LIRIK LAGU KARO AWALAN “D”

1.       DADA SAYONARA

lanai gunana kena ertenah
aku lanai si gelgel e mama iting
lanai bo mbera kita ersada
perbahan kena enggo lit punanan bere ribu

adi jumpai ngelanggar hukum
terlibat aku hukum pidana mesayang
asang terlibat hukum pidana
madin me kuakap si kita sirang duanan

akapi kena cina bekasndu nggiling
masin meserna kena mabasa kukelengi
bagi sierdalan ibas persimpangen
kita duana simaba-maba dalanna

dada…..dada……….. sayonara
mejuah-juah kita pekepar duana.
www.sinabungjaya.com

2.       DAG DIG DUG SER

dag dig dug ser nina jantungku
ser ser ser nina pusuhku
lawes kita gawah-gawah ndube
prapat bukit lawangku ku pantai biru
tawa cirem kita duana
cikepndu abang jari manisku
dag dig dug nina jantungku
ser ser ser nina darahku

dag dig dug nina jantungku
ser ser ser nina pusuhku
berngi kenca pas terang bulan
terbayang aku rusur kuinget kena
berngi kenca pas ampar bintang
tayang aku la banci tunduh
dag dig dug nina jantungku
ser ser ser nina pusuhku

o, turang mama karo
ula kutandingken
o turang bere tigan
ula sikita sirang
sirang sirang nindu labo ku ngasup
tading tading nindu labo ku tading
dag dig dug nina jantungku
ser ser ser nina darahku
www.sinabungjaya.com

3.    DAHLIA

oh dahlia nde biringna
rupandu agi lanai tanggung seh malana
biberndu merah delima
awakndu ramping bagi gitar barcelona

matandu bagi anisa patel
bukndu gedang bali ras kajol
oh dahlia nde biringna
la kuukuri aminna lit kin pe rondongndu
putuskenlah saja ia
itingndu aku lah banndu sambar gantina
adi ras aku ula kam sangsi
masa depan cerah adi la lah udan
rumah galang juma pe mbelang
motor mbue verios inova

kai kin nge rusur panganindu agi tep-tep wari
makana bagena kel jilendu agi des bidadari
lapedah kena kari erdahin la kujunguti
ayondu si mejelis ena lah i medaki
ho … ooo … dahlia
ho … si manis ku manja
ho … oooo dahlia
ho … aku jatuh cinta
www.sinabungjaya.com

4.    DAH SAYANG

turang ateku jadi …berkat kena kuperlajangen karo
tading ka me aku ooo dage …
ula lupaken tiganndu dah sayang …
slamat jalan … sampai jumpa …
demi masa depanndu …
adi jodoh jumpa nge pagi turang
kutimai kam pagi mulih …
inget kel pagi janjindu …
dah sayang … slamat jalan … I love you
ban pagi katandu …ndigan pagi atendu
labo kam kusimbak bre biring …
ula sinikkennndu kai pagi masalahndu
ngata kam man bangku mesayang …
ula lolah dahi dahinndu karo
tutus ate, ula bangger bangger
inget aku jenda ertima turang
carikenndu asamnta nggeluh
adi aku kam ateku
jadi teman bas geluhku
jadi bapa anak anakku ma karo
demi masa depanndu …
adi jodoh jumpa nge pagi turang
kutimai kam pagi mulih …
inget kel pagi janjindu …
dah sayang … slamat jalan … I love you
ban pagi katandu …ndigan pagi atendu
labo kam kusimbak bre biring …
ula sinikkennndu kai pagi masalahndu
ngata kam man bangku mesayang …
ula lolah dahi dahinndu karo
tutus ate, ula bangger bangger
inget aku jenda ertima turang
carikenndu asamnta nggeluh
adi aku kam ateku
jadi teman bas geluhku
jadi bapa anak anakku ma karo
jadi bapa anak anakku ma karo …
www.sinabungjaya.com

