LIRIK LAGU KARO AWALAN “I”

1.      IA ENTAH AKU

beluh kel kena nempatken kata erbahan aku terdaya
la kel kusangka la kel kuduga
sandiwara nge kerina
manis rananndu bangku melumat tuhu

tabas petetap ukurku
kena nge ngenca tigan nindu man bangku
sideban i temanindu

ngarap kel aku si pematang bas geluhku
tapi lit denga si ngolangi arihta
la terligen salang idah matangku
timbangkayo kenndu kepe mama tiganndu

bias nggo bias sandiwarandu
ula pegedang itingku
bias nggo bias permainenndu
pilih lah ia ntah aku
www.sinabungjaya.com

2.      IA ENTAH ISE

la terpesoken agi kerna uis sienggo male
amin pe mbaru nindu lalap tetap nge male
ula belasken karo adi ukurndu rate lahang
amin pe ngena nindu lalap bujur melala

lang situhuna teridahkenndu i bas pusuhndu
amin pe lalap lalit nindu matandu ngaku

reff :
maka putusken agi putusken bayang
ia ntah ise impal kami teluna sayang
siapai pe labodalih kami pilihndu
amin pe ia i pilihndu malem ateku
www.sinabungjaya.com

3.    IBAS KEMULIHEN

[diberu]
ibas kemulihenndu ma biring
ku alo alo kam turang
ibas kerehenndu pagi metami
kutimai kena mesayang

ndigan nge ndia arih arihta
gelah sidungi ma biringku
ndigan nge ndia arih arihta
kena nge ngenca timanku

[dilaki]
labo kam kutadingken agi
kena nge ngenca timanku
labo kam elokken turang
kena nge tamin pusuhku

ndigan nge ndia arih arihta
gelah sidungi mesayang
ndigan nge ndia arih arihta
kena nge ngenca timanku

labo kam kutadingken biring kena nge tamin pusuhku
labo kam ku elokken turang kena nge tamin pusuhku

[diberu]
ndigan nge ndia arih-arihta
gelah sidungi ma biringku ….

[dilaki]
ndigan nge ndia arih arihta
kena nge ngenca timanku

[diberu]
ndigan nge ndia arih-arihta
gelah sidungi ma biringku ….

[dilaki]
ndigan nge ndia arih arihta
kena nge ngenca timanku
www.sinabungjaya.com

4.    IBA SUINA
Narta Perangin angin

mesui oh nande mesui oh Bapa
bekas penadingkenndu e
bekas pengelokenndu e
lasam kuakap aku nggeluh
ban la ku tandai rupa ndu e

entah aku kin siliah
bagem nina ukurku
entah aku kin si salah
cibalku tubuh kin nge lepak
kenca aku tubuh ku doni enda
ije ka nge kunanami
lanai ernande bapa

keri kel suina oh nande
iba kuakap lengetna oh bapa
perbahan la nggo kubegi
sorandu erdidong e …
perbahan la nggo kubegi
sorandu erdoah e …

tupung tunduh lah gia oh nande
i tuduhkenndu uga kin ayondu e
i bas nipi lah gia oh bapa
i cidahkenndu cirem ras tawandu e
www.sinabungjaya.com

5.    IDIH MANISNA

idih manisna mama biring anak sintengah
idih jilena bre karo ateku ngena
nde aku mela penatapndu ser-ser nina pusuhku
nde aku mela ciremkena bene kal aku

yo.. oh… mama biring ula kal aku itadingkendu
yo.. oh… bre karo mbiar kal aku si kita sirang
nde anak mama kena atengku teman geluhku
nde adik manis uga katandu aloi kal aku

reff :
terang bulan ampar bintang aku terbayang
kuinget rusur mama biring aku tergoda
idih.. manisna
idih.. jilena
idih.. idih.. manisna
idih.. jilena
www.sinabungjaya.com

6.    IJA SALAH BENANA

kena si nami-nami
aku mbarenda nari
tapi na genduari
aku mama nangin rate mesui

lakel kueteh salahku
lakap kueteh lepakku
lawes kam turang nadingken aku
nde mama nangin suina e
nde bere iting risona e

mesui cit lateng e
mesui tading melumang e
tapi suin denga sedekah i sirangkenndu

kai kin ndia salahku
kain kin ma nangin dosa itingndu
turiken ma nangin lepakku bandu
ija bere iting salah banana
www.sinabungjaya.com

