K A T A P E R L E B E
( p e m e n a )
Mejuah-juah,
Ibas sekitar tahun pitu puluhen pernah isungkun kaka tua Kueteh Sembiring Gurukinayan ( Pa Bas Ukurta, blok Terombo 37 ) , uga hubungen keluarga ras Sangkut Ginting ( Blok Terombo 45). Adina orat tutur kueteh maka kami rimpal, tapi kuga maka rimpal e lanai kuinget sebab ndauh sebelumna enggo nge pernah ituriken keluarga man bangku, tapi sanga sie lakuakap penting kal emakana lanai ku inget adina sungkun ka genduari uga makana rimpal.
Enca kejadian sie reh sada penungkunen ibas diriku, adina aku sendiri pe lanai kueteh kuga hubungen keluarga ras kade-kade sidebanna silit denga hubungen dareh apaika pagi generasi selanjutna, tentu generasi selanjutnna pagi lanai bo sitandan bagepe lanai tehna orat tuturna kerina. Padahal genduari keturunen ibas keluarga Kesain Rumah Pudung enggo melala ras marpar siinganna tading pe enggo ndauh i kuta Gurukinayan nari. Enda tentu sangat merugiken man banta kerina adina kita pagi lanai sietehen orat tuturta situhuna entah pe lanai sitandan pekepar ija gia pagi kita jumpa.
Kebetulen ibas bulan September 1979 aku mulih ku Gurukinayan ras piga-piga minggu berikutna kaka Nd. Bas Ukurta br Sembiring Meliala ( Selat br Sembiring Meliala, Blok Terombo 37) pe mulih ku kuta. Ibas sanga kami pulung i jabu Bapa Nguda Rekat Sembiring Gurukinayan (Pa Nimpan, Blok Terombo 39) kuorati kerina keluargata siikut pulung ibas berngi e emkap : Rekat Sembiring Gurukinayan (Pa Nimpan) , Goto br Sitepu (Nd. Nimpan) , Releng br Sitepu (Nd. Kueteh), Tangsi Sembiring Gurukinayan (Pa Mbina, Blok Terombo 46), Pawen br Sitepu (Nd. Mbina), Selat br Sembiring Meliala (Nd. Bas Ukurta), Simpan br Sembiring Gurukinayan (Nd. Tenang), Anna br Sembiring Gurukinayan (Nd. Masta) ras Asia Ginting (Pa Sukamulia). Tepatna tanggal kami pulung ibas berngi sie emkap 6 Oktober 1979, wari Kamis. Sanga sie secara garis besar enggo lit data keluargata kerina walaupe lenga lengkap tapi untuk sementara kuakap cukup isusun sada konsep trombo keluarga Rumah Pudung.
Rencana enda tertunda terus seh ibas akhir tahun 1984 maka konsep enda tersusun ras kubaba ka mulihi ku kuta untuk lebih isempurnaken bagepe enggo banci sisusun terdauhen kudatas enca jumpa ras kaka tua Arsim Sembiring Gurukinayan (Pa Ranita, Blok Terombo 24), bibi Nd. Bagem br Ginting ( Blok Terombo 43) ras bibi Nd. Ingansip br Ginting ( Blok Terombo 44) simeteh melala mengenai keluargata Kesain Rumah Pudung, Rumah Tengah I kuta Gurukinayan.
Genduari Terombo Keluarga Rumah Pudung enggo tersusun amin gia melala denga gelar anggota keluargata silenga terpepulung, enda erkiteken waktu siterbatas janah pe lanai terorati kerina keluargata sideban simungkin meteh data sikurang enda. Bagegia untuk tahap pemena enda, enggo tersusun seh ku generasi si pepituken sinimulai ibas generasi pemena sigelarken Nini Bulang Pa Sida Sembiring Gurukinayan.
Untuk menyempurnaken trombo enda ngarap kal kami man kam gelah ras-ras kita kerina ngorati keluargata sideban. Adina enggo lit data sikurang enda ibas kam, apaipe kam la erdobah gelah mis kirimkendu ku Jakarta sesuai ras nomor (kode) sienggo isusun ijenda, atau mungkin lenga lit nomorna erkiteken data siterpepulung mbarenda keliru maka banci ibandu catatenna.