5.    DALAN CURIGA

[dilaki]
nde nangin ola kam merawa
nungkun kel ateku sekali enda
ise temanndu erdalan kam dua-dua
seh kal mesrana sigandengen kam duana
[diberu]
ma tigan ula kam curiga
tuhu tuhu aku erdalan bage dua-dua
labo kam kubuali janeh labo kam kutokohi
tuhu aku erdalan ia bere-bereku anak ka tua sintua
[dilaki]
di payo nde nangin di payo kukelengi
la ku curiga tambah kelengna teku kena
lo piga nde ribu lanai lit si kusura
ateku keleng atendu jadi la lit tukuren
[diberu]
perik cip-cip i batang pola
dua bage kabengna
ula ukurndu latih
kena ngenca ateku ngena
[dilaki]
page i tengah juma
sabah seh kal belangna
lanai lit kusura
selain kita ngenca ateku ersada
lanai lit kusura
selain kita ngenca ateku ersada
www.sinabungjaya.com

6.    DALANKU ERLAJANG

makana aku ndube nadingken kuta nde nangin
ateku nehken sura-sura ku perlajangen
tading me kuta kemulihen
ras pe rudang-rudang si kukelengi

gundari aku nggo itaneh lajang
ate mesui ras ate ceda kubaba baba
perban serana kel ndube geluh ikuta
em kel dalanna makarondu erlajang bana

sejingkan nahe erjingkang
totongku nari nge pengarapenku
kubeluhi bas sienterem
gelah lit pe nangin pusuhku bage ateku

nande ula tangisi kerna pergeluh
anakndu ibas perlajangen
aminna langa terkirim aku
selembar belo lah gia bandu

ertoto kam man dibata gelah seh sura-suraku

oh kam siateku ngena ula teriluh amin kan tedeh
timai kemulihenku gelah sidungi nande nangin arih silolo
www.sinabungjaya.com

7.      DALANKU ROBAH

perberkati pe ndube nadingken kuta
ningen nehken sura-suraku
bagi tempa duri man dedehenndu api man tagangenndu
labo dalih bage atendu
gelah nggo sai bapa sura-sura ku

perlajangen enda ndube bena-benana
ate mesui ras ate ceda ku baba-baba
perba kutogan ndube pedahndu kusimbak kerna rananndu
pusuhku pengguruiku erjabu bapa aku anakndu

reff
la kuarap ndube bagenda nggo jadina
babandu lawes bapaku atendu ceda
la kel tempa i gejapkenndu kekelengen anak singuda
piah nggo sampur tedehku e lanai singapulisa

kundul aku bapa itepi pengadinndu e
kuamburken bunga nuriken erkadiola
gia la sempat ndube itandaindu kempundu e
alu pertendinndu bapaku
arak-arakndulah kami kerina
salah gia nggo salah endam bapa dalanku robah
salah gia nggo salah endam bapa dalanku robah
salah gia nggo salah endam bapa dalanku robah
www.sinabungjaya.com

8.    DALIN MEDALIT                                                                                                                        A S D

ku pepulung ku pe tunggung
bekasku latih e
em kubereken la pe pindo ndu agi
gelah malem atendu
biring menam-menam la ku inget
dalin si medalit e …
kudalani muat ukurndu
turang bagi panggul lompat ku urat kayu
mbera-mbera kel ia ndabuh
adi ndabuh i ombakken lau
bagem pusuhku nde biring ngarak-ngarak kena
bagem ukurku agi ngadep-ngadep kena
bage gia labo kupindo biring
gelah ulih ken kena
kekelengen ras siangkan agi
si ku arapken bandu
www.sinabungjaya.com

9.    DAREH MEGARA

adi lanai pagi suari ndabuh kuberngi kusayangi
labo aku ngasup sirang ras kena
adi lanai pagi megara dareh itingndu kusayangi
eme tandana masap kam bas pusuhku

banci nge ndia kita ersada bagi aku enda
nggeluh mbeneken bana
banci nge ndia kita ersada bagi aku enda
nggeluh mbeneken bana

adi lanai kuakap entebu nanamna tengguli e
surung nge pagi pudun si lakutenahken
adi lanai kin kam beluh pehulisa si ceda e
ula tambahindu nambah getemna
tempa reh malemna jumpa ras kena kepe
erberatna sedekah sampati kena
tempa reh malemna jumpa ras kena kepe
erberatna sedekah sampati kena
lanai nge ndia banci dat kedamen i doni enda
entah lanai nge ndia lit si beluh puhulisa
melebesa nge ndia aku reh kudoni enda
melwansa nge ndia mama itingndu kusayangi
jumpa ras kena

melebesa nge ndia aku reh kudoni enda
melawensa nge ndia itingndu jumpa ras kena
www.sinabungjaya.com

