LIRIK LAGU KARO AWALAN “H”

1.        HABIS TEMPAT

pagi-pagi e agi berkat ka me aku encari
gelah ka me kari aku maka mulh
kudahiken juma la erbaleng e turang
kualuri me dage pasar si ngedang
totokenndu dage aku gelahna kari
maka mulih mesayang ulih encari

latih daging e agi tiap wari kunanami
sung ngisahen ije ka aku bergehen
tapi nginget cirem ras kelengdu e bayang
menam-menam latihku lanai ku gejap

melawen gia kari aku mulih agi
ula gia mis aku curigaindu
medalit dalin e si man bentasen agi
ula gia mis aku i jungutindu

adi lanai kam tek turang nandangi aku
si buktiken ikut-ikut pagi aku
bas motor e nge ngenca turang enterem penumpangna
ibas pusuhku kam kel ngenca habis tempat
www.sinabungjaya.com

2.    HAPUS SAJA NOMORKU

salah kirim sms ndu e turang
nggo terbukti curigaku sedekah enda
mama nangin nindu bangku bere biring bage nindu
labo aku katandu e nde karo

jumpa kita teman-temanndu
katakenndu au turang sipemerenndu
pernah kubegi katakenndu aku enda tetanggandu
mela kepe kam erteman ras aku

karo .. nande karongku
lanai padah siterusken
sope lenga aku ikatakenndu
maka au enda si ngian jumandu

sirang saja kita turang
dahi mama nanginndu
labo kuakap dalihna agi
lupaken mama itingndu

hapusndu nomorku ulanai simpanndu
anggap saja kita turang salah sambung
asangken pepagi rurat ate jadi
kudarami sideban jadi temanku
www.sinabungjaya.com

3.    HUKUM PIDANA

tangtang jumpa ndube aku ras kena ma nangin
ngarap kel aku kena anak perana denga
pengerandu rikut ras pertawandu turang
nokohi tempa kena lenga lit punana

piah ersura ukurku mperkuanken kena ma nangin
rikut nuriken kerina sura surangku mesayang
nggo me menang ateku
danci kuakap jadi teman nggeluhku

sebulan denga dekahna kita erteman turang
sengget kel aku mbegiken ranan temanndu
i turikenna kerina kerna cibalndu man bangku
paksana rayung gundari kepe jabundu

bene senembas kuakap jantungku e mama nangin
perban biarna kel aku hukum pidana bere karo
ku rondongi kepe nggo perbulangen kalak
banci tertuduh aku pengelako lagungku

adi payo si e kerina ma nangin surut me aku
robah lah kena ulihindu mbera jabundu
si nggo lewat kerna arihta sindube lupaken saja
kelengindu lah ndeharandu seninaku

enda tedehta si penggurui mama nangin
apusi saja gelah ibas pusuhta bere karo
cedana nari nge kita ersada
nggo melawensa turang si kita jumpa
nggo melawensa turang si kita jumpa
www.sinabungjaya.com

This entry was posted in Lirik Lagu Karo. Bookmark the permalink.

Leave a Reply

Your email address will not be published. Required fields are marked *