LIRIK LAGU KARO AWALAN “G”

1.    GADEKENDU ATENDU NGENA

i persokenndu atendu ngena ngayaki harta agi
i borohkenndu kekelengendu ngayaki rupa morah ate
perkalak kalak ndu kela aku ibas pusuhndu
jumpa pe kita melewas nari kam man bangku

kenca tergade atendu ngena i tukur harta agi
kenca terborong kekelengenndu luntur me rupa morah ate
erkadiola me kenma mulihi bangku
aloken aku mama tigan nindu man bangku

labo perkara la teku ngena
labo lanai ateku kena
labo perhana nggo lit kudat sambarndu
ateku ngena nandangi kena adi setali kin mbarenda
asa gundari ergana telu sen denga
nina ukurku madian aku bagenda
nina ukurku madian aku sisada

maka bagem nande ribu enggo me morah ate
kugadeken gia teku ngena
maka bagem nande nangin enggo me morah ate
ku gadeken gia ateku ngena
www.sinabungjaya.com

2.    GADIS CIREBON

pertengahen januari tahun si lewat
berkat aku nadingken bandara polonia
adam air bas awang-awang mbaba aku erlajang

*
sitik pe labo kusangka bas kemuhenku
kundul sekalak singuda-nguda ndiko jilena
senyumenna bagi madona
i ja ndia kuta kena

e maka kusungkuni kam mbelin i pulau jawa
enda denga kam mulih ku sumatera
kepe kena agi nde karo bebere jawa
bereken nomorndu nindu
reh lam kam nindu

gadis cirebon gadis cirebon gadis cirebon
kudahi nge pagi kena oh madonaku
gadis cirebon gadis cirebon
arihta nggo ersada lewat telepon

nurung bas lau acem bas deleng jumpa ia ibas belanga
surung karo kam ateku keleng sahun nge pagi kita ersada

kembali ke *  dst

gadis cirebon gadis cirebon kudahi nge pagi kena oh madonaku
gadis cirebon gadis cirebon arihta nggo ersada lewat telepon
gadis cirebon gadis cirebon kudahi nge pagi kena oh madonaku
gadis cirebon gadis cirebon arihta nggo ersada lewat telepon
gadis cirebon gadis cirebon kudahi nge pagi kena oh madonaku
gadis cirebon gadis cirebon arihta nggo ersada lewat telepon
gadis cirebon ………
www.sinabungjaya.com

3.    GAGAL USUR ERTEMAN

bias nggo me bias
usur kunanai gagal bas ate ngena
bias siateku ngena
piga-piga kali rusur ngaloken bisa
pusuh si nggo rusur terluka
lalap erbekas asa gundari
aku si pernah ndube terdaya ban ate ngena
lanai bo pagi aku tergoda cakap manis erbunga mbue bisa
nggo bias pusuhku ceda ban ate ngena
nggom kusura lanai erteman teman
nggom kututup mata pusuhku bandu
perban mbiar kel aku mulihi ate ceda
ho .. o … ho ….
hm …. m ….
ho .. o … ho ….
hm …. m ….
www.sinabungjaya.com

4.    GALUH TAMPUK TANDAN

o la bali nake, tuhu la seri teman
sukat-en si lit bas ukurta
sibar-sibarna nggo lit keris-keris  2x

*
kalak simusil kepe i persilahang ia
adi kalak bayak minter nge i pehaga
lenga bo tentu kekelengen e lit bas ia 2x

bagi galuh tampuk tandan kutimai-timai kena agi
sope galuh enggo selaten jelma sideban agi si ncigatisa

lapadah singuda-nguda tua-tua ras anak kuta
nggo ngadu-ngadu kerina man bangku
erjabu kepekenkena ras sekalak pengusaha nguda la kepe bali
oh andiko tading menda mama karona

agi la ndube aku tek man jelma singadu-ngadu man baku
entah ia singuda-nguda entah ia tua-tua bage pe anak kuta
em kepe dalannan aku tading agi
bicara kin galuh ndai galuh si tampuk tandan kang ngensa sibarku
e pe sideban kang si ncigatisa nggome agi
kubaba ateku mesui mamakaro e nge si nami-namisa
mejuah-juah dage kita duana