10.    DAREH TINGGI

[dilaki]
ula merawa nde ginting ula merawa kusayangi
adi merawa geruduk bage bitesku
ula merawa nde ginting ula merawa turang nguda
adi merawa kumat kal dareh tinggiku
[diberu]
labo merawa mama karo
labo kunembeh turang nguda
kena nge ngenca turang kira-kiraku
perban biarna kusayangi perban biarna kukelengi
perban biarna kisada aku i rumah
[dilaki]
salah kel aku nande ginting
lepak kel aku ate jadi
o …. o ….
robah kela ku nande ginting
lanai aku ndarat berngi
o …. o ….
[diberu]
mama karo kukelengi
kurang kai denga aku oh turang
mama karo kukelengi
kurang kai denga kin aku oh turang
[dilaki]
kukelengi nande ginting
la lit kurangna sayang ku syangi
kukelengi morah ate
la lit kurangna morah kel ateku
www.sinabungjaya.com

11.    DEBET-DEBET KIDU
Antonius Surbakti

mula-mulana  ndube kam kutandai bere karo
ngarapkal aku kena reh njabuken bana
piah enggo turah ukurku ngaloken kena kusayangi
kenakal pagi ateku teman geluhku

bas sada wari turang reh temandu nuri-nuri
i katakenna buni-bunindu nadangi aku
sengget pusuhku turang megi-megi rananna e
seh naring ukurndu e ikut-ikutndu perbulangen kalak
lange kam mbiar aduken ndeharana

suina e turang banci kugengken
melana e turang kuja kubuniken
debet-debet ku e bagi debet-debet kidu
takalku e nari ngenca lanai bet-beten

perban jadina ateku kena
perban kelengna ateku kena
la kuranaken cakap sienterem
la kuukuri siman dalanen
gelahna banci kam pagi temanku arih

lapedah mbang siman bentasen
lawit simbelang pe kukepari
gelahna jumpa aku ras kena
erkidua pe labo dalih
gelahna sahun pagi aku man bandu

lakal ndube kusangka
ersada acem ras nurung
erdemu kepeken ia ibas belanga
em adi nggo jore ersada kita duana
kualoken dagena kena ibas pusuhku
www.sinabungjaya.com

12.      DELENG SIMOLE

deleng simole ndauh kel beritana
nde kuta buluh nina ture-turena
tambar malem mergana singiani kutana
nde tarigan mergana simajekken lulangna

lau kaca bage gelar tapinna
nde lau lilit bage ningen simalemna
buluh belin punggur telu kel kap lape-lapena
nde sinuci baju merigat nande beru tiganna

ooo lau kaca
ooo tapin inganta ngadi
nde lau lilit kel ingan perburihen
arih la ersada ei naring pusuhku sangkut
dage pusuhku simehuli danci nge i alemi

buluh belin punggur telu kapken sangkut ku jabunta
nca anak beru kalimbubu bagepe kerina senina
adina enggo lah kari ersada cakapta
kai pagi sipinta, leben nge kerina man banta

terlebih kita go mulih
bagi kita dilaki la siperkuanen
seh kel kapken bage rugina
ukur sangkut nge ipebelin
ei labo kel lit ertina
emaka mari nande bapa
sipersada kerina arihta

bage kelabuhen
gendek-gendek ngawan buluh
enda adi tabah menda punggur kerina
emaka ngadiken menek-menek pusuhndu
makana tambah pagi umurta kerina
www.sinabungjaya.com

13.      DELENG SINABUNG JADI SAKSI

deleng sinabung nggo meletus
urukna si meganjang menda nggo merurus
gebuk, melas angin sirembus
mbue sinuan-sinuan melus
gebuk, melas angin sirembus
mbue sinuan-sinuan melus

nande karo siateku keleng
kami ndube erjanji teruh ture deleng
gelah meletus pe sinabung
arih-arihta la banci rayung
gia merurus pe sinabung
arih-arihta la banci rayung

deleng sinabung ndai nggo meletus
tapi arih-arihta nande karo ula min putus
juma kutanta ndai banci terulang
tapi kita duana kusayangi ula min sirang

mari sidahi kade-kade
singungsi berastagi deba kabanjahe
gia kerja tahun i cuncun
ateta ngena ula min selpun
gia kerja tahun i cuncun
arih-arihta ula la sahun

deleng sinabung ndai enggo meletus
tapi arih-arihta nande karo ula min putus
juma kutanta ndai banci terulang
tapi kita duana kusayangi ula min sirang
www.sinabungjaya.com