7.    IJA SAYANGKU NDAI

ija … ma tigan ndai
tedeh ateku kena
lalap kita la jumpa
oh turang ……….

tersungkun ibas pusuhku
ija …. kena sedekah enda
lalap kam la ngaloi
upah tendi nande iting

kutatap pe bulan meganjang
ijenge matanta erdemu
ngataken arih arih la sirang bere tigan
ngataken arih-arih la sirang bere ginting

ija ma tiganku ndai
tedeh ateku kena
lalap kam kudarami
sayang sayangenku turang
www.sinabungjaya.com

8.    ILUH MEGERSING

ertenah kena ibas mata kerjandu
ngataken kena enggo lawes ipasu-pasu
morah ateku rikut iluhku mambur
geluhku mesera nge erbansa aku tading  2x

kuinget kerina kita gawah-gawah ndube
tawa ras ciremlah ndube kita duana
gundari turang aku tading sisada
ngamburken iliu, iluh megersing nande itingna  2x

reff
lasamkendu janji sibelaskenndu
la ukurindu getem ibas pusuhku
bangku kena tigan nindu mbarenda
pantai biru jadi saksi kita erjanji  2x

mama iting tatap aku sekali nari
ope lenga kena berkat njabuken bana
bere karo ciremi aku sekali nari
makana malem-malem sembelah kel pusuhku e   2X
www.sinabungjaya.com

9.    IMPAL CANGGIH

mamang ateku tuhu kel mamang
anak perana gundari enggo lit punana
adi ngerana o nake she kal pantasna
nande bapana kel kepe itokohina

tuhu kel mamang, mamang ateku
singuda-nguda gundari jarang lit rondongna
temandu ndedah nande tigan pecanggih-canggih
rupandu mejile kel kepe ngenca asamndu

reff
tuhu kel mamang, mamang ateku iting
anak perana pe erdalan ras turangna
sierturangku pe bage si erbengkila
enggo meriah bualna ras si rebuna

jamannta enda enggo mekarus sa
ngerana ras mami lanai erkelang-kelang
singuda-nguda ras anak perana
ertutur kenca rimpal orat tuturna

o…… impal canggihku
e…… enggp payokal nake kena canggihsa
o…… impal canggihku
e…… enggo payokal nake kena canggihsa
www.sinabungjaya.com

10.    INGAN NURI – NURI
Junaedi Sinuhaji

adi nggo gelap wari e nande biring
nggo ku sundutna matawari
ije me pusuhku la terbuali
la terpersoken kena ateku jadi
kutatap ku bulan inganku nuri-nuri

nina pusuhku nggo gia mosar turang
kita lanai sahun erdemu
kuja gia pagi biak perdalan
seh sura-sura toto mama itingndu
ertenah kam pagi atendu kin erjabu

tading turang enggo tading
tading ingeten …
lasam turang enggo me lasam
kekelengenku …

nande biring adi uga pe sirang kita
padah kin ndai oratindu isi pusuhku

nggo me dagena agi la kepe banci kena kutami tami
ula tertulih turang ula tertima nindu sekali nari
www.sinabungjaya.com

11.    INGAN PUSUNG NDABUH

kutadingken  ingan pusuhku ndabuh
berkat me aku ndarami asamta nggeluh
gia pagi kita enggo pedauh-dauh
arihta tetap nge meteguh

piga tahun nari
gia aku erlajang
ula kel pagi sempat
ukurndu sambar

dahilah dahindu manjar-anjar
tading dapeten
ula kel sibangger-bangger

reff
ingan pusung ndabuh kutadingken
ingetenku nggeluh la terlupaken
ingan pusung ndabuh kutadingken
ingetenku nggeluh la terlupaken

timaindu lah pagi kemulihenku
gelahna pagi minter kel kita erjabu
bage kap nina rusur ukurku
ibas ingan pusung ndabuh kita erdemu

kembali ke reff
www.sinabungjaya.com

12.    INGETEN PUSUH

la kam terlupaken mesayang
ku inget kena suari ras berngi turang
erbahan aku la tertunduh turang
kena nge ‘ngeten pusuhku

o…bulan sindauh meganjang
peseh sitik tenahku bana ateku
tedeh-tedeh kal aku bandu turang
begiken sorangku rende

reff.
kubegi beritana nande karo
tedeh kal kena bangku
ingetndu kepeken aku

ateku keleng atendu keleng
lanai erleka o turang
enggo me pagi karo aku ras kena
lanai danci erdemu
enggo me turang…enggo me turang
ulanai pagi aku singetken
ulanai aku tenahken

sirang kita duana mesayang
em peraten tuhan dibata simada
tading-tading ingeten nari turang
ingeten la terlupaken
www.sinabungjaya.com