kembali ke *
www.sinabungjaya.com

5.    GAMBARNDU LAH GIA

lanai bo lit belas belasku
nggo keri bere karo siman turinken
merso kepeken kena nandangi aku
beluh kepeken kena mbuali aku

lanai terbabaku ukur kubaba
perban reh temanndu si nurikenca
nggo erjabu sayangndu ndai nina man bangku seh ku senggetna
nggo lua sayangndu ndai nina man bangku
adina payo kin turang kam nggo erjabu
sekali nari lah gia kam reh ndahi aku
pepalem-palem pusuhku si nggo ceda
adina banci suratndu lah gia banndu
adina banci tamaken sada gambarndu
gelah gambarndu e lah gia kupersada ras gambarku
gelah gambarndu e lah gia kupersada ras gambarku
www.sinabungjaya.com

6.    GAMBAR PASU-PASU

enggo ndekah kita la jumpa turang / kaka
enggo tande piga tahunna
lalap kuidah kena la mulih turang
ingetndu denga kin nande ribundu

ndigan denga si kena mulih turang
enggo musim ateku tedeh
adi la banci pedempak ayo biringku
ibas nipi pe labo dalih

rusur kel aku lolah sisada berngi e
nginget-nginget arih la tembe
kutatap rusur gambarta ibas dingding e
sanga kita pasu-pasu ndube

ndigan dagena si kena mulih biringku
gelah kueteh mesayang ngalo-ngalosa
ndigan dagena si kena mulih kaka
gelah kueteh biringku ngalo-ngalosa

reff
tedehku bandu lanai teralang turang
lanai bo tedeh sitedehen
adina nura ukur erbelas kaka
man ise pagi kuturiken

emaka mulih mulihlah kena mama biring
gelah sipudun janjita si lolo ndube
emaka mulih mulihlah kena kaka
makana sipesikap mulihi jabunta ndube
www.sinabungjaya.com

7.    GANTENG MANIS

ganteng ganteng
ganteng kam tuhu mesayang
manis manis
manis kam tuhu o abang
lapekubegi kena ngerayu
erdebet-debet minter jantungku
erdebet-debet minter jantungku

mbue gia anak perana mesayang
tapi lalit ateku ngena o turang
entebu sientebu gula
tapi manisen kuakap kena
manisen kuakap kena

sada kel ngenca kebiarenku
ola kel aku permainkendu
nande ras bapa la senang
aku la gentar
gelah arihta ola min mosar.
www.sinabungjaya.com

8.    GANTUNG LA RIKET
Sayuti A Lubis

ndee…tedeh kal ateku kena
ndee…tedeh pe ningku la erguna
bagi sinjaka galiman ngenca turang
niakap terjaka kepeken lahang

ndee…seh kal kuakap latihna
ndee…latih pe ningku la erguna
bagi sinimai perimbalang erbuah
kepe erbunga pe kape lahang

reff .
keri-keri arang ngenca turang
besi pe lalap nge labo tembe
ukurndu nge ndube erpemuang
dalin tading arah lebe

ndee…uga kal nge jadina
ndee…piah lanai lit duruna
kaling-kaling bagi bunga abang-abang
dat pe lahang kena tersirangken pe lahang
www.sinabungjaya.com

9.       GARA-GARA DADU

gelarna pe judi jujur itu dilarang
adila beluh nokohi … alamat la banci menang
kesah si keleng-kelengen duit sigarang-garangen
teman pe kali-kaliken
menangna la terkelingi taluna sinasa litna
menang talu kita rugi

reff
tatap tenda biru … ije me i pusing dadu
erkelang-kelangken sudu … banci sontar sada jabu
sorana si mata dua tikam me si telu juta ndarat lima e pantilna
gelah lit man tikamenken kai pe nggo me i borohken bungana 100 %
nggo keri ulih encari … gara-gara dadap judi
selang juma sada suki erkelang-kelangken sudu

gara gara judi lanai kueteh mehuli
gara gara dadu aku menam jadi duda

ku reff

gara gara judi aku pernah kena gari
gara gara dadu aku menam jadi duda
gara gara judi aku pernah masuk bui
gara gara dadu aku menam jadi duda
www.sinabungjaya.com