14.    DERITA
Ferly Sitepu

oh Derita uga nge ndia beritandu
nderbinai reh kel kena bas nipingku
berjut kam kuidah serbut ayondu nde ginting
tempa nuri-nuri kel ukurndu bangku
kai kin nge masalahna bas jabundu

oh Derita kueteh nge atendu ceda
ndalanisa ibas kam radumken ia
uga denga nge ningku nampatisa ari
ula min kam ngadu-ngadu tama salah kari
gundari ateta keleng nggo erbaleng

pesehndu sitik bana oh angin
kirim salamku man nande ginting
tedeh kel ateku oh teman
suari ras berngi aku terbayang

la bias berngi e seh asa terang
la bias berngi e seh asa terang
nggo me rita nggo me cinta
nggo me tading cerita
nggo me cerita
antara kita cerita si jadi nostalgia

nggo me rita nggo me cinta
nggo me tading cerita
nggo me cinta
antara kita cerita si jadi nostalgia
www.sinabungjaya.com

15.    DESEMBER SIPAGITNA

meriah-riah…ndube mulana…
maka erteman kita duana…
bagi perik sidua-dua…
idah sada idah duana…
adi man…sada perpanganen…
adi minem…sada cangkir…

kerja tahun…kin pe i kuta…
la ketadingen…kita duana…
meriah-riah seh kel riahna…
udan rintik pe ikut tawa…
la sitoganen ukurta duana…
erbunga-bunga….ateta ngena…

la terkejap bulanna…
seh me bulan desember…
mbue iluhku mambur…
perbahan aku…i sirangkenndu…
la dua ngenca…bandu salinku…
nggo lasam..gundari…
kekelengen mama itingndu…
pagit pe ras melana…aku mbabasa…
gara-gara erteman ras si manja…

tading si pagitna…i bulan desember…
si jadi man tangkelenku i bulan desember…
si mbue iluhku mambur…
perbahan…nde karoku…
tading si pagitna…i bulan desember
www.sinabungjaya.com

16.      DIBATA TELU SADA

ibas gelar Bapa ibas gelar Anak
ras Kesah Sibadia amin
Tuhan si sembah kita tergelar Dibata Bapa
perban ia pencipta sinjadiken sinasana
Yesus Kristus anakna em Tuhan manusia
perban kita erdosa i tebusina
Kesah Sibadia kesah penampa
si janjikenna man banta
Kesah Sibadia jaminen man banta
janji janjina tepatina
Dibata Telu Sada
Dibata Bapa Dibata Anak ras Kesah Sibadia
Dibata Telu Sada
palas perpadanenta gundari seh rasa lalap
palas perpadanenta gundari seh rasa lalap
www.sinabungjaya.com

17.     DIDING DIDING
Djaga Depari

betah-betah page setumba rudang
leben kupinuh maka kukeben
sedekah-dekah kita la jumpa nande karo     2x
leben teriluh makana terpedem
ale sididing, diding, sididing-diding turang  2x
sigole, gole ram
ari tuang sayang kusayangi
kujakam lawes babandu aku         2 x

jaba la sudu sitangke lenga rudang
gula padang i tama buah
adina tuhu atendu ngena turang              2 x
ola teralang atendu mekuah

matawari sipukul siwah turang
deleng sinabung mbue kertahna
sada wari gia lakam kuidah o turang           2 x
timbang setahun kuakap dekahna
www.sinabungjaya.com