13.    INGET PAGI AKU

inget……… pagi aku
asa gedang geluhku
mama baying
gia kita lanai ersada bas peratihen
tapi kena nge lalap ibas ukurku

salah ……. Kel aku
adi sangkut ukurndu
bere biring
kutadingken kel kena ndube bas persimpangen
kuelokken kam turang bas dalan pinter

ulanai I morahindu kam tading e
aku pe turang labo la kulupa
ertoto gelahna kam menjuah-juah

ulanai ceda ukurndu kita sirang e
apusi iluhndu e layasi ukurndu e
bagem mama baying ula nai timai
bage bere biring ulanai ngandung
www.sinabungjaya.com

14.    ISABELLA
nggom getem pusuhku rate mesui agingku
kerna perbahanenku la sentudu bas ukurndu
nggom keri belas-belasku nami-nami pusuhndu
tapi lalap kena ertahan gelah kita tetap sirang

oh … isabella adi erdemu aku pepagi agingku
oh … isabella ras diberu sideban aginku mbiar kel aku jodoh la sembaba
oh nande biringku kena lalap ibas ukurku
wari-wari sikudalani agingku lalit kemalemen ras keriahen
oh turang nguda kena lalap ibas nipingku
aloi aku sekali nari agingku
gelahna malem pusuh kubaba                                                                    www.sinabungjaya.com

15.    ISABELINA

labo kap pernah lit ku gejapken
kekelengen si mehuli bas kam nari
labo kap pernah kudat ertina
ertemanken kena oh nande itingku

bage me lebe kerna arihta
sirang kita salu arih si mehuli
lanai bo pagi ateku morah (man bandu)
lanai pagi ateku tedeh

mejuah-juah oh turang …
mejuah-juah kesirangen
ula min lit si morah-morah
lanai kel lit si rate tedeh
ibas arihta isabelina ibas arihta isabelina
ibas arihta turang nande itingna
ibas janjinta oh bere karoku
www.sinabungjaya.com

16.    ISMELANA

ismelana mbaru denga tamat sma
aku nge lanjut ku jakarta bage nina
erpala-pala kel jine orangtuana
gelah ismelana kuliah ibukota nde

manuk babi lembu
idayaken gelah lit belanja melana
pepulung kade-kade ban meriah ukur iban kerja kitik-kitik
ajar pedah-pedah ibereken lako berkat ismelana

telu bulan ismelana i jarkata perkadeena pe lanai bagi sanga kuta
isemalena sitik kel nggo majuna adi sungkun ikut jaman bage nina
nde nde nde nde
buk si gedang mbiring ipangkasi bagi potongen buk dilaki
ayo simejile mekapalsa bedak nggo bali ras gara-gara
is melana gundari nggo gadis kota nina
nggo jadi gadis masakini nina
e maka suruh me ia landek ondak2

si mekelekna kel pinakit ismelana
cakap karo pebetat-betat na bana
(is is melana adina bagena
suruh pagi tersia pedah nande bapa)
www.sinabungjaya.com

17.    ISE NINA

oh nina oh nina gadis masa kini
oh nina oh nina pakendu bikini
singuda-nguda kuta lawes kupulau jawa bandung ntah pe ku jakarta
singuda-nguda kuta lawes kupulau jawa bandung ntah pe ku jakarta

oh nina oh nina gadis desa masuk kota
selop mambo nggo sambar jadi sepatu puma
ikuti menda jaman gelah ula ketadingen metal aku nina bana
ikuti menda jaman gelah ula ketadingen metal aku nina bana

taneh karo simalem seh bage dauhna
nande bapa ras teman seh bage dauhna
cakap karo lanai bo belaskenna
patam-patam sambar jadi lambada
kata bujur lanai bo belaskenna
hatur nuhun nina ngaloi kita