10.      GARA-GARA GANJA

gara-gara ganja gara-gara ganja
gara-gara ganja gara-gara ganja
oh anak peranangku lasam latih pengarapenku
ersia bage api bas tongkep oh buah barangku
nde …. anakku
gara-gara ganja gara-gara ganja

erpengarapen kel aku
seh pagi sura-surandu
erkedungen sekolahndu anakku
gelah lit nampati agindu e
nde .. tendiku

keri sinasalitna mela seh melana
sarjana pe la surung kena ku bas penjara
nde kel tendiku …
ntah nggo pangen anakku aku ndelisken bana
adi uga pe labo lit ergangku

gara-gara ganja gara-gara ganja
www.sinabungjaya.com

11.       G B K P

GBKP simalem enda
seh kel riahna turang senina
kujapa pe kita lawes ringan
ola lupaken

seh kel teremna jelmana
la lit simetuda ngerana
deba nggo ndekah lanai jumpa
lanai tehna tuturna

emaka laweslah gia kita
nadingken taneh karo simalem
ula lupaken GBKP enda
Yesus man cikapenta

ula lupaken GBKP enda
amin perdalinta gia gedang
labo perkade-kadenta sirang
nande bapa turang
www.sinabungjaya.com

12.     GAWAH-GAWAH KU TAHURA

bagi isayat – sayat kuakap pusuhku
nginget-nginget ranandu rutang man bangku
gia senang ras la senang pepagi orang tuanta
kita lanai banci sirang duana

tangis ngandung pusuhku natap-natapsa
inganta gawah-gawah mbarenda
dila ku tongging ku parapat,
ku tahura, lau kawar, ingan arihta ersada mbarenda

reff
tapi genduari turang, ingeten nari nge
tadingkendu aku mesayang, rate mesui
lanai me lit, siman timanken
lanai bo lit, siman arapen

kam enggo erpudun, kukelengi
ras sipilihen orang tuanndu
www.sinabungjaya.com

13.     GEJAPKE KUAKAP LATIH

sitik-sitik pangani perik
ahanken bangku sitik kari
gejapken kuakap latih kari
bekasku merdang ndube
gejapken kuakap latih kari
bekasku merdang ndube

si kena mulih tigan
dekahen aku lolah lolah asangken erdahin
dekahen aku lolah lolah asangken erdahin

lit nge siman arapen kena mulih man aku
si deban ia aloi sitik aku tigan
arah angin si rembus
aloi sitik aku tiganku arah angin si rembus

adina la kin lanai lanai lanai aku ingetndu bayu
gia meriso-riso
bagem kubaba baba baba gia meriso-riso
www.sinabungjaya.com

14.     GELAH IBAS TERANG

tantangna kita njumpa mbarenda
manis kel rusur ranandu nandangi aku
pas kel bagi tengguli ibahanndu
kena makaro maka malemna nindu

seh kal ukurndu biringku
nadingken mama karona
seh kel ukurndu sayangku
nadingken bere ribuna

gelah ibas terang e bayu
arih lolo luka ibas pusuhku
uga maka banndu bage jadina
erbahan aku nggo termampa mampa
uga maka bagenda kedungennna
tersia sumpah janjinta

luka ibas pusuhku
bekas penadingkenndu
man ise nge pepagi kuturiken ukurku
man ise nge pepagi kuturiken pusuh si nggo ceda e
man ise nari ho o …. man ise nari
www.sinabungjaya.com

15.     GELANG-GELANG

emaka ola, ola-ola aku gelangken
ari turang nande karoku
e sendah ola, ola-ola pagi aku gelangken
ari turang anak singuda

gelangken kena gelah ku datas deleng sinabung
gelah je nari kena kutatap turang
enda kutatap, kutatap deleng sinabung
ari turang morah ateku

tangkas kubegi sarudung erdoah-doah
ula kutadingken, ula kutadingken o turang
disahun kenca , sahun kenca arih la jore
ari turang morah ateku

perban mbiarna , perban mbiarna ndube si aku tading
emakana kena kuayak –ayak o….turang
perban mbiarna , perban mbiarana si aku tading
emaka kena kuayak-ayak o…. anak singuda
www.sinabungjaya.com