18.     DIDONG DOAH

didong doah anak si kitik denga
adi nggo mbelin nakku ula metuda
terbeluh kam nakku nampilken bana
segelah keleng pagi ate jelma kerina
ula merso kerna geluh mesera
nde ngemo-ngemo anakku muat nakanta

didong doah anak sope mbelin
ula tangisi kerna geluhta tading
ula jakandu anakku langit meganjang
adi dahinku anakku mersan balembang
adi enggo kam pagi mulih sekolah
isampatindu min pagi dahin i sabah

reff:
nggeluh enda nakku ajar bancina
la tersilahken adi bekas pemerena
gia kade-kadenta nese kerina
ermalu-malu anakku adi mesera

kugengken pagi erdaya sabah
gelahna kam nakku terus sekolah
ula usihndu pagi geluh bapandu anakku
erteman sekin man dadapen sembilu

kugengken pagi erdaya juma
gelahna kam ame jadi sarjana
la man ayaken harta pertibi enda
ula kam magin anakku pemindon bapa
www.sinabungjaya.com

19.    DIDONG-DIDONG SINANGKIH RUDANG

ho … o …. ho …. ho …
didong didong anak singuda
ho … o …. ho …. ho …
lampas gedang lampas ertua
lupa ngindek ngayakken gedangna
ula kam bangger bangger teman arih
ula inget padan kiniseran bias aku mbabasa
ho … o …. ho …. ho …
didong didong sinangkih rudang
ho … o …. ho …. ho …
ula gutul lampas kena nggedang
tadingken kerina ngalah ngalah
ula baba baba teman arih

lupaken lah kerna kiniseran bias aku mbabasa                                                                      padan la tembe labo kita metehsa anakku
tapi rukurlah kam lebe enda man beluhenndu teman
pengkebett man pekenan sila tengteng la man dalanen
ertoto man dibata man usur-usuren
ertoto man dibata man usur-usuren
www.sinabungjaya.com

20.    DILAKI CADANGEN

lameteh sungkun gi aku man bandu
kerna rondongndu
aku nggo putus bang
lanai ras ia nindu man bangku
asa geluhku kel kena kutami tami kukelengi
lit kin pe jelma ndube si erpengarapen lanai kualoken
labias sukaten kam telu gantang aku setumba
ibas perbahanen atendu lahang ateku tutus
sanga kam suntuk e ngenca aku ingetndu teleponindu
sanga meriah e temanndu gawah gawah lanai bo aku
adi na banci gi ukuri aku
adi la banci bahan saja atendu
uga nge ndia sura surandu
kupindo putus ije ka tendu tutus
buhuni saja ukurndu
ikutken sura surandu
pilihndu antara ia ntah aku
aku la ngasup gi
aku langasup bandu
adina terjeng jadi cinta sesaatndu
aku la ngasup gi
aku langasup bandu
adina jadi dilaki cadangenndu
www.sinabungjaya.com

21.     DONI PERTIBI

doni pertibi simalem
ingan nggeluh tinepa si rulo
serta lalit pandangenna
seh jilena tuhu seh tunggungna

krina ibahan dibata
bagi persirang rante-rante
gelah kerina tinepa
pekepar ola pagi tulpak jine
manusia si mehaga
megati lepak tupung makekensa
mekatep ibas sukatenna
mekisat doni dungna merekensa

senina turang ia jamahi
kayu-kayu keri enggo itabahi
keri deleng kari irabi
kerah melihe kita pepagi

ibereken tuhan pe kuasa
juma suanen lit kap sibarna
www.sinabungjaya.com

22.     DOSA ENTAH SALAH

nde karo nande karoku ….
mbera begindu soraku erlebuh
uga suina uga latihna
pusuhku sedekah i tadingkenndu
kusayangi morah ateku …
kutami-tami jadi ateku …
la tanggung berat la tanggung getemna
pusuhku penggaya penadingkenndu
salah kin ndia kam ngena ateku
ntah dosa kin ndia kam kukelengi
ibas geluhku karo aku i dayakenndu
ibas geluhku turang aku tambat pulahkenndu
www.sinabungjaya.com

23.    DUPLIKAT CINTA

sada ngenca pindonku kusayangi
gejapkenlah ibas pusuhndu
uga belinna kekelengen bas pusuhku
si ku endesken ku hadapenndu
tapi tulakkenndu la kueteh salah dosaku
kebenen nande biringndu sekali enda
gia tumbu kel beliganna
admin teridah kena i lebe-lebe mataku enda
lanai bo aku si engkelengisa
kepe sedekah enda
duplikat cintandu ngenca
ceda ningen nggom seh cedana
bagem pusuhku kusayangi
pinakit ningen nggom man tambaren kusayangi
setres e labo aku sangsi struk e … si kubiari
setres e labo aku sangsi struk e … si kubiari
www.sinabungjaya.com