Selanjutna pagi adina enggo lengkap data keluargata kerina seh kugenerasi pepituken , banci sisusun sada buku trombo sinirencanaken ikirimken man kerina keluargata simbutuhkenca.
Perlu itambahken kami, maka situhuna lit denga aggota keluargata sideban silenga banci termasukken ibas trombo enda erkiteken lenga lit data siterdatasen ibas Nini Bulang Pa Sida Sembiring Gurukinayan. Mbera-mbera pagi adina enggo lit trombo enda banci ka sieteh terdauhen kudatas gelah kerina anggota keluarga Rumah Pudung Gurukinayan nari lanai lit sitading-tading.
Sibar em lebe ras erpengarapen kami gelah terombo keluargata enda banci erguna man banta kerina ras lebih sitandan kita ijapape kita pagi jumpa.
Bujur ras mejuah-juah kita kerina.
Jakarta, 8 April 1985.-
Rophian Sembiring Gurukinayan.
bg banci berekendu silah2 kalak sembiring mergana
perlu kel aq erban tugas adi banci ula ndkhsa ya bg
silsilah siapai maksudndu? bujur
Mejuah juah Abang.
Aku impal Bang Sangkut Ginting – Bp Oci(alm), kami tading i batam.
Kami rumah tengah.
Bapa 4 sembuyak
– Bena Sembiring Gurky ( Bp. Sanggup )- Buluh pancur
– Morah Sembiring Gurky ( Bp. Salmiah ) – Lawe Desky – berneh
– Malem mena br Sembiring Gurky ( Nd. Sangkut Ginting ) – Gurukinayan-Jakarta
– Menang Sembiring Gurky ( Bp Anthony Malem Ukur ) – Pdg bulan Medan.
Ku coba masuk ku bas uruten enda , namun la ku dat cara masuk na, mohon bantuan .
Nomer HP ku : 0815 3611 2442
0813 7382 9026
Bujur ras mejuah juah
Man agi kami Anthony Malem Ukur S. Gurukinayan, mengenai komentar/ penungkunenmu,……… enda salah sada kelemahan adina siban terombo sebab engkai maka la engKo lit ije padahal aku pe kueteh maka engko salah sada generasi ibas Kesain Rumah Pudung Sembiring Gurukinayan i kuta Gurukinayan. Tapi erkiteken lanai mbarenda tersulu-sului aku silsilahta terdauhen ku datas emaka terjeng Bapa Reti S. Gurkinayan (Pa Kueteh) ras Bapa Mayan S. Guruinayan (Pa Ngonggar/ Arsim) terdata epe dekahna hampir 30 (telu puluh) tahun maka enggo lit bagi siibas ibas website enda atau tepatna mulai kurintis ibas September 1979, ..bagegia lenga bo lengkap datana. Sedangken terdauhen kudatas sada tingkat nari eme Nini Bulang Pa Kerno S. Gurukinayan siija ibas sie ia sembuyak bapa ras Pa Ulin/ Bena S. Gurukinayan si anakna bapa Jasa S. Gurukinayan……. ija ije enggko salah sada keturunenna bali ras Tomo S. Gurukinayan (Berastagi) bagepe Tion S. Gurukinayan (Riau ?).
Mengenai uga maka Sangkut Ginting Suka (Pa Oci, alm) teridah gelarna ibas Terombo e erkiteken arah bengkila Pa Sangkut Ginting (Musim Ginting) bebere S. Guriknayan maka lit gelarna ije, ras labo arah bibi Nd. Sangkut (Malem Mena) br S. Gurukinayan si sada terpuk ras Bapa Jasa S. Gurukinayan (nin Blok Terombo 45). Tapi sijelas kita sada nini nge ibas trombo e tapi lanai tersulu-sului terdatasen sada tingkat, buktina jumata pe ndeher/ sibalengen nge ije kerina i kuta Gurukinayan.
Untuk jelasna banci ninko “Sejarah Ras Kesain Kuta Gurukiinayan” ibas website enda, bujur ras salam man keluargata. Bp. Ninta – Jkt.