16.     GELOMBANG ERDESO
Djaga Depari

nehenlah gelombang erdeso
i embus angin silumang
wari pe bage ndabuh ku gelapna
bulan pe ku sudutna                             2 x

siman timan lalap la jumpa
ija kam ndube nari turang
perdalanku pe termampa-mampa
ndarami kena turang                     2 x

reff :
nehenlah ukurku bagi ningku bandu
turang nande karona
layasi ukurndu bagi ningku bandu
turang bere gintingna

kundulkal mama biring sisada
i tepi gelombang erdeso
mambur iluhku mambur ku pusuh
perba turah ate megogo                    2 x
www.sinabungjaya.com

17.     GERDANG GERDUNG

kaperas sige kugerdang gerdungken
morahkal ateku
paku ras santan tamandu ku pingganku
o mama bayangna
ari turang aloikal aku

muas melihe banci kutahanken morah kal ateku
aku la atan kuja pagi inganku
mesayang metami mama bayang aloikal aku

reff :
aloi……… aloi kal aku turang morah ateku
aloi……… aloi kal aku mama itindu
aloi …….. aloi kal aku nande tiganku
aloi ……. aloi kal aku bere karondu

gundera lenga   perirangken jera i keten buluhku
erlumut – lumut kal nina tapin selandi
rudang kudeng – dengi
ari turang aloikal aku

kuga denga ningku nirangken kena
o mama bayangna
nggo rulut – rulut   kena ateku jadi
sayang kusayangi, upah tendi nande biringna
www.sinabungjaya.com

18.    GEREK GEREKEN
Iwan S.

gerek gereken aku natapsa
bencah-bencahindu rusur biberndu adi ngerana
la tertahan banndu aku
minter ku jatuh cinta man banndu enca kita jumpa
banci nge ndia aku jadi rondongndu
la gia aku enda bagi sura-surandu
terus terang aku ngerana kena
labo si pertama ibas pusuhku
janji ersumpah aku bandu tapi
kena pagi si terakhir sayangku
adina surung pagi kena man bangku lalap
kutami-tami kam kumanjaken sayangku
lit kin pe pagi jelma si nura man bangku lanai
aku tergoda sada kam enggo bias agi
www.sinabungjaya.com

19.    G E T U K
Disel Ginting

getuk mami nahendu sangana kusungkun kam agi
i rawai mami kepe kena kita erteman
sakit hati kel aku mbegi rananna nde bayang
la kepe aku atena jadi kelana

ue ueken ame nina lebe matangku
ue ueken ame getukna kena
ah nggo me agi lanai bo terpegedang
arih-arihta biring sideban si erbahan

la kusangka kuliki kabang pe banci nggarang
la kuarap ateku keleng lit si la senang
la kuarap nipe lau banci matuki
la kusangka arihta lolo ban ranan mami

sakit hati patah hati kel aku nungkuni
sakit hati patah hati kel aku nungkuni
www.sinabungjaya.com

20.    GOTONG ROYONG

nde gotong royong kal nina si kita ndube
majekken kutanta enda makana tembe
mari dage bapa nande
gotong royong kita kerina
mbersihken kutanta enda
salu gotong royong maka seh sura-sura

adi gotong royong bapa nande ula pertewas
adi pertewas la kel banci mbelang bekas
mari dage teman senina gotong royong
kerja sama mbangun kutanta enda
alu gotong royong maka seh sura-sura

reff
gotong royong, gotong royong
gotong royong
bapa nande gotong royong
ula kel ban dahin serong
nupung wari gotong royong
gelah lampas dahinta timbas turang
ula nai rayong
www.sinabungjaya.com

21.    GOYANG SONTIL

banci perobahi lagundu ena nde butet
lit kin bagena ulah ulah pernanden
aku si kujuma aku ka si nggule kena bobok saja
aku si encari aku si erdahin kena goyang goyang sontil saja
kena goyang goyang kaki saja
ula akapndu bandu rusur sipayona
la kin ietehndu uga kaakap latihna
lenga terang wari mulih tiga nari
kena rumah saja
seh ka benna wari mulih tiga nari
kena koyok koyok kede kopi
ercatur asa tengah berngi
kai kin nggo lit pernah tukurndu
kinahun kena ertiga tiga
adi soal belanja i rumah aku nge rusur i beratkenndu
ula kin ido ndu rusur banndu
oh butet bapa butetku
adi bekasku ertiga tiga lit nge kutukur tinadingna
adina bagena lanai bo gunana kita si toganen
salah aku robah lanai ku ulihi
encari gelah sigegehi
www.sinabungjaya.com