24.    DURMA DAGING

la jine kupindo kita ngerana tiap berngi ma iting
malam mingggu saja isempatkenndu nggo me malem ateku
tupung sade pe kam kutenahken la isempatkenndu
cuba ukuri uga getemna ibas pusuhku

*
reh nina ukurku adina banci
ula min nari aku tading kenndu
la bo kupaksaken tapi mindo aku
segelah e idalankenndu
adina kin lit denga perkuah atendu
la kuakap salah ue ribu bage ningkehna

reff:
entah kai nge ndube ban ndu durma
dagingndu maka lalap ma iting ndai ateku rusur
ntah kena kin ndube si ngkawali aku sope tubuh ku doni

iting kel ningku rusur la kel ku gejap kulebuh kena
adi la kin pagi surung kita ersada idahndu pagi kai si terjadi
mulihken ku *
www.sinabungjaya.com

25.     DURMA RAS BISA

tombak pe ras lembing kualaken
durma pe ras bisa ku alo-alo
apai denga mama ras mami siman hadapen
me labo nangin mbiar gelah ras kena nande tigan
apai denga mama ras mami siman hadapen
me labo nangin mbiar gelah ras kena kusayangi

la ue nina pengindo la kumorahi
kita sirang kusayangi la kutangisi
kekelengen e pagi lalit singalokensa
la tanggung beratna la erbaban nande tigan
kekelengen e pagi lalit singalokensa
la tanggung beratna la erbaban morah ate

ise nge pagi ndia, nd tigan nge pagi ndia
adi ka kena kuja pagi ingan pengadunku nd tigan
kena nge pagi ndia, bere iting nge pagi ndia
adi ka kena kuja pagi mama nanginndu nande tiganku
www.sinabungjaya.com

26.     DURI DAGING

oohoooo ate ngena e simorah ate e jadi duri ibas dagingku 2x

mesui kepe sirang ras ate ngena
bagi sayat sembilu ibas pusuhku mbages kuakap nanamna
erduri kepe janji sibelaskenndu
eme simuat ukurku seh ku tampukna luka penadingkenndu

nde karongku ula min lit ibas ukurku
mesayang metami bias enggo teku mesui
ula i pehulindu ateku lahang e nangdangi mama itingna
ula persilahenndu bere biring kerna atendu ngena

ohoooo ate ngena e simorah ate e jadi duri ibas dagingku 2x
www.sinabungjaya.com

27.     DURI TADA – TADA

la ngenca ranan ndu turang nandangi aku
rikut penatapndu pe agi mecek pusuhku
ndaram-ndarami kel pusuhku
kai nge ndia salah lepakku man bandu nande tiganku

sikuetehna ndube sada penggejapndu aku
kepeken dua turang ukurndu erdalan
kepeken sedekah enda peturah-turahndu atendu ngena
nandangi aku mama karondu

bagi singuling duri tada-tada penggejapenku nande tigan
sada sinustus siwah kuakap singkawit pusuhku
payo kel kam nande tigan kusayangi ibas pusuhndu
payo kel kam nande tigan kusayangi ibas pusuhndu

sikuetehna ndube sada penatapndu aku
kepeken dua turang ukurndu erdalan
kepeken sedekah enda peturah-turahndu atendu ngena
nandangi aku mama karondu
bagi singuit duri tada-tada penggejapenku nande tiganku
sada sinustus siwah kuakap singkawit pusuhku
payo kel aku nande tigan
www.sinabungjaya.com

This entry was posted in Lirik Lagu Karo. Bookmark the permalink.

3 Responses to LIRIK LAGU KARO AWALAN “D”

  1. The Adsense 101 Bootcamp
    Finally Earn Your Dream Adsense Income!
    The Adsense 101 Bootcamp is so much more than a 7 week intensive Adsense mastery course…
    The bootcamp is your Adsense mentor and there’s just one objective…
    Get you earning your dream Adsense income in as short a time as possible!
    This Is The Real Deal So Act Quick Before You Miss Your Opertunity!

  2. lompoh says:

    min,
    tlg share all lagunya Antonius Surbakti …..please

Leave a Reply

Your email address will not be published. Required fields are marked *