lima tahun nggo dekahna nina pulau jawa
mulih me ia oh nake sekali ku kuta
mamang ate bibina mamang ate bengkilana nina nggo menda metalika
mamang ate bibina mamang ate bengkilana nina nggo menda metalika

ula tendu mamang kila ula kam kebingungen
permenndu si gundari nggo ngikuti jaman
nggo gia sambar selopku sepatu puma
aku lanai i kuta kila aku nggo gadis kota
datanglah ke bandung kila datanglah ke jakarta
patam-patam nggo sambar jadi lambada
ndigan nai kam ku jenda permen
apa sih yang kila bilangin
kai luahndu permen
apa sih kil ngga ngerti gue

ih biangndu e kila mbiar aku karatna ka tena tiwenta ah
www.sinabungjaya.com

18.     IYAH MARI
Alan Dhani Sitepu

biring… o mama biring
ulanai monce ukurndu
mulai genduari nari
seh ngayak metua
kam ku kelengi

reff
biring… o mama biring
kelengindu pagi aku
ku kelengi kam pagi
malem ate orang tuanta

iyah dage, iyah oleken o teman …
ersada  ban odakta
man tatapen kade-kadeta
iyah mari jingkangken o teman
sipindo pasu-pasu
man senina kalimbubu anak beruta
www.sinabungjaya.com

19.     IYO-IYO JUMA KENJULU

enggo terulang yurang dalin kutiga
inganta jumpa ndube
enggo mbelang bage, juma kenjulu
juma aronta ndube

o turang metami
oh turang, turang upah tendiku
ndigan denga nge turang
tahunna siapai, kam man timanken turang

entah lanai kin bo lit
siman timanken
timan melawen-lawen

o turang metami
o turang o turang upah tendingku
uga kata sorandu mesayang
turang o turang bere biringku
entah lanai kin bo lit dalinta jumpa
entah lanai kal kin bo lit singenana

ula kal nise bage
lau ni inem, ni inem kena mama tigan
nindu turang
ula meturban pagi taneh idedeh
iperlajangen bere iting nindu agi

oh turang metami
oh turang, oh turang upah tendingku
www.sinabungjaya.com                                                                                                                         up26122011

 

This entry was posted in Lirik Lagu Karo. Bookmark the permalink.

4 Responses to LIRIK LAGU KARO AWALAN “I”

  1. ginting Merro says:

    mjj Mpal/senina

    lit kel ateku reques lirik… tapi la ku inget kai judulna….. si ngendekensa diberu
    bagenda sitik lirikna si ku inget

    adi jumpa ras mama karona… gule pe dawa melam nanamna
    tapi la kenca kita jumpa duana.. gula gula pe nanam pegu…

    angin si rembus nambah lengetna, kundul ertangkel aku sisada…
    nginget kerina ranan si belas kendu kena nge ma ka malemna nindu

    reff na

    gundari enda me kepe jadina….. bla bla bla….

    si rang kepe kita, lanai bo ateku morah

    gia aku tading… lanai bo ateku morah.. kira kira bage ia kurang lebihna….

    ras ija kira2 lit si banci download lagu (album ) aron ndoulu… e lagu ndekah.. kira2 tahun 92 an….

    mohon info ya.. pal/snina.. bujur

  2. Razali says:

    Tolong donk…
    Aku lagi nyari liriknya lagu2 karo yang di albumnya Perkede la meugogo. Nonstop..

    aku suka banget lagu itu, satu albumnya semua… Apalagi yang judulnya Icel-icel
    Kok ga ada ya disini? Kan huruf i

    Aku orang Aceh, jadi ga tau liriknya… Kalau bisa liriknya dalam dua bahasa, ada terjemahan Indonesia juga… Kalau adanya karo aja juga gpp.

    Dari sejak kecil sampe skarang masih penasaran ama lagu2 ini.. Seger banget dengernya.

    Terimakasih sebelumnya. Kalau bisa balas ke email saya juga biar ntar bisa kesini lagi. Situs ini nemu lewat google soalnya.

    razali.adam@gmail.com

    • admin1001 says:

      terrima kasih atas kunjungannya… dan siapa yang bisa bantu? khususnya seniman karo…bangga donk dari aceh senang lagu karo.biar kita lengkapi lirik lagu karo ini termasuk terjemahannya.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>