22.    GULA RAS TUALAH
Djaga Depari

endam nanamna turang
sirang ras ateku ngena
gula kin pe radum tualah turang
pagit kuakap nanamna o turang besan
pagit kuakap nanamna

ku tatap kahe kolu turang
kuidah pulo – pulona
pulo – pulo kuta kena turang
ingandu erngada – ngada o turang besan
ingandu erngada – ngada

reff:
la kel kugejap turang
naheku njingkangken bana
piah – piah ndauh perdalan turang
tapi lalit tujunna o turang besan
tapi lalit tujunna

tedeh pagi atendu aku turang
tatap ku bulan meganjang
ije pagi mata petintang turang
ngataken arih la sirang o turang besan
ngataken arih la sirang o turang besan
www.sinabungjaya.com

23.    GALUH TAMPUK TANDAN

o la bali nake
tuhu la seri teman
sukat-en si lit bas ukurta
sibar-sibarna nggo lit keris2 2x

*
kalak simusil kepe i persilahang ia
adi kalak bayak minter nge i pehaga
lenga bo tentu kekelengen e lit bas ia 2x

bagi galuh tampuk tandan kutimai-timai kena agi
sope galuh enggo selaten jelma sideban agi si ncigatisa

lapadah singuda-nguda tua-tua ras anak kuta nggo ngadu-2 kerina man bangku
erjabu kepekenkena ras sekalak pengusaha nguda la kepe bali
oh andiko tading menda mama karona

– agi la ndube aku tek man jelma singadu-ngadu man baku
entah ia singuda-nguda entah ia tua-tua bage pe anak kuta
em kepe dalannan aku tading agi
bicara kin galuh ndai galuh si tampuk tandan kang ngensa sibarku
e pe sideban kang si ncigatisa nggome agi
kubaba ateku mesui mamakaro e nge si nana misa
mejuah-juah dage kita duana

Kembali ke *
www.sinabungjaya.com

24.    GUNDALING BERASTAGI

gundaling berastagi lau kawar
inganta ndube gawah-gawah
seh ka menda wari sabtu malam
minggu kuinget kena nande karo
ndekah lah gia pagi kutimai kerehen
kena mesayang
suratndu lah gia pagi ikirimkenndu
nambar-nambari ateku tedeh

gundari kam nggo ndauh pekepar
lawit simbelang nirangken kita duana
i kota bandung aku sekolah nindu agi
tutus erlajar inget kal aku ningku man bandu

mulihken awal nari
www.sinabungjaya.com

25.     GUNDALING JANUARI

janjindu nge turang si la terlupakenku
dalanku ertima asa gundari
gundaling januari la masap bas pusuhku
maka la kudarami sambar gancihndu nari
gundaling januari kita erjanji
je kel pepagi kemulihenndu kutimai nindu turang
em asamndu berkat lawes lajang
la terlupaken mesayang sanga
sembelah tanndu ngapus iluhku
sembelah ngapus iluhndu
www.sinabungjaya.com

26.    GUNDALING KENANGEN

i teruh cemara
i bukit gundaling
kita dua-dua nuriken ate ngena
angin sirembus remang mekapal
seh kel bergehna nepcep ku tulan
riahna riahna ras kena

tenda-tenda biru inganta mbarenda
tupung dua-tupung ras mama itingna
salang gundari lanai teridah
tading kenangen kenangen lama
lit bekasna erbekas

ma iting janjindu lalit situhu
aku nggo ibuangkenndu
tading kenangenna i batang kayu situlis gelar
bre bayang tading nde karondu natap remang mekapal
angin sirembus lanai ngasup pebergeh pusuhku
ho .. ho .. ma itingku
ho .. ho .. bere bayangku
www.sinabungjaya.com
up26122011

This entry was posted in Lirik Lagu Karo. Bookmark the permalink.

Leave a Reply

Your email address will not be published. Required fields are marked *