kusiar-siar ndaram-ndarami sibiak tambar
pengalamen me kuban ingan erlajar
sekalak dingen bergehen dua kalak tempa ngisahen k
uja ndia tedehku e kuendesken
kitik2 waren mekisah pangen peltep asangken meruah

ahankenna nge ndube singantung buah
kitik2 mama ginting idah kalak metami dingen perkuah
apai nge ndia kena si rate morah
jomblo oh jomblo pangen nge jomblo ari asangken lolo arih lalap lolo
madin si sada pangen sisada agi asangken lalap jadi korban ate ngena
www.sinabungjaya.com

14.    JUMA LA ERBALENG

nggo melawensa nande biring si kita jumpa
kita duana lanai bo si gel-gel e
kena lanai bo singuda-nguda aku pe lanai sisada
rudang-rudang ateta ngena nggo lit bide-bidena

si nggo lewat kusayangi ibas geluhta
si man ingeten nge ngenca laman ulihen
kelengindulah perbulangenndu si biak ia seninaku
segelah jore pagi jabundu aku pe malem ateku

kuta buluh dalinna ku tiga lingga
mbal-mbal petarum simpangna kuta perbulan
ate tedeh mbelin kel nambah cedana
arih la sahun kam nge ndube si ngubah padan

ku padang bulan nande biring ula rusursa
ukur sisada banci nge salihna lima
pebelang juma la erbaleng man tatapen pulo-pulona
adi rusursa kam ndarat berngi erkadiola kam pagi dungna
www.sinabungjaya.com

15.    JUMPA BAS NIPI
Djaga Depari

sengget kal aku
mamang ateku ari turang
medak kal aku
i tengah berngi
berngi si mbages turang
morah ate medak kal aku i tengah berngi

cirem kal aku
megah kuakap ari turang
kuidah kena enjumpai aku
malem ateku turang
morah ate, medak kal aku i tengah berngi

tapi nipiku kal ngenca kidahken
kurigep kena awihndu kal ngenca kepeken
nde tumpatna ukurku e turang
nde turang nde turang mesayang

aloi aku sekali nari turang
uga katandu ajari aku o turang
www.sinabungjaya.com

16.    JUMPA FACEBOOK

arah facebook ndube bena-benana
sitandan nande tigan kita duana
suari berngi kita online saja
piah dahin pe lolo kerina

suntuk adi la chatting aku ras kena
nande tigan ateku ngena lanai bo dua
gia lenga pernah kita jumpa
tapi lebih kal teku tedehna

nande tigan … lenga bo pernah kita jumpa
ateku ngena man bandu lanai tersibari
apai ka adi nggo jumpa kai nge siterjadi
darehku e tigan
pusuhku e agi nggir-nggir bagi kirik tonggal
ngidan tigan ndigan ndia banci jumpa
ndigan agi ndigan kita sitatapen mata
www.sinabungjaya.com

17.    JUMPA MATA

tang-tangna kami jumpa jumpa mata
ras turang mama biring
sengget kel aku sengget pusuhku
ser ser nina darehku

dungna ertutur kami duana
beru kai kam dek bage nina
gagap kel aku ngaloi rananna
dag dug nina jantungku

oh andiko mama biring
senyumndu seh kel manisna
oh andiko abang sayang
kam seh kel beluhna menggoda
tergoda karondu aku tergoda
erbanca adekndu aku terdaya

seh asa gundari ku la lupa
nandangi ia mama biringna
cirem tawana terbayang i mata
mama biring tedeh ateku kena

seh asa gundari ku la lupa
nandangi ia mama biringna
cirem matana terbayang i manata
mama biring tedeh ateku kena
www.sinabungjaya.com

18.    JUMPA SAMBARNA

erkusur menda wari e
aku nimai sora pusuhndu
si kuarapken lalap la kel erbuku
si kudapeti tading awih nge ngenca

*
nggo enggo me sai kerina
janji cinta si belasndu nggo merintep
bagi perintep lau bas perpangiren
piah tersia kata si ni belasken

reff
ibas mosarna kerina arih-arihta
gundari reh me ia pepalem pusuh
si nambarisa cedana ateku
bekas penading arihta si erleka
salah kel aku karo lepak kel aku
kualoken me dage keleng atena
bas gelar Tuhan Dibata si erkuasa
kusasapken me dage kena ibas geluhku

mulih ku * ras reff dst

erkusur menda wari e aku nimai sora pusuhndu
si kuarapken lalap la kel erbuku
si kudapeti tading awih nge ngenca
www.sinabungjaya.com

19.    JUMPA SAMBARNA

meriah nge ukurku adi jumpa ras kena
nande tiganku….. bere karona
lalap la puas-puas aku natapsa

tuhu malem kel ateku adi cirem kuidah kena
cantik manisku……. bidadaringku
lalap la bosan-bosan aku ngidahsa

reff
ngena ateku kena kuja nge kuturiken
jadi ateku kena kuja nge kubelasken

o nande tiganku……, o bere karona
nggo jumpa tawarna tawar latihku
www.sinabungjaya.com

20.    JUMPA TEMPAT BIASA

biring ula i morahindu
aminna kita tading i kuta
kekelengen e seri kerina
perpangkat ia entah kujuma

adina teman e perjumpanna i tugu monas mesayang
adina kita bias me tugu kol saja
adina kalak perdalinna medan jakarta kukelengi
adina kita aji si empat kujuma raja

kalak ku puncak kita gundaling
ia ku ancol kita lau kawar
kalak ku bogor kita tahura
ia taman mini kita ku juma mami

e ngenca ngasupku agi
uga kata kena biring
adi ue nindu turang
jumpa tempat biasa agi
www.sinabungjaya.com                                                                                                                   up26122011

This entry was posted in Lirik Lagu Karo. Bookmark the permalink.

5 Responses to LIRIK LAGU KARO AWALAN “J”

  1. Definitely believe that which you stated. Your favorite justification appeared to be on the net the simplest thing to be aware of. I say to you, I certainly get irked while people consider worries that they plainly don’t know about. You managed to hit the nail upon the top and defined out the whole thing without having side-effects , people could take a signal. Will likely be back to get more. Thanks

  2. Lina says:

    Mejuah-juah….
    for admin, tau ga judul lagu yang liriknya menceritakan seorang cewek yang jumpa sama mantannya di pesta pernikahan teman mereka, dan ada kata-kata “turang ulanai aku ciremindu, masa lalu danci i inget sayang la terulihi”.
    bujur sebelumnya

  3. dianbangoen says:

    bujur admin..
    sangat membantu..
    mejuah juah..

Leave a Reply

Your email address will not be published. Required fields are marked *